Hibru 9:8 - Yesus Aqa Anjam Bole

⁸ Kumbra dena Qotei aqa Mondor na iga endegsi osorgeqnu, atra tal soqnim iga Qotei aqa tal miligiq gilqajqa gam geteŋesqas.

Hibru 9:8 ပူးပေါင်းရင်းမြစ်များ

Luk 1:80

Onaqa aŋgro kiñala Jon a kobaqujaeqnaqa Qotei aqa Mondor na siŋgila yoqnej. A tamo kobaqujaosiqa tigelosiq wadau sawaq gilsiq di soqnej. A di sosiqa a na Israel tamo uŋgasari naŋgi Qotei aqa anjam minjrim quqwajqa bati qa tariŋoqnej.

Jon 10:7

Deqa Yesus a na aqa yawo anjam di aqa damu ubtosiqa endegsi minjrej, “Niŋgi quiye. E bole merŋgwai. Kaja naŋgo jeŋ miligiq gilqajqa siraŋme agi e segi.

Jon 10:9

E segi siraŋme. Tamo bei a e qa bosim jeŋ miligiq giloqnqas di Qotei na a oqas. Amqa a miligiq gile oqede osim iŋgi bole uyoqnqas.

Jon 14:6

Onaqa Yesus na minjej, “E segi gam. E segi anjam bole qa utru. E segi ŋambile qa utru dego. Deqa tamo bei a gam bei na ijo Abu aqaq oqwa keresai. Ijo Abu aqaq oqwajqa gam agi e segi qujai.

Aposel 28:25

Naŋgi degsib areqalo aiyeltosib tigelosib jaraiqa laqnabqa Pol na anjam qujai endegsi minjrej, “Mondor Bole a nami Qotei aqa medabu o qaji tamo Aisaia aqa medabuq na gago moma naŋgi anjam minjrej. A anjam bole endegsi minjrej,

Galesia 3:8

Nami Qotei a endegsi qalieej, bunuqna sawa bei bei qaji tamo naŋgi Kristus aqa anjam bole qusib naŋgo areqaloq di siŋgilatibqa gam dena Qotei na naŋgi tamo bole une saiqoji qa minjrqas. Qotei a degsi qalieosiq deqa a Kristus aqa anjam bole di palontosiq Abraham minjej. Agi Qotei aqa anjam bei nami endegsib neŋgreŋyeb unu, “O Abraham, ino leŋ naŋgoq dena e na sawa bei bei qaji tamo uŋgasari naŋgi kumbra bole enjrqai.”

Efesus 2:18

Kristus aqa wau na iga koba na Mondor qujai ejunum. Deqa iga are qujaitosim unum. Mondor dena gam waqtetgej deqa iga gaigai gago Abu Qotei aqa ulatamuq di brantoqnqom.

Hibru 10:15

Ariya anjam deqaji Qotei aqa Mondor Bole a na dego iga mergeqnu. Agi a endegsi mergeqnu,

Hibru 3:7

Iga Qotei aqa tamo uŋgasari unum deqa iga Qotei aqa Mondor Bole aqa anjam quoqnqom. Aqa anjam agiende, “Bini bati endi niŋgi Qotei aqa medabu quoqniye.

Hibru 9:3

Ariya getento warum qoreq di naŋgi gara kobaquja bei gainteb. Gara gaiŋesoqnej aqa qoreq di warum bei soqnej. Warum di aqa ñam “Warum Tulaŋ Getento Koba.”

2 Pita 1:21

Di kiyaqa? Naŋgo anjam maroqneb qaji di mandam tamo naŋgo areqalo na marosaioqneb. Mondor Bole a na naŋgo areqalo tigeltetnjreqnaqa naŋgi Qotei aqa medabu oqnsib anjam maroqneb.