Hibru 9:19 - Yesus Aqa Anjam Bole

¹⁹ Agi nami Moses a dal anjam kalil osiqa tamo uŋgasari naŋgi palontosiq minjroqnej. Osiqa bunuqna a na bulmakau ti kaja du du ti naŋgo leŋ osiqa ya ti sil lent ti ŋamtaŋ aqa dani aqa ñam hisop de ti turtsiq tamo uŋgasari naŋgo gateq di bilentej. Osiqa Qotei aqa gara neŋgreŋ aqa qoreq di dego bilentej. Sil lent di agi kaja du du naŋgo juŋgum na gereiyo qaji.

Hibru 9:19 ပူးပေါင်းရင်းမြစ်များ

Matyu 27:28

Koroosib Yesus aqa gara jugo qaji di piqtetosib gara jugo olekoba lent mandor kokba naŋgi gaigai jigeqnub deqaji bei osib Yesus jigeteb.

Mak 15:20

Naŋgi degsib Yesus misiliŋyosib koboonaqa gara lent di piqtetosib aqa segi gara jugo qaji di olo jigetosib aqa qawarq di aqa segi ŋamburbas atetosib a baŋ ojsib qamqajqa osi gileb.

Jon 19:2

Kumbaiŋysib koboonaqa naŋgi na sil luwit osib lulumosib dena mandor kokba naŋgo gate tatal bul gereiysib aqa gateq di atetosib siŋgila na teqiyeb. Osib gara jugo olekoba lent mandor kokba naŋgi gaigai jigeqnub deqaji bei osib Yesus jigeteb. A segi qa Mandor Koba maroqnej deqa naŋgi na kumbra degyeb.

Jon 19:5

Ariya Yesus a oqedej. Gate tatal sil luwit na gereiyosib aqa gateq di ateteb qaji de ti gara lent a jigeteb qaji de ti qoji oqedej. Onaqa Pailat na olo minjrej, “Tamo endi uniye.”

Hibru 1:1

Nami Qotei na gago moma utru naŋgi anjam minjroqnej. A gam endena naŋgi anjam minjroqnej. A na aqa medabu o qaji tamo naŋgi qariŋnjreqnaqa naŋgi giloqnsib gago moma utru naŋgi anjam minjroqneb. O bati gargekoba gago moma utru naŋgi anjam minjroqnsib soqneb.

Hibru 10:22

A na aqa segi leŋ bilentonaqa gago are miligiq aiej. A gago kumbra uge kalil qa are qalsiqa gago une kobotetgej. Deqa iga qalieonum, iga Qotei aqa ŋamgalaq di une saiqoji unum. A gago jejamu ya na yansetgej deqa kumbra gisaŋ kalil gago are miligiq di unu qaji di iga taqal waiyqom. Osim Qotei qa gago areqalo siŋgilatosim aqa areq giloqnqom. Utru deqa Yesus a na aqa segi leŋ bilentonaqa gago are miligiq aiej.

Hibru 10:4

Anjam di aqa utru agiende. Bulmakau ti kaja du du ti naŋgo leŋ na tamo uŋgasari naŋgo une kobotqa keresai.

Hibru 12:24

Ariya niŋgi Yesus qa dego beleŋeb. Yesus agi Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Yesus aqa leŋ agi bileŋej qaji a qa dego niŋgi beleŋeb. Deqa bini leŋ dena niŋgi Qotei aqa anjam merŋgobuleqnu. Yesus aqa leŋ di tulaŋ bolequja. Deqa leŋ dena Abel aqa leŋ tulaŋ buŋyejunu. Anjam Abel aqa leŋ na iga mergobuleqnu qaji Qotei aqa anjam de ti keresai.

Hibru 9:12

Ariya Kristus a bulmakau ti kaja du du ti naŋgo leŋ osiqa atra tal di miligiq gilosai. A aqa segi leŋ osiqa bati qujai qa atra tal miligiq gilej. Aqa wau dena a na iga olo awaigej. Deqa iga ŋambile gaigai sqom.

Hibru 9:13

Tamo uŋgasari naŋgi une ti unub deqa atra tamo naŋgi bulmakau ti kaja du du ti naŋgo leŋ oqnsib Qotei atraiyeqnub. Osib bulmakau naŋgo damu koiteqnab skuleqnaq aqa sum oqnsib tamo uŋgasari naŋgo gateq di bilenteqnub. Kumbra dena naŋgi na tamo uŋgasari naŋgo une yansetnjreqnab naŋgi Qotei aqa segi tamo uŋgasari tiŋtiŋ unub.

Hibru 9:18

Dego kere atra tamo naŋgi na bulmakau naŋgi ñumeqnab moreŋeqnab naŋgo leŋ aioqnej. Leŋ dena anjam namij di siŋgilatoqnej.

1 Pita 1:2

Tulaŋ nami Qotei Abu a niŋgi qa qalieosiq deqa niŋgi aqa segi tamo uŋgasari sqa marsiqa niŋgi giltŋgej. Qotei aqa Mondor Bole a na niŋgi Qotei aqa segi kumbra boleq di atimqa niŋgi nuŋgo jejamu Qotei yekritosib Yesus Kristus aqa anjam geregere dauryosib sqajqa deqa osiqa niŋgi aqaryaiŋgej. Yim Yesus aqa leŋ na niŋgi yansŋgimqa niŋgi Qotei aqa ŋamgalaq di une saiqoji sqajqa deqa. Qotei a niŋgi qa are tulaŋ boleiyimqa niŋgi geregere lawo na soqniye.