Jon 1:38 - Yesus Aqa Anjam Bole

³⁸ Onaqa Yesus a bulosiqa naŋgi aiyel a dauryosib beqnabqa unjrsiqa nenemnjrej, “Niŋgi aiyel kiyaqa e daurbeqnub?” Onaqa minjeb, “Rabai, ni tal qabia unum?” Ñam “Rabai” di Hibru anjam. Gago anjam, “Qalie Tamo Koba.”

Jon 1:38 ပူးပေါင်းရင်းမြစ်များ

Luk 10:39

Marta aqa jaja bei soqnej aqa ñam Maria. A dego Tamo Koba Yesus unej. Unsiqa aqa siŋgaq di awoosiqa aqa anjam quoqnej.

Luk 14:25

Yesus a yawo anjam degsi marsiqa tigelosiq walwelej. A walwelosi gileqnaqa tamo uŋgasari tulaŋ gargekoba naŋgi dego a dauryosib giloqneb. Deqa a bulosiqa naŋgi endegsi minjrej,

Luk 15:20

Degsi are qalsiqa tigelosiq bel taqato wau di uratosiq aqa abu aqaq olo aiej. “Aieqnaqa aqa abu ŋam atsiqa isaq di unsiq a qa tulaŋ dulosiqa urur ti gilsiq a soqoŋyosiqa qalaqalaiyoqnsiqa kundoqyoqnej.

Luk 19:5

Onaqa Yesus a gam dena walwelosi gilsiq ŋam utruq di tigelosiq tarosiq Sakius unsiqa minjej, “O Sakius, ni mandamq aioqujat. Bini e ino talq di sqai.”

Luk 22:61

Tuwe anjamonaqa Tamo Koba Yesus a bulosiqa Pita koqyonaqa anjam nami Yesus na minjej qaji, “Bini tuwe anjamosaisoqnimqa ni gisaŋoqalubtsim marqam, ‘E Yesus qaliesai,’” anjam deqa olo are qalsiqa poiyonaqa tal qalaq gilsiqa tulaŋ akamugetej.

Luk 8:38

Aiqa laqnaqa tamo mondor uge wiyetej qaji a siŋgila na pailosiq minjej, “E ni daurmqai.” Onaqa Yesus na saidyosiq minjej,

Jon 1:37

Degsi minjrnaqa naŋgi aiyel Jon dauryqa uratosib Yesus dauryosib gileb.

Jon 1:39

Ariya Yesus na naŋgi aiyel minjrej, “Niŋgi aiyel bosib ijo tal uniye.” Ariya naŋgi aiyel Yesus dauryosib gilsib tal a soqnej qaji di uneb. Unsib seŋ bati 4 onaq bilaqtej deqa naŋgi a ombla soqneb.

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 12:21

Deqa Grik tamo naŋgi di Filip aqaq di branteb. Di kiyaqa? Filip a dego Grik tamo deqa. Filip aqa qure utru Betsaida. Qure di Galili sawaq di unu. Ariya naŋgi Filip aqaq di brantosib minjeb, “O gago was, iga Yesus unqa bonum.”

Jon 18:4

Gulube kalil Yesus aqaq di brantqas qaji di a nami qaliesoqnej. Deqa jeu tamo naŋgi aqaq bonabqa a naŋgo areq gilsiqa nenemnjrej, “Niŋgi yai qa bonub?”

Jon 18:7

Onaqa Yesus na olo nenemnjrej, “Niŋgi yai qa bonub?” Onaqa naŋgi na minjeb, “Iga Yesus Nasaret qaji a qa bonum.”

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 3:26

Onaqa Jon aqa aŋgro naŋgi Jon aqa areq gilsib minjeb, “O Qalie Tamo Koba, nami tamo ni ombla Jordan ya taqal beiq di sosibqa ni a qa anjam maroqnem qaji bini tamo uŋgasari kalil naŋgi aqa areq gileqnabqa a na yansnjreqnu. Naŋgi inoq bosaieqnub.”

Jon 4:31

Beqnabqa Yesus aqa aŋgro naŋgi na minjeb, “O Qalie Tamo Koba, ni bosim iŋgi uye.”

Jon 6:25

Osib naŋgi ya agu taqal beiq dia Yesus itosib nenemyeb, “O Qalie Tamo Koba, ni bati gembu endeq bem?”

Aposel 10:21

Onaqa Pita a tal uratosiq mandamq aisiq naŋgo areq di brantosiq minjrej, “Niŋgi tamo ŋamonub qaji agi e. Niŋgi kiyaqa bonub?”

Aposel 10:29

Deqa niŋgi e qa anjam qariŋyonab e nuŋgo anjam gotraŋyosai. Agi e nuŋgo anjam dauryosim bosim nuŋgo tal gogetonum. Deqa niŋgi merbiye, niŋgi kiyaqa e bqajqa anjam qariŋyeb?”