Jon 1:26 - Yesus Aqa Anjam Bole

²⁶ Onaqa Jon na kamba minjrej, “E ya na naŋgi laŋa yansnjreqnum. Ariya nuŋgo ambleq di tamo bei unu. Niŋgi a qa qaliesai.

Jon 1:26 ပူးပေါင်းရင်းမြစ်များ

Matyu 3:11

“Niŋgi are bulyqajqa deqa e ya na niŋgi laŋa yansŋgeqnum. Ariya Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. A bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Matyu 3:6

Boqnsibqa naŋgo une kalil palontekriteqnab Jon na Jordan yaq di yansnjroqnej.

Mak 1:8

E ya na laŋa yansŋgeqnum. Ariya Tamo Koba a bosimqa Qotei aqa Mondor aqa siŋgila na niŋgi yansŋgwas.” Jon a na tamo uŋgasari naŋgi anjam degsi minjroqnej.

Luk 3:16

Onaqa Jon a naŋgo areqalo di qalieosiqa minjrej, “Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. E ya na laŋa yansŋgeqnum. Ariya Tamo Koba a bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Jon 16:3

Naŋgi aqo ijo Abu wo qa qaliesai deqa naŋgi na niŋgi degŋgwab.

Jon 17:25

O Abu, ino kumbra kalil tulaŋ tiŋtiŋo. Mandam endeqa tamo uŋgasari naŋgi ni qa qaliesai. Ariya e ni qa qalie. Ijo segi tamo uŋgasari naŋgi dego ni qa qalie. Deqa naŋgi qalieonub, ni na e qariŋbonam bem.

Jon 17:3

Ŋambile gaigai sqajqa kumbra agiende. Tamo ŋambile gaigai sqab qaji naŋgi ni qa qalieqab. Agi ni segi Qotei bole. E Yesus Kristus qa dego naŋgi qalieqab. Agi ni na e qariŋbonam bem.

Jon 8:19

Onaqa Farisi naŋgi na Yesus nenemyeb, “Ino Abu qabi unu?” Onaqa Yesus na kamba minjrej, “Niŋgi e qa qaliesai deqa ijo Abu qa dego niŋgi qaliesai. Niŋgi e qa qalie qamu niŋgi ijo Abu qa dego qalie qamu.”

Aposel 1:5

Jon a ya na tamo uŋgasari naŋgi laŋa yansnjroqnej. Ariya bati qudei koboamqa e Qotei aqa Mondor na niŋgi yansŋgwai.”

Aposel 11:16

Naŋgoq ainaqa e unsimqa Tamo Koba Yesus aqa anjam nami mergej qaji deqa olo are qalem. Agi a nami endegsi mergej, ‘Jon a ya na tamo uŋgasari naŋgi laŋa yansnjroqnej. Ariya e Qotei aqa Mondor na niŋgi yansŋgwai.’

Aposel 19:4

Onaqa Pol na olo minjrej, “Nami Jon a na tamo uŋgasari naŋgi yansnjrqa oqnsiqa endegsi minjroqnej, ‘Niŋgi are bulyosib babqa e niŋgi yansŋgwai. Tamo ijo qoreq na bqas qaji a qa nuŋgo areqalo siŋgilatosib soqniye.’ Jon a na tamo uŋgasari naŋgi degsi minjroqnej. Tamo Jon aqa qoreq na bqajqa maroqnej qaji agi Yesus.”

1 Jon 3:1

Bole, gago Abu Qotei a na iga tulaŋ qalaqalaigeqnu! A na iga aqa segi aŋgro tiŋtiŋ sqa marsiq iga giltgej. Deqa iga bole qalieonum, iga Qotei aqa aŋgro bole. Tamo naŋgi mandamq endi unub qaji naŋgi Qotei qa qaliesai. Deqa naŋgi iga qa dego qaliesai.