Hibru 7:2 - Yesus Aqa Anjam Bole

² Onaqa iŋgi iŋgi kalil Abraham a mandor kokba naŋgoq dena eleŋej qaji di a na poto 10-pelatosiq oto qujai Melkisedek atraiyej. Melkisedek aqa ñam di aqa damu agiende, Kumbra Tiŋtiŋ Yeqnu Qaji Mandor. Ariya a Salem qure naŋgo mandor soqnej deqa qure ñam Salem aqa damu agiende, Are Lawo Qaji Mandor.

Hibru 7:2 ပူးပေါင်းရင်းမြစ်များ

Matyu 1:23

“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”

Luk 2:14

“Laŋ goge dia Qotei a ñam kobaquja oqo. Mandamq endia tamo uŋgasari naŋgi are lawo na soqnebe. Qotei a naŋgi qa are boleiyeqnu.”

Rom 3:26

Ariya bini bati endi Qotei na iga endegsi osorgeqnu, a gaigai kumbra bole tiŋtiŋ segi yeqnu. Deqa iga endegsi qalieonum, Qotei a na tamo uŋgasari Yesus qa naŋgo areqalo siŋgilateqnub qaji naŋgi tamo bole une saiqoji qa minjreqnu di a kumbra bole tiŋtiŋ yeqnu.

Hibru 7:1

Melkisedek a Salem qure naŋgo mandor koba soqnej. A Tamo Koba Qotei aqa atra tamo soqnej. Abraham a mandor kokba qudei naŋgi ti qotsiqa naŋgi ñumsiqa olo aqa qureq beqnaqa bati deqa Melkisedek a gamq di Abraham turosiqa aqa gateq di baŋ atetosiqa a qa pailyej.

Hibru 7:3

Melkisedek a abu saiqoji. A ai saiqoji. A leŋ bei saiqoji dego. Aqa ŋambabo bati di iga qaliesai. Aqa moiqajqa bati di dego iga qaliesai. Deqa a Qotei aqa Ŋiri bul. Deqa a bati gaigai atra tamo sqas.