Hibru 4:14 - Yesus Aqa Anjam Bole

¹⁴ Ariya gago atra tamo kobaquja unu. A laŋ qureq oqsiq di unu. A Qotei aqa Ŋiri Yesus. Deqa iga a qa gago areqalo siŋgilatoqnsim aqa ñam boleq na maroqnqom.

Hibru 4:14 ပူးပေါင်းရင်းမြစ်များ

Matyu 4:3

Onaqa walawalaiyo tamo Satan a Yesus aqa areq bosiqa minjej, “Ni Qotei aqa Ŋiriamqa meniŋ kalil endi minjrim bem bulyibqa ni uye.”

Mak 1:1

Qotei aqa Ŋiri Yesus Kristus aqa anjam bole e utruq na saqai.

Mak 16:19

Tamo Koba Yesus a na aqa aŋgro naŋgi anjam degsi minjrnaqa Qotei na laŋ qureq osi oqnaqa aqa baŋ woq di awoej.

Luk 24:51

Pailyeqnaqa Qotei na a metonaq naŋgi uratnjrsiqa laŋ qureq oqej.

Aposel 3:21

A laŋ qureq oqej di unu. A di soqnimqa Qotei na mandam bunuj ti laŋ bunuj ti atqa bati brantimqa a olo bqas. Qotei a nami marej, ‘E mandam bunuj ti laŋ bunuj ti atqai.’ Osiqa aqa anjam di aqa medabu o qaji tamo naŋgi minjrnaqa naŋgi na neŋgreŋyeb.

Rom 8:34

Deqa tamo yai na iga gago une aqa awai uge olo oqa mergwas? Tamo dego bei sosai. Kristus Yesus a moisiq olo subq na tigelej. Deqa bini a Qotei aqa baŋ woq di awejunu. Awesosiqa iga qa Qotei pailyeqnu.

2 Korin 12:2

Ŋeiobilqei agiende. Nami wausau 14 koboej endi Qotei na Kristus aqa tamo bei osi oqsiqa torei laŋ qureq oqej. Laŋ qure di tulaŋ goge koba. Tamo oqej qaji di e qalie. Tamo di agi e segi. A jejamu korbi oqej kio aqa jejamu uratosiq oqej kio di e qaliesai. Qotei a segi qalie.

2 Korin 9:13

Niŋgi naŋgi degsib aqaryainjreqnub deqa nuŋgo wau dena nuŋgo kumbra bole kalil boleq atekritqas. Yim naŋgi unsib qalieqab, niŋgi Kristus aqa anjam bole siŋgila na ojejunub deqa niŋgi aqa anjam geregere dauryeqnub. Iŋgi bole bole niŋgi na oqnsib naŋgi ti tamo uŋgasari kalil naŋgi ti enjreqnub qaji di naŋgi unoqnsib Qotei aqa ñam soqtoqnqab.

Efesus 4:10

Aisiq dena olo tulaŋ goge oqsiq laŋ qure kalil buŋyekritosiq torei oqej. A degyej. Di kiyaqa? A na iŋgi iŋgi kalil ekritosim keretqajqa deqa.

Hibru 1:8

Ariya Qotei na aqa segi Ŋiri endegsi minjej, “O Qotei, ni bati gaigai Mandor Koba sqam. Sosim ni kumbra tiŋtiŋ na ino segi tamo uŋgasari naŋgi taqatnjroqnqam.

Hibru 10:12

Ariya Kristus a bati qujai qa gago une kobotqa marsiqa aqa segi jejamu osiqa Qotei atraiyej. Osiqa laŋ qureq oqsiq dia Qotei aqa baŋ woq di awoej. Deqa aqa atraiyo wau di gaigai sqas.

Hibru 10:23

Gago areqalo iga Qotei qa siŋgilatejunum qaji deqa ti iŋgi bole bole iga mondoŋ oqajqa tariŋeqnum qaji deqa ti iga maroqnsim laqnum. Ariya gago areqalo di iga olo siŋgila na ojesqom. Iga ulaosim areqalo aiyeltqasai. Iga qalie, kumbra kalil Qotei a nami yqa marej qaji di a yqas.

Hibru 10:29

Ariya tamo bei a Qotei aqa Ŋiri qoreiyosim aqa ñam ugeugeiyqas di niŋgi kiersib are qalqab? Tamo di aqa une deqa a gulube tulaŋ kobaquja oqas. Kristus aqa leŋ na Qotei aqa anjam bunuj siŋgilatej deqa tamo di a anjam di dauryosiq a Qotei aqa segi tamo tiŋtiŋ soqnej. Ariya bunuqna a olo Yesus aqa leŋ di ugeugeiyosim Qotei aqa Mondor iga qa are boleiyeqnu qaji aqa ñam ugetqas di a une tulaŋ kobaquja yqas.

