Jon 1:45 - Yesus Aqa Anjam Bole

⁴⁵ Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 1:45 ပူးပေါင်းရင်းမြစ်များ

Matyu 10:3

Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Matyu 13:55

Iga qalie, aqa siqali a laŋa tal gereiyo qaji tamo. Aqa aniqali Maria. A Jems na Josep na Saimon na Judas na naŋgo was.

Matyu 2:23

Onaqa Josep a Qotei aqa anjam di dauryosiqa Galili sawaq gilej. Gilsiq qure bei aqa ñam Nasaret di soqnej. A di soqnej deqa anjam bei Qotei aqa medabu o tamo qudei naŋgi nami maroqneb qaji di aqa damu brantej. Naŋgi endegsib maroqneb, “Naŋgi a qa maroqnqab, ‘A Nasaret tamo.’”

Matyu 21:11

Degsib mareqnabqa tamo uŋgasari qudei Yesus dauryosib aioqneb qaji naŋgi na kamba minjreb, “Tamo endi Yesus. A Qotei aqa medabu o qaji tamo bole. Aqa qure utru Nasaret. Nasaret qure agi Galili sawaq di unu.”

Mak 6:3

Iga qalie, a laŋa tal gereiyo qaji tamo. A Maria aqa ŋiri. A Jems na Joses na Judas na Saimon na naŋgo was. Aqa nawi kalil naŋgi agi iga koba na endi unum.” Naŋgi degsib yomu anjam marsib Yesus qa ugeeb.

Luk 18:37

Onaqa naŋgi na minjeb, “Yesus Nasaret qaji a aieqnu. Deqa iga a dauryosim aieqnum.”

Luk 2:4

Onaqa Josep a Nasaret qureq dena tigelosiqa Devit aqa qure utruq oqej. Nasaret qure a Galili sawaq di unu. Devit aqa qure utru aqa ñam Betlehem. Betlehem a Judia sawaq di unu. Josep a deq oqej. Di kiyaqa? A Devit aqa leŋ dena ŋambabej deqa.

Luk 2:48

Onaqa aqa ai wo abu wo naŋgi a unsibqa are koba qaleb. Osib aqa ai na minjej, “O ijo aŋgro, ni kiyaqa aqo ino abu wo kumbra deggonum? Ni que. Aqo aiyel tulaŋ are gulubeigwoqa ni qa ŋamoqnam.”

Luk 24:27

Yesus a naŋgi degsi minjrsiqa a segi qa anjam kalil nami neŋgreŋyeleŋeb qaji di sainjrsiq Moses aqaq dena utru atsiq gilsiq Qotei aqa medabu o qaji tamo naŋgo anjam kalil nami a qa neŋgreŋyeleŋeb qaji di geregere plaltosiq minjroqnej.

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Luk 3:23

Yesus aqa wausau 30 kereonaqa aqa wau utru atej. Naŋgi Yesus qa endegsib maroqneb, “A Josep aqa ŋiri.” Josep a Heli aqa ŋiri.

Luk 4:22

Degsi minjrnaqa naŋgi kalil aqa anjam di qusibqa naŋgi areboleboleinjrnaqa mareb, “Yesus aqa anjam di bolequja.” Naŋgi degsi marsibqa olo areqalo kobaiyoqnsib maroqneb, “Yesus a Josep aqa ŋiri. Deqa a powo qabe na osiqa anjam bole endeqaji palontosiq mergeqnu?”

Jon 1:44

Filip a Betsaida qure qaji. Di Andru wo Pita wo naŋgo qure utru.

Jon 12:21

Deqa Grik tamo naŋgi di Filip aqaq di branteb. Di kiyaqa? Filip a dego Grik tamo deqa. Filip aqa qure utru Betsaida. Qure di Galili sawaq di unu. Ariya naŋgi Filip aqaq di brantosib minjeb, “O gago was, iga Yesus unqa bonum.”

Jon 14:8

Onaqa Filip na Yesus minjej, “O Tamo Koba, ni na ino Abu iga osorgimqa di iga qa kereqas.”

Jon 18:5

Onaqa naŋgi na kamba minjeb, “Iga Yesus Nasaret qaji a qa bonum.” Onaqa Yesus na minjrej, “E agiende.” Judas agi Yesus osiqa jeu tamo naŋgo baŋq di atej qaji a naŋgi koba na tigelesoqneb.

Jon 18:7

Onaqa Yesus na olo nenemnjrej, “Niŋgi yai qa bonub?” Onaqa naŋgi na minjeb, “Iga Yesus Nasaret qaji a qa bonum.”

Jon 19:19

Onaqa Pailat a ŋam sarqei bei osiqa quraq di anjam endegsi neŋgreŋyej, “Yesus Nasaret qaji a Juda naŋgo Mandor Koba.” Degsi neŋgreŋyosiq ŋam sarqei di osi gilsiqa qaja tamo naŋgi enjrnaqa naŋgi na osib Yesus aqa ŋamburbas mutu gogeq di qameb.

Jon 21:2

Ya agu qalaq dia Yesus aqa aŋgro 7-pela naŋgi soqneb. Aŋgro bei Saimon Pita. Bei Tomas aqa ñam bei Didimus. Bei Nataniel. Nataniel aqa qure utru Kana. Kana a Galili sawaq di unu. Sebedi aqa ŋiri aiyel naŋgi dego ya agu qalaq di soqneb. Ariya Yesus aqa aŋgro aiyel dego naŋgi koba na soqneb.

Jon 6:42

Yomuoqnsib maroqneb, “Tamo di Yesus. A Josep aqa ŋiri. Aqa ai wo abu wo naŋgi qa iga qalie. A kiyaqa marqo, ‘E laŋ qure uratosim mandamq aiem’?”

Jon 6:5

Onaqa Yesus a ŋam atsiqa tamo uŋgasari tulaŋ gargekoba a dauryosib aqa areq beqnabqa unjrsiqa aqa aŋgro bei Filip nenemyej, “Iga qabe na iŋgi awaiyosim tamo uŋgasari kalil di anainjronam kereqas?”

Jon 6:7

Onaqa Filip na kamba Yesus minjej, “Iga 200 kina osim dena iŋgi awaiyosim iŋgi kiñala kiñala anainjrqom di kereqasai.”

Aposel 10:38

Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Aposel 22:8

Onaqa e na kamba minjem, ‘O Tamo Koba, ni yai?’ Onaqa merbej, ‘E Yesus Nasaret qaji agi ni na ugeugeibeqnum qaji.’

Aposel 26:9

“Bole, e segi nami Yesus Nasaret qaji aqa ñam ugeugeiyoqnsim jeutsi laqnem.

Aposel 3:6

Onaqa Pita na minjej, “E silali saiqoji. Ijo iŋgi bei unu di ni emqai. Yesus Kristus Nasaret qaji aqa ñam na e ni endegsi mermonum, ‘Ni tigelosim walwel.’”