Hibru 6:19 - Yesus Aqa Anjam Bole

¹⁹ Iŋgi bole bole Qotei na iga tariŋqa mareqnu qaji di iga tariŋesosim oqom. Iga deqa are qaloqnsim dena gago are miligi tulaŋ siŋgilatejunum. Gam dena iga Warum Tulaŋ Getento Koba gara gaiŋejunu qaji di torei miligiq giloqnqom.

Hibru 6:19 ပူးပေါင်းရင်းမြစ်များ

Matyu 27:51

Onaqa bati qujai deqa gara kobaquja atra tal miligiq di gaiŋesoqnej qaji a goge na braŋosiq aisiq poaiyelej. Onaqa mimiŋ kobaquja dego dosiq mandam reŋgiŋyonaqa meniŋ kokba paraparaeleŋeb.

Aposel 23:6

Ariya Juda tamo kokba awoeleŋesoqneb qaji naŋgo ambleq dia Sadyusi tamo ti Farisi tamo ti soqneb. Onaqa Pol a degsi qalieosiqa leleŋosiq minjrej, “O ijo was niŋgi quiye. E Farisi tamo. Ijo abu a dego Farisi tamo. Deqa e endegsi are qalonum. Tamo kalil moreŋo qaji naŋgi mondoŋ olo subq na tigelqab. Anjam deqa e ijo areqalo tulaŋ siŋgilatejunum. Anjam deqa qujai naŋgi na e ojsib agi nuŋgo ŋamdamuq di tigeltbonub.”

Aposel 27:29

Degsi unsibqa are qaleb, “Iga gilqom di nuiq di sargum gogetqom.” Degsi are qalsibqa ulaosib mareb, “Iga dur waiyonamqa qobuŋ tigelqas.” Degsi marsibqa qobuŋ bunuq dena dur qolqe waiyonab yuwalq aiej. Onaqa naŋgi endegsib waiŋoqneb, “Urur koba suwaŋem.”

Aposel 27:40

Degsi are qalsibqa dur nami waiyeb qaji sil giŋgeŋyosibqa dur yuwalq di urateleŋeb. Osib kuñi tonteb qaji sil di palontosib kuñi ojsib rer giryosib alile di tiryqajqa aieb.

Rom 4:16

Qotei a Abraham a qa ti aqa moma bunuqna brantqab qaji naŋgi qa ti are tulaŋ boleiyosiq deqa iŋgi iŋgi kalil di naŋgi enjrqa marej. Deqa tamo uŋgasari Qotei qa naŋgo areqalo siŋgilateqnub qaji naŋgi iŋgi iŋgi di oqab. Juda tamo dal anjam ejunub qaji naŋgi segi iŋgi iŋgi di oqasai. Tamo kalil Abraham aqa kumbra dauryosib Qotei qa naŋgo areqalo siŋgilateqnub qaji naŋgi dego iŋgi iŋgi di oqab. Abraham agi a iga kalil gago moma matu.

Rom 4:18

Abraham a qaliesai, Qotei a kiersim aqa anjam nami marej qaji di dauryosim yqas? Ariya Abraham a Qotei qa aqa areqalo siŋgilatosiq marej, “E qalieonum, Qotei aqa anjam nami marej qaji di aqa damu brantqas.” Abraham a Qotei qa aqa areqalo siŋgilatosiq degsi qalieej deqa a tamo uŋgasari gargekoba sawa sawa kalilq di unub qaji naŋgo moma matu soqnej. Agi Qotei a nami Abraham endegsi minjej, “Ino moma naŋgi tulaŋ gargekobaqab.”

Rom 5:4

Iga siŋgila na tigeleqnum deqa gulube gagoq beqnaqa iga na gotraŋyeqnum. Iga gulube gotraŋyoqnsim deqa iga Qotei qa gago areqalo siŋgilatoqnsim a na iga laŋ qureq osim oqwajqa deqa tariŋoqnsim unum.