Hibru 12:2

Osim iga Yesus koqyoqnqom. Iga Qotei qa gago areqalo siŋgilateqnum kumbra di agi Yesus a segi utru. Bunuqna a na gago kumbra di torei keretqas. Yesus a qalie, a Qotei aqa anjam geregere dauryosim ŋamburbasq di moiqas di bunuqna a olo ŋambile bole osim tulaŋ areboleboleiyqas. A deqa are qalsiq siŋgilaosiq ŋamburbasq di moiej. A nami qalieej, a ŋamburbasq di moiqas di tamo uŋgasari naŋgi a qa maroqnqab, “A tamo tulaŋ uge deqa a moiqo.” Yim a jemakobaiyqas. Ariya Yesus a jemai deqa are qalosai. A Qotei aqa anjam dauryosiq moiej. Ariya bini a olo laŋ qureq dia Qotei aqa awo jaram baŋ woq di awejunu.

Hibru 2:1

Qotei aqa Ŋiri a ñam kobaquja ej deqa aqa anjam iga nami quoqnem qaji di iga olo siŋgila na ojsim dauryqom. Iga dauryqasai di iga uloŋosim olo aqa anjam dauryqa urato uge.

Hibru 2:17

Utru deqa a aqa was kalil naŋgi bulosiq tamo brantej. Deqa bini a atra tamo kobaquja sosiq Qotei aqa wau ojeqnu. A tamo uŋgasari naŋgi qa dulosim naŋgi aqaryainjrqajqa deqa marsiq atra tamo kobaquja brantej. A Qotei aqa anjam kalil dauryoqnsiqa aqa wau ojeqnu. Aqa wau agiende. A na tamo uŋgasari naŋgo une kobotetnjroqnsiqa Qotei aqa minjiŋ taqal ateqnu.

Hibru 3:1

O Kristen was qu, Qotei laŋ qureq di unu qaji a na niŋgi dego metŋgej deqa niŋgi Yesus qa are qaloqniye. Qotei na Yesus qariŋyonaq mandamq aiej. A gago atra tamo kobaquja unu. Deqa iga a qa gago areqalo siŋgilatoqnsim aqa ñam boleq na maroqnqom.

Hibru 3:14

Iga nami siŋgila na Qotei qa gago areqalo siŋgilatem. Ariya gago areqalo di iga olo tulaŋ siŋgila na ojsimqa gilsim gilsim moiqom. Iga degyqom di iga Kristus aqa segi tamo uŋgasari tiŋtiŋ sqom.

Hibru 6:20

Yesus a getento warum di iga qa waqtosiqa a segi namoosi miligiq gilej. Deqa bini a getento warum di unu. A di sosimqa bati gaigai a gago atra tamo kobaquja sqas. Agi Melkisedek a nami atra tamo kobaquja soqnej dego kere.

Hibru 6:6

Ariya bunuqna tamo naŋgi di olo uloŋosib Qotei aqa anjam qoreiyeb. Deqa naŋgi olo bunuqna puluosib are bulyqajqa gam saiinjrej. Naŋgo kumbra dena naŋgi na Qotei aqa Ŋiri Yesus olo ŋamburbasq di qamobulosib tamo uŋgasari naŋgo ŋamgalaq di aqa ñam ugeugeiyeb.

Hibru 7:3

Melkisedek a abu saiqoji. A ai saiqoji. A leŋ bei saiqoji dego. Aqa ŋambabo bati di iga qaliesai. Aqa moiqajqa bati di dego iga qaliesai. Deqa a Qotei aqa Ŋiri bul. Deqa a bati gaigai atra tamo sqas.

Hibru 8:1

Ariya ijo anjam di aqa utru agiende. Atra tamo kobaquja deqaji agi unu. Di Yesus qujai. A laŋ qureq oqsiq Qotei siŋgila koba ti unu qaji aqa baŋ woq di awejunu.

Hibru 9:12

Ariya Kristus a bulmakau ti kaja du du ti naŋgo leŋ osiqa atra tal di miligiq gilosai. A aqa segi leŋ osiqa bati qujai qa atra tal miligiq gilej. Aqa wau dena a na iga olo awaigej. Deqa iga ŋambile gaigai sqom.

Hibru 9:24

Iga qalie, Kristus a mandam qaji atra tal tamo naŋgi na gereiyeb qaji di miligiq gilosai. Mandam qaji atra tal di Qotei aqa atra tal bole laŋa sigitejunu. Kristus a laŋ qureq oqej. Deqa bini a Qotei aqa areq di sosiqa iga qa waueqnu.

1 Pita 3:22

Onaqa Kristus a laŋ qureq oqej deqa bini a Qotei aqa baŋ woq di awejunu. Deqa laŋ aŋgro naŋgi ti laŋ qaji mondor kokba ti laŋ qaji siŋgila ti kalil naŋgi Kristus aqa sorgomq di unub.