Hibru 9:7 - Yesus Aqa Anjam Bole

⁷ Ariya atra tamo kobaquja a segi qujai leŋ oqnsiqa bati qujai qa wausau gaigai warum tulaŋ getento koba di miligiq giloqnsiqa aqa segi une qa ti tamo uŋgasari naŋgo une qa ti leŋ di Qotei atraiyeqnu. Tamo uŋgasari naŋgo areqalo bolesai deqa naŋgi une yeqnub.

Hibru 9:7 ပူးပေါင်းရင်းမြစ်များ

Efesus 4:18

Naŋgo qalie ti powo ti tulaŋ ambruejunu. Naŋgi tulaŋ nanarioqnsib laqnub. Naŋgo are miligi geteŋejunu. Deqa Qotei aqa ŋambile naŋgoq di sosai.

Hibru 10:3

Ariya atra tamo kokba naŋgi wausau gaigai wagme iŋgi iŋgi di oqnsib Qotei atraiyeqnub. Deqa tamo uŋgasari naŋgi naŋgo une qa olo are qaloqnsib are gulube ti unub.

Hibru 6:19

Iŋgi bole bole Qotei na iga tariŋqa mareqnu qaji di iga tariŋesosim oqom. Iga deqa are qaloqnsim dena gago are miligi tulaŋ siŋgilatejunum. Gam dena iga Warum Tulaŋ Getento Koba gara gaiŋejunu qaji di torei miligiq giloqnqom.

Hibru 7:27

Atra tamo kokba nami soqneb qaji naŋgi bati gaigai wagme iŋgi iŋgi oqnsib Qotei atraiyoqneb. Namoqna naŋgi naŋgo segi une qa wagme iŋgi iŋgi atraiyoqneb. Osib tamo uŋgasari naŋgo une qa dego atraiyoqneb. Ariya Yesus a wau degyosai. A bati qujai qa aqa segi jejamu ŋambile sonaq osiqa Qotei atraiyej.

Hibru 9:3

Ariya getento warum qoreq di naŋgi gara kobaquja bei gainteb. Gara gaiŋesoqnej aqa qoreq di warum bei soqnej. Warum di aqa ñam “Warum Tulaŋ Getento Koba.”