Jon 1:33 - Yesus Aqa Anjam Bole

³³ E nami a qa qaliesai. Ariya Qotei agi e ya na tamo uŋgasari naŋgi yansnjrqajqa qariŋbej qaji a na merbej, ‘Ijo Mondor Bole aisim tamo bei aqa gateq di awoamqa ni unqam. A na qujai Mondor aqa siŋgila na tamo uŋgasari naŋgi yansnjroqnqas.’

Jon 1:33 ပူးပေါင်းရင်းမြစ်များ

Matyu 3:11

“Niŋgi are bulyqajqa deqa e ya na niŋgi laŋa yansŋgeqnum. Ariya Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. A bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Luk 3:16

Onaqa Jon a naŋgo areqalo di qalieosiqa minjrej, “Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. E ya na laŋa yansŋgeqnum. Ariya Tamo Koba a bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Jon 1:31

E nami a qa qaliesai. Ariya Israel tamo uŋgasari naŋgi a qa qalieqajqa deqa e bosim ya na tamo naŋgi yansnjreqnum.”

Jon 14:26

Bunuqna Aqaryaiŋgo tamo a niŋgi qa bosim siŋgilatŋgwas. A Qotei aqa Mondor Bole. Ijo Abu na a qariŋyim ijo ñam na bosim anjam kalil niŋgi merŋgekritqas. Osim nuŋgo areqalo tigeltetŋgimqa anjam kalil e nami niŋgi merŋgoqnem qaji deqa olo are qalqab.

Jon 3:34

Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej.

Jon 3:5

Onaqa Yesus na kamba minjej, “Ni que. E bole mermqai. Tamo bei a ya na ti Qotei aqa Mondor na ti aŋgro mom bunuj bulosim ŋambabqasai di Qotei na a taqatosim aqa Mandor Koba sqasai bolesai.

Jon 7:39

Yesus a ya qa marej di a Qotei aqa Mondor qa sigitosiqa yawo anjam marej. Yesus a laŋ qureq oqsiq ñam koba osaisoqnej deqa Qotei aqa Mondor bosaisoqnej. A bunuqna oqsim Qotei aqa Mondor qariŋyim bamqa tamo naŋgi Yesus qa naŋgo areqalo siŋgilatqab qaji naŋgi Qotei aqa Mondor oqab. Deqa Yesus a yawo anjam degsi marej.

Aposel 1:5

Jon a ya na tamo uŋgasari naŋgi laŋa yansnjroqnej. Ariya bati qudei koboamqa e Qotei aqa Mondor na niŋgi yansŋgwai.”

Aposel 2:4

Osiqa naŋgo segi segi are miligiq aisiq meŋ bulyetnjrnaqa naŋgi kalil qure segi segi naŋgo anjam mareleŋoqneb.

1 Korin 12:13

Di kiyaqa? Qotei aqa Mondor a segi qujai na iga kalil eleŋosiqa turtgej deqa iga kalil tamo qujaionum. Iga Juda tamo ti Grik tamo ti kaŋgal tamo ti tamo laŋaj ti kalil Qotei aqa Mondor qujai di osim a ya jumbum bul uyoqnsim dena iga siŋgila eqnum.