1 Korin 13:13

Iga Qotei qa gago areqalo siŋgilateqnum kumbra di a gaigai sqas. Qotei na iga oqajqa deqa iga tariŋoqnsim unum kumbra di dego gaigai sqas. Qalaqalaiyo kumbra di dego gaigai sqas. Ariya qalaqalaiyo kumbra di tulaŋ bolequja. Qalaqalaiyo kumbra dena kumbra kalil tulaŋ buŋnjrejunu.

1 Korin 15:58

Deqa ijo was bole, niŋgi siŋgila na soqniye. Sosib niŋgi Tamo Koba Yesus qa waukobaoqniye. Niŋgi wau di urataib. Niŋgi qalie, niŋgi Tamo Koba Yesus aqa wau ojeqnub di uloŋqa keresai. Deqa niŋgi gaigai Tamo Koba Yesus aqa wau siŋgila na yoqniye.

Efesus 2:6

Osiqa iga Kristus Yesus ombla na olo subq na tigeltgobulosiqa iga laŋ qureq joqsi oqsiqa Kristus aqa awo jaram kobaq di awotgej.

Kolosi 1:27

Qotei aqa segi areqalo na uli anjam di boleq atsiqa iga aqa segi tamo uŋgasari iga osorgej. Yim iga endegsi poigwajqa, Qotei aqa uli anjam di tulaŋ boledamu. Anjam dena Qotei na tamo uŋgasari kalil sawa bei beiq di unub qaji naŋgi aqaryainjrqas. Uli anjam di aqa damu agiende. Kristus a nuŋgo ambleq di unu. A na niŋgi eleŋosim laŋ qureq osi oqimqa dia niŋgi aqa iŋgi bole bole oqab.

Kolosi 3:1

O was qu, Qotei a niŋgi Kristus koba na subq na tigeltŋgej. Deqa niŋgi laŋ goge qaji iŋgi iŋgi oqajqa deqa wauoqniye. Kristus agi laŋ goge oqsiq Qotei aqa baŋ woq di awejunu.

2 Timoti 2:19

Ariya Qotei aqa segi tamo uŋgasari naŋgi tal aqa ai bulosib siŋgila na tigelejunub. Tal aqa aiq di Qotei a anjam endegsi neŋgreŋyej, “Tamo Koba Qotei a aqa segi tamo uŋgasari naŋgi qa qalie bole.” Anjam bei dego tal aqa aiq di endegsi neŋgreŋyej, “Tamo kalil Qotei aqa ñam ti unub qaji naŋgi kumbra uge kalil qoreiyoqnebe.”

Hibru 4:16

Deqa iga Qotei aqa areq giloqnqom. Iga aqa areq gilqa ulaqasai. A iga qa are tulaŋ boleiyeqnu. Deqa iga aqa areq giloqnim a iga qa duloqnqas. Iga gulube ti soqnim a iga qa are boleiyoqnsim gago gulube qa aqaryaigoqnqas.

Hibru 9:3

Ariya getento warum qoreq di naŋgi gara kobaquja bei gainteb. Gara gaiŋesoqnej aqa qoreq di warum bei soqnej. Warum di aqa ñam “Warum Tulaŋ Getento Koba.”

Hibru 9:7

Ariya atra tamo kobaquja a segi qujai leŋ oqnsiqa bati qujai qa wausau gaigai warum tulaŋ getento koba di miligiq giloqnsiqa aqa segi une qa ti tamo uŋgasari naŋgo une qa ti leŋ di Qotei atraiyeqnu. Tamo uŋgasari naŋgo areqalo bolesai deqa naŋgi une yeqnub.

1 Pita 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. Qotei a iga qa tulaŋ dulosiqa Yesus Kristus olo subq na tigeltej. Gam dena Qotei na iga ŋambile bunuj egej. Ŋambile bunuj dena iga siŋgilatgejunu deqa iga iŋgi bole bole Qotei na mondoŋ egwas qaji deqa tariŋoqnsim unum.