Hibru 6:6 - Yesus Aqa Anjam Bole

⁶ Ariya bunuqna tamo naŋgi di olo uloŋosib Qotei aqa anjam qoreiyeb. Deqa naŋgi olo bunuqna puluosib are bulyqajqa gam saiinjrej. Naŋgo kumbra dena naŋgi na Qotei aqa Ŋiri Yesus olo ŋamburbasq di qamobulosib tamo uŋgasari naŋgo ŋamgalaq di aqa ñam ugeugeiyeb.

Hibru 6:6 ပူးပေါင်းရင်းမြစ်များ

Matyu 19:26

Onaqa Yesus a naŋgi koqnjrsiqa minjrej, “Tamo naŋgi segi ŋambile sqa keresai. Ariya Qotei a kumbra kalil yqa kere.”

Luk 11:48

Nuŋgo kumbra dena niŋgi mareqnub, nuŋgo moma naŋgi kumbra bole yoqneb. Agi naŋgi na Qotei aqa medabu o qaji tamo naŋgi ñumeqnab niŋgi na olo naŋgo sub gereiyeqnub.

2 Timoti 2:25

Ni na Qotei aqa wau tamo naŋgi minjrimqa naŋgi lawo na tamo naŋgi Qotei aqa anjam gotraŋyeqnub qaji naŋgo areqalo tingitetnjroqnebe. Yimqa Qotei na naŋgo are bulyetnjrimqa naŋgi aqa anjam bole poinjroqnim dauryoqnqab.

Hibru 10:26

Niŋgi quiye. Iga Kristus aqa anjam bole qalieonum. Ariya bunuqna iga olo anjam di uratosim gago segi areqalo na une aqa kumbra dauryoqnqom di gago une deqa olo atraiyqa iŋgi bei sqasai.

Hibru 10:29

Ariya tamo bei a Qotei aqa Ŋiri qoreiyosim aqa ñam ugeugeiyqas di niŋgi kiersib are qalqab? Tamo di aqa une deqa a gulube tulaŋ kobaquja oqas. Kristus aqa leŋ na Qotei aqa anjam bunuj siŋgilatej deqa tamo di a anjam di dauryosiq a Qotei aqa segi tamo tiŋtiŋ soqnej. Ariya bunuqna a olo Yesus aqa leŋ di ugeugeiyosim Qotei aqa Mondor iga qa are boleiyeqnu qaji aqa ñam ugetqas di a une tulaŋ kobaquja yqas.

Hibru 12:2

Osim iga Yesus koqyoqnqom. Iga Qotei qa gago areqalo siŋgilateqnum kumbra di agi Yesus a segi utru. Bunuqna a na gago kumbra di torei keretqas. Yesus a qalie, a Qotei aqa anjam geregere dauryosim ŋamburbasq di moiqas di bunuqna a olo ŋambile bole osim tulaŋ areboleboleiyqas. A deqa are qalsiq siŋgilaosiq ŋamburbasq di moiej. A nami qalieej, a ŋamburbasq di moiqas di tamo uŋgasari naŋgi a qa maroqnqab, “A tamo tulaŋ uge deqa a moiqo.” Yim a jemakobaiyqas. Ariya Yesus a jemai deqa are qalosai. A Qotei aqa anjam dauryosiq moiej. Ariya bini a olo laŋ qureq dia Qotei aqa awo jaram baŋ woq di awejunu.

Hibru 4:14

Ariya gago atra tamo kobaquja unu. A laŋ qureq oqsiq di unu. A Qotei aqa Ŋiri Yesus. Deqa iga a qa gago areqalo siŋgilatoqnsim aqa ñam boleq na maroqnqom.

Hibru 6:4

Tamo qudei naŋgi Qotei aqa suwaŋ uneb. Naŋgi laŋ qureq oqwajqa gam geregere qalieeb. Naŋgi Qotei aqa Mondor esoqneb. Naŋgi Qotei aqa anjam pegiyosib deqa naŋgi qalieeb, aqa anjam bolequja. Naŋgi Qotei aqa siŋgila mondoŋ brantqas qaji di dego qalieosib ojesoqneb.

2 Pita 2:21

Naŋgi nami kumbra bole qa gam di qaliesai qamu di kere. Ariya naŋgi gam di qalieosib Qotei aqa dal anjam osib olo bunuqna naŋgi qoreiyeb.

1 Jon 5:16

Ariya niŋgi na Kristen was bei a une atim unsibqa niŋgi a qa Qotei pailyiye. A moiqajqa une atosai deqa niŋgi a qa pailyibqa Qotei na aqa une kobotim a moiqasai. A ŋambile sqas. Ariya Kristen tamo bei a moiqajqa une atqas di Qotei na a qalim moiqas. Deqa niŋgi a qa Qotei pailyaib.