Hibru 9:16 - Yesus Aqa Anjam Bole

¹⁶ E mandam tamo naŋgo kumbra qa merŋgwai. Tamo bei a bunuqna moiqas deqa are qalsimqa aqa aŋgro naŋgi na aqa iŋgi iŋgi kalil oqab deqa marsim naŋgo ñam neŋgreŋyim sqas. Ariya a moiosaisoqnimqa aqa aŋgro naŋgi na aqa iŋgi iŋgi oqa keresai. A moiimqa di naŋgi aqa iŋgi iŋgi oqab.

Hibru 9:16 ပူးပေါင်းရင်းမြစ်များ

Rom 5:12

Iga qalie, tamo qujai Adam a une atej. Aqa une dena aqa leŋ kalil naŋgi dego une eleŋeb. Adam a une ti deqa a moiej. Aqa leŋ naŋgi dego aqa une osib kalil moreŋeb.

Rom 6:23

Une na aqa wau tamo naŋgi awai enjreqnu. Awai agiende. Tamo naŋgi moreŋeqnub. Ariya Qotei na iga iŋgi boledamu laŋa egeqnu. Iŋgi boledamu di agi iga ŋambile gaigai sqom. Ŋambile di iga gago Tamo Koba Yesus Kristus aqa wau na oqom.

1 Korin 15:22

Adam aqa leŋ kalil naŋgi moreŋeqnub. Dego kere Kristus aqa tamo kalil naŋgi olo ŋambile oqab.

Hibru 1:3

Yesus a na Qotei aqa riaŋ koba iga osorgeqnu. Yesus aqa so ti Qotei aqa so ti ombla kerekere. Aqa anjam siŋgila ti unu deqa anjam dena a na iŋgi iŋgi kalil siŋgilatejunu. A na gago une kobotetgosiqa laŋ qureq oqsiq Qotei siŋgila koba ti unu qaji aqa baŋ woq di awejunu.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

Hibru 9:15

Yesus aqa leŋ na iga aqaryaigej deqa iga Qotei aqa ŋamgalaq di tamo bole unum. Aqa wau dena a Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Tamo uŋgasari naŋgi anjam namij aqa sorgomq di sosib bati deqa naŋgi une yoqnsib laqneb. Onaqa Yesus a naŋgi qa moisiq wau dena a naŋgi olo awainjrsiqa naŋgo une kobotetnjrej. Deqa tamo uŋgasari kalil Qotei na metnjreqnaq qusib dauryeqnub qaji naŋgi ŋambile gaigai sqab. Ŋambile di agi Qotei a nami aqa aŋgro naŋgi enjrqa marej.

Hibru 9:17

Tamo di a ŋambile soqnimqa aqa anjam neŋgreŋyej qaji di a laŋa sqas. Ariya a moiimqa aqa anjam di siŋgila ti sqas.

Jems 2:10

Tamo bei a dal anjam kalil dauryekritosim ariya qujai bole qujai grotqas di a dal anjam kalil grotekritqo. Deqa aqa jejamuq di gulube sqas.