Hibru 2:6 - Yesus Aqa Anjam Bole

⁶ Ariya Qotei aqa anjam mutu bei tamo bei na nami endegsi neŋgreŋyej unu, “O Qotei, ni kiyaqa tamo naŋgi qa are qaleqnum? Osim naŋgi qa duloqnsim aqaryainjreqnum?

Hibru 2:6 ပူးပေါင်းရင်းမြစ်များ

Luk 1:68

“Iga gago Tamo Koba Qotei aqa ñam tulaŋ koba soqtqom. A Israel gago Qotei. Iga aqa segi tamo uŋgasari unum deqa a na bosim iga eleŋam iga padalqasai.

Luk 7:16

Onaqa tamo uŋgasari kalil qure dia soqneb qaji naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib maroqneb, “Bole, bini Qotei aqa medabu o qaji tamo kobaquja gago ambleq endi brantqo. Qotei na aqa segi tamo uŋgasari naŋgi aqaryainjrqajqa deqa tamo di qariŋyqoqa gagoq bqo.”

1 Tesalonaika 4:6

Niŋgi na Kristen was qu naŋgi kumbra uge bei enjraib. Osib naŋgi gisaŋnjrsib naŋgo ŋauŋ ugetnjraib. Tamo Koba Qotei a na tamo naŋgi kumbra deqaji yeqnub qaji naŋgi awai uge enjrqas. Iga nami niŋgi siŋgila na degsi merŋgoqnem.

Hibru 4:4

Agi Qotei aqa anjam bei nami endegsib neŋgreŋyeb unu, “Qotei na aqa wau kobotosiqa ariya bati 7 onaqa a aqaratej.”

Hibru 5:6

Osiqa olo anjam bei dego Kristus minjej, “Melkisedek a nami atra tamo soqnej dego kere ni bati gaigai atra tamo sqam.”

1 Pita 1:11

Kristus aqa Mondor a naŋgo are miligiq di sosiqa naŋgo medabuq na anjam endegsi babtosiq maroqnej, “Bunuqna Kristus a jaqatiŋ osim moiqas. Moisim olo subq na tigelosim laŋ qureq oqsim dia a ñam koba ti sqas.” O was qu, Qotei aqa medabu o qaji tamo naŋgi endegsib nenemoqneb, “Kristus a bati gembu bqas? Kumbra kie namoqna brantim Kristus a bunuqna bqas?”