Jon 10:27 - Yesus Aqa Anjam Bole

²⁷ Ijo kaja naŋgi ijo medabu queqnub. E naŋgi qa qalie. Naŋgi e daurbeqnub.

Jon 10:27 ပူးပေါင်းရင်းမြစ်များ

Matyu 16:24

Osiqa aqa aŋgro kalil naŋgi endegsi minjrej, “Tamo bei na e daurbqa osimqa aqa segi areqalo kalil uratekritosim di aqa segi ŋamburbas qoboiyosim e daurbem.

Matyu 17:5

Pita a degsi mareqnaqa laŋbi tulaŋ suwaŋo aisiqa naŋgi kabutnjrej. Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. E a qa tulaŋ areboleboleibeqnu. Deqa niŋgi aqa anjam quetoqniye.”

Matyu 25:12

Onaqa a na kamba minjrej, ‘Niŋgi quiye. E bole merŋgwai. E niŋgi qaliesai.’”

Matyu 7:23

Yimqa bati deqa e boleq na minjrqai, ‘Niŋgi tal qabe? E niŋgi qaliesai. Deqa niŋgi jaraiiye. Niŋgi kumbra uge yo qaji tamo.’ E naŋgi degsi minjrqai.”

Mak 10:21

Onaqa Yesus a tamo di koqyosiqa qalaiyosiq minjej, “Ni dal anjam di kalil daurysim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Yimqa bunuqna ni laŋ qureq dia awai bole itqam.”

Mak 8:34

Osiqa tamo uŋgasari kalil naŋgi ti aqa segi aŋgro naŋgi ti metnjrnaqa aqa areq bonabqa minjrej, “Tamo bei na e daurbqa osimqa a aqa segi areqalo kalil uratosim bati gaigai aqa segi ŋamburbas qoboiyosim e daurboqnem.

Luk 13:27

Degsi minjibqa a na kamba merŋgwas, ‘Niŋgi tal qabe? E niŋgi qaliesai. Deqa niŋgi kalil jaraiiye. Niŋgi kumbra uge yo qaji tamo.’

Luk 9:23

Osiqa aqa aŋgro kalil naŋgi endegsi minjrej, “Tamo bei na e daurbqa osimqa a aqa segi areqalo kalil uratekritosim bati gaigai aqa segi ŋamburbas qoboiyosim e daurboqnem.

Jon 10:14

“E kaja naŋgo mandor bole. E ijo segi kaja naŋgi qa qalie. Ijo segi kaja naŋgi e qa dego qalie.

Jon 10:16

Ijo kaja qudei dego jeŋ oqeq di unub. Naŋgi jeŋ miligiq endi sosai. Deqa e naŋgi dego joqsiy bosiy ijo kaja jeŋ miligiq endi unub qaji naŋgi ti turtnjrsiy jeŋ qujaiq di breinjrqai. Yim naŋgi mandor qujaiq di sosib ijo medabu dauryoqnqab.

Jon 10:8

Tamo kalil e bosaisonam nami beb qaji naŋgi bajiŋ tamo. Ariya kaja naŋgi naŋgo medabu dauryosai.

Jon 12:26

Tamo bei a ijo wau yqa osimqa a e daurbem. Yimqa qure e sqai qaji di ijo wau tamo a dego e ombla sqas. Tamo bei a ijo wau yoqnqas di ijo Abu na a ñam kobaquja yqas.”

Jon 21:22

Onaqa Yesus na Pita minjej, “Aŋgro di a moiosaisoqnimqa e olo bqai degsi minjitqa ni deqa are koba qalaim. Di ino wau sai. Di ijo wau. Ni e daurbe.”

Jon 5:25

“Niŋgi quiye. E bole merŋgwai. Bati bei brantqas agi brantqo. Deqa tamo uŋgasari moreŋo qaji naŋgi ijo kakoro qusib dena naŋgi ŋambile oqab. Di kiyaqa? E Qotei aqa Ŋiri deqa.

Jon 8:12

Yesus a uŋa degsi minjnaq gileqnaqa a na tamo uŋgasari naŋgi olo endegsi minjrej, “E mandam endeqa puloŋ. Tamo a e daurbqas di a ambruq di walwelqasai. A suwaŋoq di walweloqnsim ŋambile gaigai sqas.”

Jon 8:43

“Kiyaqa niŋgi ijo anjam endi poiŋgosai? Utru endegsi merŋgwai. Niŋgi ijo anjam quqwa keresai deqa.

Aposel 3:23

Tamo kalil aqa anjam quqwa uratqab qaji naŋgi Qotei na ñumim moreŋqab. Deqa naŋgi olo Qotei aqa tamo uŋgasari naŋgo ambleq di sqasai.’ Moses a nami degsi marej.

1 Korin 8:3

Ariya tamo bei a Qotei qalaqalaiyoqnqas di Qotei a tamo deqa bole poiyqo.

Galesia 4:9

Ariya bini niŋgi Qotei bole qalieonub. A niŋgi qa dego bole qalieqo. Deqa kiyaqa niŋgi olo puluosib mondor uge uge naŋgi daurnjrqajqa are qaleqnub? Kiyaqa niŋgi olo naŋgo kaŋgal tamo bul sqajqa are qaleqnub? Niŋgi qalie, mondor uge uge naŋgi dena niŋgi aqaryaiŋgwa keresai.

2 Timoti 2:19

Ariya Qotei aqa segi tamo uŋgasari naŋgi tal aqa ai bulosib siŋgila na tigelejunub. Tal aqa aiq di Qotei a anjam endegsi neŋgreŋyej, “Tamo Koba Qotei a aqa segi tamo uŋgasari naŋgi qa qalie bole.” Anjam bei dego tal aqa aiq di endegsi neŋgreŋyej, “Tamo kalil Qotei aqa ñam ti unub qaji naŋgi kumbra uge kalil qoreiyoqnebe.”

Hibru 3:7

Iga Qotei aqa tamo uŋgasari unum deqa iga Qotei aqa Mondor Bole aqa anjam quoqnqom. Aqa anjam agiende, “Bini bati endi niŋgi Qotei aqa medabu quoqniye.

Uli Anjam 14:4

Tamo 144,000 naŋgi di nami uŋa ti sambalaosaioqneb. Deqa naŋgo jejamu yala jigatosai. Naŋgi une saiqoji. Kaja Du a walwelosiq sawa sawaq gileqnaqa naŋgi a dauryosib laqnub. Tamo uŋgasari kalil mandamq di unub qaji naŋgo ambleq dena Qotei na tamo 144,000 naŋgi di awaiyeleŋej. Tamo naŋgi di Qotei na eleŋej deqa naŋgi iŋgi meli bunuj bulosib Qotei wo Kaja Du wo naŋgo segi tamo unub.

Uli Anjam 3:20

“‘Ni e nube. E siraŋmeq di tigelesosimqa kindokindoŋeqnum. Tamo bei a ijo kakoro qusimqa siraŋ waqtetbqas e miligiq gilsiy aqo ombla iŋgi uyqom.