Jems 3:2 - Yesus Aqa Anjam Bole

² Bati gargekoba iga kumbra guro guroyeqnum. Iga kalil degyeqnum. Ariya tamo bei aqa anjam maro qa grotqasai di a tamo bolequja. Deqa a na aqa baŋ ti siŋga ti jejamu ti dego geregere taqatoqnqas.

Jems 3:2 ပူးပေါင်းရင်းမြစ်များ

Matyu 12:34

Niŋgi tamo uge. Niŋgi amal uge bul. Niŋgi kiersib anjam bole maroqnqab? Tamo naŋgo areqalo naŋgo are miligiq di unu qaji di naŋgo medabuq na branteqnu.

Matyu 12:37

Ino anjam boleamqa Qotei na mermqas, ‘Ni tamo bole.’ Ino anjam ugeamqa Qotei na mermqas, ‘Ni tamo uge.’”

Rom 3:10

Agi Qotei aqa anjam bei nami endegsib neŋgreŋyeb unu, “Tamo bole bei sosai bolesai. Qujai bei a Qotei aqa kumbra tiŋtiŋ dauryosaieqnu. Tamo dego bei sosai.

Rom 7:21

Deqa ijoq di e kumbra endegsi unonum. E kumbra bole dauryqajqa are sonaqa kumbra uge na olo gam getentetbeqnu.

1 Korin 9:27

Osim dena e na ijo segi jejamu qaloqnsim siŋgilateqnum. Yim ijo jejamu a ijo areqalo dauryqajqa deqa. E na tamo uŋgasari naŋgi Yesus aqa anjam bole minjre minjre laqnum. Ariya bunuqna e segi awai bole osaiaim deqa e na ijo segi jejamu qaloqnsim siŋgilateqnum.

Galesia 3:22

Ariya degsi sosai. Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgo une na naŋgi tonto talq di breinjrobuleqnu.” Qotei a nami anjam degsi marej. Di kiyaqa? Iga tamo uŋgasari Yesus Kristus qa gago areqalo siŋgilateqnum qaji iga na iŋgi bole bole Qotei a nami iga egwa marej qaji di olo oqajqa deqa.

Galesia 5:17

Iga qalie, gago areqalo namij na Qotei aqa Mondor jeuteqnu. Qotei aqa Mondor a na kamba dego gago areqalo namij jeuteqnu. Naŋgi aiyel jeu jeu unub deqa kumbra bole niŋgi yqajqa arearetŋgeqnu qaji di niŋgi olo yosaieqnub.

Kolosi 1:28

Kristus aqa anjam bole di iga na tamo kalil naŋgi minjreqnum. Iga areqalo bole ti powo ti sosim deqa iga na anjam di siŋgila na minjreqnum. Di kiyaqa? Naŋgi gago anjam di qusib Kristen tamo tulaŋ boledamu brantib iga na naŋgi joqsim Qotei aqa areq di atqajqa deqa.

Kolosi 4:12

Epafras a na dego niŋgi kaiyeiŋgwo. A nuŋgo leŋ. A Kristus Yesus aqa wau tamo. A gaigai siŋgila na niŋgi qa endegsi Qotei pailyeqnu, “O Abu, ni na Kolosi Kristen naŋgi aqaryainjrimqa naŋgi siŋgila na tigeloqnsib naŋgi Kristen tamo tulaŋ boledamu sosib ino kumbra bole keretosib ino areqalo kalil geregere qalieqab.”

Hibru 13:21

Qotei qujai di a na niŋgi siŋgilatŋgoqnimqa niŋgi aqa areqalo geregere dauryosib kumbra bole bole yoqniye. A gago are miligiq di wauoqnimqa iga Yesus Kristus aqa wau na kumbra kalil a tulaŋ areareteqnu qaji di yoqnsim sqom. Iga kalil bati gaigai aqa ñam soqtoqnqom. Bole.

Jems 1:26

Tamo bei a endegsi are qalqas, “E gaigai Qotei qa loueqnum. Deqa e Kristen tamo bole.” Ariya tamo di a aqa segi medabu geregere taqatosaieqnu. Aqa kumbra dena a na aqa segi jejamu gisaŋyeqnu. Deqa a Qotei qa loueqnu di a laŋa loueqnu.

Jems 1:4

Ariya niŋgi bati gaigai siŋgila na tigeloqnsib gulube qoboiyoqniye. Yimqa nuŋgo kumbra di tulaŋ kobaoqnimqa niŋgi Qotei aqa kumbra bei qa truquqasai. Niŋgi aqa kumbra kalil qa tulaŋ kere na sqab.

Jems 2:10

Tamo bei a dal anjam kalil dauryekritosim ariya qujai bole qujai grotqas di a dal anjam kalil grotekritqo. Deqa aqa jejamuq di gulube sqas.

1 Pita 3:10

Agi Qotei aqa anjam bei nami endegsib neŋgreŋyeb unu, “Tamo bei a mandamq endia so bole sqa marsimqa a anjam uge bei maroqnaiq. A gisaŋ anjam dego maroqnaiq.

1 Pita 5:10

Qotei a bati gaigai iga qa are tulaŋ boleiyeqnu. A Kristus Yesus aqa ñam na niŋgi metŋgej deqa mondoŋ niŋgi Kristus ombla aqa riaŋ ti so bole gaigai sqab. Deqa niŋgi mandamq endia sokiñala jaqatiŋ oqnsib koboamqa Qotei a na niŋgi olo boletŋgsim siŋgilatŋgimqa niŋgi gaigai siŋgila na tigelesqab.