Hibru 9:13 - Yesus Aqa Anjam Bole

¹³ Tamo uŋgasari naŋgi une ti unub deqa atra tamo naŋgi bulmakau ti kaja du du ti naŋgo leŋ oqnsib Qotei atraiyeqnub. Osib bulmakau naŋgo damu koiteqnab skuleqnaq aqa sum oqnsib tamo uŋgasari naŋgo gateq di bilenteqnub. Kumbra dena naŋgi na tamo uŋgasari naŋgo une yansetnjreqnab naŋgi Qotei aqa segi tamo uŋgasari tiŋtiŋ unub.

Hibru 9:13 ပူးပေါင်းရင်းမြစ်များ

Aposel 15:9

Qotei a gam bei na iga Juda tamo uŋgasari eleŋosim olo gam bei na sawa bei bei qaji tamo naŋgi eleŋqasai. Naŋgi ti iga ti koba na Yesus qa gago areqalo siŋgilatqom gam dena qujai Qotei na iga are bulyetgosim gago une kobotetgwas.

Hibru 10:29

Ariya tamo bei a Qotei aqa Ŋiri qoreiyosim aqa ñam ugeugeiyqas di niŋgi kiersib are qalqab? Tamo di aqa une deqa a gulube tulaŋ kobaquja oqas. Kristus aqa leŋ na Qotei aqa anjam bunuj siŋgilatej deqa tamo di a anjam di dauryosiq a Qotei aqa segi tamo tiŋtiŋ soqnej. Ariya bunuqna a olo Yesus aqa leŋ di ugeugeiyosim Qotei aqa Mondor iga qa are boleiyeqnu qaji aqa ñam ugetqas di a une tulaŋ kobaquja yqas.

Hibru 10:4

Anjam di aqa utru agiende. Bulmakau ti kaja du du ti naŋgo leŋ na tamo uŋgasari naŋgo une kobotqa keresai.

Hibru 9:19

Agi nami Moses a dal anjam kalil osiqa tamo uŋgasari naŋgi palontosiq minjroqnej. Osiqa bunuqna a na bulmakau ti kaja du du ti naŋgo leŋ osiqa ya ti sil lent ti ŋamtaŋ aqa dani aqa ñam hisop de ti turtsiq tamo uŋgasari naŋgo gateq di bilentej. Osiqa Qotei aqa gara neŋgreŋ aqa qoreq di dego bilentej. Sil lent di agi kaja du du naŋgo juŋgum na gereiyo qaji.

1 Pita 1:22

Niŋgi nami Qotei aqa anjam bole dauryoqneb. Kumbra dena niŋgi Qotei aqa ŋamgalaq di tamo bole une saiqoji soqneb. Utru deqa bini niŋgi na Qotei aqa tamo uŋgasari naŋgi tulaŋ qalaqalainjreqnub. Ariya kumbra di niŋgi olo torei siŋgilatosib nuŋgo Kristen was naŋgi siŋgila na qalaqalainjroqniye.