Hibru 3:19 - Yesus Aqa Anjam Bole

¹⁹ Deqa iga qalieonum, Israel tamo uŋgasari naŋgi Qotei qa naŋgo areqalo yala siŋgilatosaioqneb. Utru deqa naŋgi Qotei aqa aqarato sawa miligiq gilqa keresai.

Hibru 3:19 ပူးပေါင်းရင်းမြစ်များ

Mak 16:16

Tamo naŋgi e qa naŋgo areqalo siŋgilatosib yanso oqab qaji naŋgi di Qotei na oqas. Ariya tamo naŋgi e qa naŋgo areqalo siŋgilatqasai qaji naŋgi di Qotei na naŋgo une qa peginjrsim awai uge enjrqas.

Jon 3:18

Qotei na tamo naŋgi Yesus qa naŋgo areqalo siŋgilateqnub qaji naŋgi peginjrqasai. Ariya tamo naŋgi Yesus qa naŋgo areqalo siŋgilatosaieqnub qaji naŋgi Qotei na peginjrqas. Di kiyaqa? Naŋgi aqa segi Ŋiri aqa ñam qa naŋgo areqalo siŋgilatosai deqa.

Jon 3:36

Tamo naŋgi Qotei aqa Ŋiri qa naŋgo areqalo siŋgilatqab qaji naŋgi ŋambile gaigai sqab. Ariya tamo naŋgi Qotei aqa Ŋiri aqa anjam dauryqa uratqab qaji naŋgi ŋambile itqasai. Qotei aqa minjiŋ naŋgoq di sqas.

Rom 11:23

Dani qudei Qotei na nami ŋamtaŋ oliv qure qaji dena giŋgeŋnjrsiq breinjrej qaji naŋgi di olo are bulyosib Qotei qa naŋgo areqalo siŋgilatqab di a na naŋgi olo eleŋosim ŋamtaŋ oliv qoboq di betertnjrqas. Od, Qotei a na naŋgi olo betertnjrqa kere.

2 Tesalonaika 2:12

Deqa iga qalieonum, tamo kalil Qotei aqa anjam bole naŋgo areqaloq di siŋgilatosaioqnsib kumbra uge uge yqajqa arearetnjreqnu qaji naŋgi di Qotei na ŋolawotnjrsim awai uge enjrqas.

Hibru 3:12

O was qu, niŋgi geregere ŋam atoqniye. Niŋgi ŋam atqasai di nuŋgo ambleq di was bei aqa areqalo ugeosim a Yesus qa aqa areqalo siŋgilatqa uratosim Qotei ŋambile gaigai unu qaji a qoreiyo uge.

1 Jon 5:10

Tamo bei a Qotei aqa Ŋiri qa aqa areqalo siŋgilatqas di aqa Ŋiri qa anjam dego aqa are miligiq di siŋgilatim sqas. Ariya tamo bei a Qotei aqa anjam aqa areqaloq di siŋgilatqasai di a na Qotei aqa ñam ugetosim Qotei a gisaŋ tamo qa minjobulqas. Di kiyaqa? A Qotei aqa Ŋiri qa anjam Qotei na iga mergeqnu qaji di aqa areqaloq di siŋgilatosai deqa.

Jut 1:5

Niŋgi Tamo Koba Qotei qa qalie. Nami Israel tamo uŋgasari naŋgi Isip sawaq di sonabqa Qotei na naŋgi joqsiq gilej. Joqsiq gilsiqa ariya tamo uŋgasari a qa naŋgo areqalo siŋgilatosai qaji naŋgi a na padaltnjrej. Niŋgi di nami qalieeb. Ariya niŋgi deqa olo are qalqajqa deqa e nuŋgo areqalo tigeltetŋgonum.