Hibru 9:10 - Yesus Aqa Anjam Bole

¹⁰ O was qu, dal anjam di uyo iŋgi qa ti ya uyo qa ti yanso oqajqa ti deqa mareqnu. A jejamu qa iŋgi iŋgi qa segi mareqnu. Ariya Qotei na dal anjam di tamo uŋgasari naŋgi enjrej. Osiqa endegsi are qalej, “Naŋgi mati dal anjam di dauryosib giloqnib bunuqna batiamqa e na iŋgi iŋgi kalil tingitnjrit koboamqa e olo gam bunuj naŋgi osornjrqai.”

Hibru 9:10 ပူးပေါင်းရင်းမြစ်များ

Mak 7:4

Naŋgi maket dena boqnsibqa naŋgi iŋgi uyqa oqnsib mati naŋgo jejamu geregere yanseqnub. Naŋgi naŋgo jejamu yansqasai di naŋgi mati iŋgi uyqasai. Naŋgi kumbra deqaji gargekoba yeqnub. Naŋgo ya gambaŋ, ya nobu, web dego mati geregere yanseleŋoqnsib iŋgi uyeqnub. Kumbra di naŋgo moma naŋgoq dena eleŋosib dauryeqnub.

Galesia 4:9

Ariya bini niŋgi Qotei bole qalieonub. A niŋgi qa dego bole qalieqo. Deqa kiyaqa niŋgi olo puluosib mondor uge uge naŋgi daurnjrqajqa are qaleqnub? Kiyaqa niŋgi olo naŋgo kaŋgal tamo bul sqajqa are qaleqnub? Niŋgi qalie, mondor uge uge naŋgi dena niŋgi aqaryaiŋgwa keresai.

Efesus 1:10

Deqa a kumbra endegyqas. A na iŋgi iŋgi kalil mandam ti laŋ ti di unub qaji naŋgi taqatnjroqnsim gilsi gilsim bati a nami atej qaji di brantimqa a na iŋgi iŋgi kalil di olo osim Kristus aqa baŋq di atim a naŋgo gate sqas.

Efesus 2:15

A moiej gam dena a na Moses aqa dal anjam kalil taqal atekritej. A degyej. Di kiyaqa? A na Juda tamo naŋgi ti sawa bei bei qaji tamo naŋgi ti turtnjrim naŋgi tamo bunuj qujaiosib sqajqa deqa. Kumbra dena a na jeu kobotosiqa iga lawo kumbraq di atej unum.

Kolosi 2:16

Deqa tamo bei na nuŋgo jejamuq di anjam qametŋgaiq. Osim iŋgi uyo qa ti ya uyo qa ti yori bati getento qa ti bai qala bunuj qa ti niŋgi merŋgaiq.

Hibru 10:22

A na aqa segi leŋ bilentonaqa gago are miligiq aiej. A gago kumbra uge kalil qa are qalsiqa gago une kobotetgej. Deqa iga qalieonum, iga Qotei aqa ŋamgalaq di une saiqoji unum. A gago jejamu ya na yansetgej deqa kumbra gisaŋ kalil gago are miligiq di unu qaji di iga taqal waiyqom. Osim Qotei qa gago areqalo siŋgilatosim aqa areq giloqnqom. Utru deqa Yesus a na aqa segi leŋ bilentonaqa gago are miligiq aiej.

Hibru 13:9

Deqa tamo qudei naŋgi bosib anjam utru segi segi na nuŋgo are tigeltetŋgibqa niŋgi naŋgo anjam di dauryaib. Osib Qotei aqa gam urataib. Qotei a iga qa are tulaŋ boleiyeqnu anjam dena iga gago are siŋgilatoqnqom. Tamo qudei naŋgo iŋgi uyo qa anjam mareqnub. Anjam di gisaŋ. Anjam di laŋa jejamu qa anjam. Deqa anjam dena iga gago are siŋgilatqa keresai. Tamo uŋgasari naŋgi iŋgi uyo qa anjam di dauryeqnub ariya kumbra dena naŋgi yala aqaryainjrosaieqnu.

Hibru 2:5

Mondoŋ Qotei na mandam bunuj olo atqas. Iga qalieonum, laŋ aŋgro naŋgi na mandam bunuj di taqatqasai. Qotei na laŋ aŋgro naŋgi mandam taqatqajqa minjrosai.

Hibru 6:2

Anjam bei agi yanso oqajqa anjam. Anjam bei agi Kristen gate naŋgi na wau tamo naŋgi giltnjrqa maroqnsib naŋgo gateq di baŋ ateqnub. Anjam bei agi subq na tigelqajqa anjam. Anjam bei agi Qotei na tamo kalil naŋgo une qa naŋgi peginjrsimqa tamo qudei naŋgi ŋambile enjrimqa naŋgi so bole gaigai sqab. Ariya tamo qudei naŋgi Qotei na ŋamyuoq di breinjrim naŋgi dia gaigai sqab. O was qu, anjam di iga nami utruq na quoqnem. Ariya bini iga anjam dena prugosim olo Kristus aqa anjam qudei iga siŋgilatgwajqa qaji di dauryoqnqom.

Hibru 7:12

O was qu, dal anjam a marej, Livai naŋgi atra tamo sqab. Ariya bunuqna Qotei a Livai naŋgi kobotnjrsiqa olo atra tamo bei atej. Aqa kumbra dena a na dal anjam dego bulyosiq olo dal anjam bei atej.

Hibru 7:16

Dal anjam a marej, atra tamo naŋgi Livai aqa leŋ naŋgoq dena brantqab. Ariya Yesus a gaigai ŋambile ti siŋgila ti sqas gam dena a atra tamo brantej.

Hibru 9:1

Israel naŋgi anjam namij di dauryosib deqa naŋgi Qotei qa louoqnsib mandamq endia atra tal ateb.