Hibru 3:8 - Yesus Aqa Anjam Bole

⁸ Niŋgi nuŋgo are miligi getentaib. Niŋgi nuŋgo moma utru naŋgi bul saib. Agi nami nuŋgo moma utru naŋgi ijo anjam quqwa asginjrnaqa gotraŋyoqneb. Naŋgi wadau sawaq dia ijo kumbra laŋa pegiyoqneb.

Hibru 3:8 ပူးပေါင်းရင်းမြစ်များ

Matyu 13:15

Tamo uŋgasari di naŋgo areqalo geteŋnjrejunu. Naŋgo dabkala na ijo anjam quqwajqa asginjreqnu. Naŋgi ŋam bruŋejunub. Deqa naŋgo ŋamdamu na ijo kumbra unqasai. Naŋgo dabkala na ijo anjam qusib aqa utru poinjrqasai. Naŋgi are bulyosib ijoq babqa e na naŋgi boletnjrqasai dego.’ Qotei a nami degsi marej.

Aposel 19:9

Degyeqnaqa Juda tamo uŋgasari qudei naŋgi Pol aqa anjam di qusibqa naŋgi a qa ugeosib aqa anjam dauryqa uratosib ŋambile gaigai sqajqa gam Yesus na nami iga osorgej qaji di qoreiyosib tamo uŋgasari naŋgi minjroqneb, “Yesus aqa gam di uge.” Deqa Pol a naŋgi uratnjrsiqa tamo uŋgasari Yesus qa naŋgo areqalo siŋgilateb qaji naŋgi segi joqsiqa tamo bei aqa ñam Tiranus aqa skul kobaq gileb. Gilsib dia Pol a bati gaigai Qotei aqa anjam plaltoqnsiq minjroqnej.

Aposel 7:36

Moses qujai dena Isip sawaq aisiq dia maŋwa gargekoba yoqnej. Osiqa Israel naŋgi joqsiqa Isip sawa uratosib wadau sawaq gileb. Gilsib Yuwal Lentq dia Moses na maŋwa gargekoba yeqnaqa wausau 40 koboej.

1 Korin 10:9

Iga Kristus aqa kumbra tenemtosim laŋa pegiyqasai. Agi gago moma qudei naŋgi Tamo Koba Qotei aqa kumbra tenemtoqnsib laŋa pegiyoqneb deqa Qotei na amal uge qariŋnjrnaqa bosib naŋgi uñinjrnab moreŋeb.