Hibru 6:8 - Yesus Aqa Anjam Bole

⁸ Ariya sil luwit oqsim iŋgi kabutnjrqas di iŋgi bole oqwasai. Mandam di ugeqas. Deqa sokiñala Qotei na mandam di torei waliyosim iŋgi di koroinjrsim ŋamyuoq di breinjrim yugwab.

Hibru 6:8 ပူးပေါင်းရင်းမြစ်များ

Matyu 25:41

“Ariya tamo uge ijo baŋ qonaŋq di unub qaji naŋgi endegsi minjrqai, ‘Niŋgi tamo tulaŋ ugedamu. Deqa niŋgi jaraiiye. Jaraiosib aisib ŋamyuo gaigai yuejunu qaji dia soqniye. Satan aqa laŋ aŋgro naŋgi ti dia sqab. Naŋgi dia sqajqa deqa Qotei a nami ŋamyuo di gereiyej.

Matyu 3:10

Tapor qalat agi Qotei na ŋam utruq di qomqajqa ojsiqa tigelejunu. Deqa ŋam kalil gei boletosaieqnub qaji di Qotei na qomeleŋosim ŋamyuoq di breinjrqas.

Matyu 7:19

Ŋam kalil gei boletosaieqnub qaji di tamo naŋgi na qomeleŋoqnsib ŋamyuoq di breinjreqnub.

Mak 11:14

Unsiqa qura di minjej, “Ni olo bunu geitqasai. Tamo bei a bosim ino gei bei oqasai.” Degsi minjnaqa aqa aŋgro naŋgi queb.

Mak 11:21

Onaqa Pita a anjam Yesus na nami qura minjej qaji deqa olo are qalsiqa Yesus minjej, “O Tamo Koba, ni unime. Qura ni ya ŋiriŋtem qaji agi laosiq moiqo.”

Jon 15:6

Tamo bei a e beterbqasai di a ŋam dani bul giŋgeŋyosib taqal breiyib kaŋgraŋamqa koroiyosib ŋamyuoq di breiyib yugwas.

Hibru 10:27

Iga degyqom di iga Qotei qa ulaugetosim a gago une qa pegigwa bati qa tariŋoqnqom. Pegigwa bati deqa Qotei na aqa jeu tamo kalil naŋgi ojeleŋosim ŋamyuo kaŋkaŋ kobaq di breinjrqas. Ŋamyuo di agi Qotei na atej unu.

Hibru 12:17

Niŋgi qalie, Iso a bunuqna aqa abu aqa iŋgi iŋgi di olo oqajqa marnaqa Qotei na a saidyej. Deqa a akamugetej. Ariya aqa kumbra yej qaji di a olo uratosim are bulyqajqa gam saiiyej.

Uli Anjam 20:15

Tamo uŋgasari kalil naŋgo ñam ŋambile qa buk miligiq di sosai qaji naŋgi di Qotei na breinjrnaq ŋamyuoq aieleŋeb.