Hibru 3:13 - Yesus Aqa Anjam Bole

¹³ Bati gaigai iga mareqnum, “Bini bati endi”. Deqa niŋgi bati gaigai Qotei aqa tamo uŋgasari naŋgi anjam bole minjroqnsib naŋgo areqalo tigeltetnjroqniye. Nuŋgo ambleq di une aqa kumbra na tamo bei gisaŋyim aqa are miligi getento uge.

Hibru 3:13 ပူးပေါင်းရင်းမြစ်များ

Aposel 11:23

Aisiqa Qotei a naŋgi qa dego are boleiyoqnsiqa aqaryainjroqnej di unej. Unsiqa tulaŋ areboleboleiyej. Deqa a na naŋgi kalil are siŋgilatetnjroqnsiqa minjroqnej, “Niŋgi Tamo Koba Yesus gaigai dauryoqnsib soqniye.”

Rom 7:11

Di kiyaqa? Dal anjam bej dena une a gam itosiqa e gisaŋbej. Kumbra dena une na e moiotbej.

Efesus 4:22

Nami niŋgi dego so namijq di sosib walweloqneb. So namij dena niŋgi gisa gisaŋgeqnaqa niŋgi kumbra uge uge yqajqa are prugŋgoqnej. Nuŋgo kumbra dena niŋgi padalqa gamq di soqneb. Ariya bini niŋgi so namij di torei uratosib

1 Tesalonaika 2:11

Niŋgi qalie, abu naŋgi na naŋgo aŋgro naŋgi tingitnjroqnsib dalnjreqnub dego kere iga na niŋgi dego tingitŋgoqnsim dalŋgoqnem.

1 Tesalonaika 4:18

Deqa niŋgi na anjam di Qotei aqa tamo uŋgasari naŋgi minjroqnsibqa dena naŋgo are siŋgilatetnjroqniye.

1 Tesalonaika 5:11

Deqa niŋgi segi segi Qotei aqa tamo uŋgasari naŋgi anjam bole minjroqnsib dena naŋgo are siŋgilatetnjroqniye. Agi bini niŋgi degyeqnub.

2 Timoti 4:2

Deqa ni Kristus aqa anjam palontqajqa siŋgilaoqne. Yimqa tamo qudei naŋgi ino anjam quqwa arearetnjroqnqas. Ariya tamo qudei naŋgi ino anjam quqwa asginjroqnqas. Di uŋgum. Ni gaigai Kristus aqa anjam naŋgi siŋgila na minjroqne. Osim anjam dena naŋgo are qametnjroqnsim naŋgo areqalo tigeltetnjroqne. Yim naŋgi are bulyoqnsib Qotei aqa kumbra dauryoqnqab. Deqa ni gaigai kumbra lawo na naŋgi gereinjroqnsim Qotei aqa kumbra naŋgi osornjroqne.

Hibru 13:22

O was qu, e na nuŋgo are siŋgilatetŋgwajqa deqa marsim anjam endi neŋgreŋyonum. Deqa niŋgi ijo anjam endi geregere qusib dauryoqniye. Di kiyaqa? E anjam truquyala neŋgreŋyonum deqa.

Jems 1:14

Gago segi segi are miligi tigeloqnsiqa iga titgeqnu. Gago segi areqalo uge na iga walawalaigoqnsiqa gisaŋgeqnu. Yim iga une atqajqa deqa.