Hibru 5:1 - Yesus Aqa Anjam Bole

¹ Atra tamo kokba naŋgo utru agiende. Qotei a Israel naŋgoq dena mandam tamo naŋgi giltnjroqnsiqa naŋgi atra tamo kokba ateqnu. Atra tamo kokba naŋgo wau agiende. Naŋgi na tamo uŋgasari naŋgo une qa maroqnsib atraiyqajqa iŋgi iŋgi oqnsib Qotei atraiyeqnub.

Hibru 5:1 ပူးပေါင်းရင်းမြစ်များ

Rom 15:17

Aqo Kristus Yesus wo ombla waueqnum deqa e Qotei aqa wau endi yqajqa tulaŋ areboleboleibeqnu.

1 Korin 15:3

Anjam bole e nami palontosim niŋgi merŋgoqnem qaji di e Yesus aqa baŋq dena em. Anjam di tulaŋ kobaquja. Anjam agiende. Kristus a gago une qa moiej. Anjam di agi neŋgreŋq di unu.

Hibru 10:11

Atra tamo kalil naŋgi bati gaigai atra tal miligiq giloqnsibqa naŋgo wau yeqnub. Naŋgi bati gargekoba wagme iŋgi iŋgi deqaji Qotei atraiyeqnub. Ariya iŋgi iŋgi dena tamo uŋgasari naŋgo une kobotetnjrqa keresai.

Hibru 10:12

Ariya Kristus a bati qujai qa gago une kobotqa marsiqa aqa segi jejamu osiqa Qotei atraiyej. Osiqa laŋ qureq oqsiq dia Qotei aqa baŋ woq di awoej. Deqa aqa atraiyo wau di gaigai sqas.

Hibru 11:4

Abel a nami Qotei qa aqa areqalo siŋgilatej deqa a iŋgi iŋgi osiq Qotei atraiyej. Onaqa Qotei a Abel aqa iŋgi deqa tulaŋ arearetej. Abel aqa aube Kein a dego iŋgi iŋgi osiq Qotei atraiyej. Ariya Qotei a Kein aqa atraiyo iŋgi qa arearetosai. Abel a Qotei qa aqa areqalo siŋgilatej utru deqa Qotei a Abel aqa atraiyo iŋgi iŋgi qa arearetej. Kumbra dena iga osorgwo, Qotei na Abel a tamo bole une saiqoji qa minjej. Abel a nami moiej ariya a Qotei qa aqa areqalo siŋgilatej deqa bini a Qotei aqa anjam palontosiq iga mergobuleqnu.

Hibru 2:17

Utru deqa a aqa was kalil naŋgi bulosiq tamo brantej. Deqa bini a atra tamo kobaquja sosiq Qotei aqa wau ojeqnu. A tamo uŋgasari naŋgi qa dulosim naŋgi aqaryainjrqajqa deqa marsiq atra tamo kobaquja brantej. A Qotei aqa anjam kalil dauryoqnsiqa aqa wau ojeqnu. Aqa wau agiende. A na tamo uŋgasari naŋgo une kobotetnjroqnsiqa Qotei aqa minjiŋ taqal ateqnu.

Hibru 7:27

Atra tamo kokba nami soqneb qaji naŋgi bati gaigai wagme iŋgi iŋgi oqnsib Qotei atraiyoqneb. Namoqna naŋgi naŋgo segi une qa wagme iŋgi iŋgi atraiyoqneb. Osib tamo uŋgasari naŋgo une qa dego atraiyoqneb. Ariya Yesus a wau degyosai. A bati qujai qa aqa segi jejamu ŋambile sonaq osiqa Qotei atraiyej.

Hibru 8:3

Atra tamo kokba naŋgo wau di niŋgi qalie. Naŋgi iŋgi iŋgi osi boqnsib Qotei atraiyeqnub. Deqa Yesus a dego atra tamo kobaquja sosiqa aqa segi jejamu osiq Qotei atraiyej.

Hibru 8:4

Yesus a mandamq endi so qamu a atra tamo sosai qamu. Di kiyaqa? Livai naŋgi segi mandamq endia atra tamo sosib iŋgi iŋgi Qotei atraiyeqnub. Agi dal anjam a nami degsi marej.

Hibru 9:9

Atra tal di laŋa mandam qaji tal. Tal di laŋ qure qaji atra tal laŋa sigitejunu. Tal dena kumbra bini bati endeqa brantqas qaji di iga laŋa suwi osorgeqnu. Atra tal dia atra tamo naŋgi iŋgi iŋgi oqnsib Qotei atraiyeqnub. Ariya iŋgi iŋgi dena tamo naŋgi Qotei qa loueqnub qaji naŋgo are miligi gereiyetnjrqa keresai. Yim naŋgi qalieqab, “Bole, Qotei na gago une yansetgekritqo.” Degyqa keresai.