Jon 1:9 - Yesus Aqa Anjam Bole

⁹ Puloŋ di puloŋ bole. A mandamq aisiqa tamo uŋgasari kalil naŋgi suwantnjreqnu.

Jon 1:9 ပူးပေါင်းရင်းမြစ်များ

Matyu 6:23

Ariya ino ŋamdamu ugeqas di ino jejamu kalil ambruqas. Deqa puloŋ ino are miligiq di unu qaji di olo ambruqas di ino are miligi kalil ambruekritqas.”

Luk 11:36

Ino jejamu kalil suwaŋekritqas di taqal bei ambruqa keresai. Deqa ino jejamu kalil suwaŋoq di soqneme. Lam qatrentosim ni suwantmeqnu dego kere.”

Jon 1:4

Anjam a segi ŋambile qa utru. Ŋambile di puloŋ bul. Deqa ŋambile dena tamo uŋgasari naŋgi suwantnjreqnu.

Jon 1:7

A anjam palontqa bej. A puloŋ qa anjam palontoqnej. Tamo uŋgasari kalil naŋgi aqa anjam qusib puloŋ qa naŋgo areqalo siŋgilatqajqa deqa palontoqnej.

Jon 12:46

E puloŋ bulosim mandamq aiem. Deqa tamo uŋgasari kalil e qa naŋgo areqalo siŋgilatqab qaji naŋgi ambruq di sqasai.

Jon 14:6

Onaqa Yesus na minjej, “E segi gam. E segi anjam bole qa utru. E segi ŋambile qa utru dego. Deqa tamo bei a gam bei na ijo Abu aqaq oqwa keresai. Ijo Abu aqaq oqwajqa gam agi e segi qujai.

Jon 15:1

Osiqa Yesus a olo anjam endegsi minjrej, “E segi wain ŋamtaŋ bole. Ijo Abu a wain wau qa lanja.

Jon 6:32

Onaqa Yesus na kamba minjrej, “Niŋgi quiye. E bole merŋgwai. Moses a na laŋ qure qa bem di niŋgi anaiŋgosaioqnej. Ijo Abu a segi na laŋ qure qa bem bole niŋgi anaiŋgeqnu.

Jon 7:12

Onaqa tamo uŋgasari naŋgi segi segi anjam gargekoba laŋa laŋa Yesus qa maroqneb. Qudei naŋgi mareb, “Yesus a tamo bolequja.” Qudei naŋgi mareb, “Sai. A na tamo uŋgasari naŋgi gisa gisaŋnjreqnu.”

1 Jon 1:8

Iga endegsi marqom, “E une yosaieqnum.” Degsi marqom di iga gago segi jejamu gisaŋyonum. Deqa anjam bole gago are miligiq di sqa keresai.

1 Jon 2:8

Ariya dal anjam e neŋgreŋyosim niŋgi qa qariŋyonum qaji endi dal anjam bunuj dego. Dal anjam bunuj endi Kristus a segi dauryoqnej. Niŋgi dego dauryeqnub. Di kiyaqa? Ambru a koboqa laqnaqa suwaŋ a olo brantej unu.

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.