Hibru 2:18 - Yesus Aqa Anjam Bole

¹⁸ Gulube gargekoba Yesus aqa jejamuq di branteqnaqa a jaqatiŋ koba oqnej. Deqa a na tamo uŋgasari kalil gulube eqnub qaji naŋgi aqaryainjrqa kere.

Hibru 2:18 ပူးပေါင်းရင်းမြစ်များ

Luk 22:28

“E gulube gargekoba qoboiyeqnamqa niŋgi e uratbosaieqnub. Niŋgi gaigai e beterbeqnub. Niŋgi keretsib e beterbeqnub.

Luk 22:53

E nami koba atra tal miligiq dia niŋgi koba na sosim anjam merŋgoqnem bati deqa niŋgi yala baŋ waiysib e ojosai. Ariya bini nuŋgo bati brantqo. Endego ambru aqa siŋgila agi brantqo.”

Jon 10:29

Ijo Abu a na naŋgi e ebej. A segi qujai Qotei Koba. A na iŋgi iŋgi kalil tulaŋ buŋnjrejunu. Deqa tamo bei na ijo kaja naŋgi ijo Abu aqa baŋq dena yaiyqa keresai bolesai.

1 Korin 10:13

Gulube kalil niŋgi qa branteqnu qaji di mandam tamo kalil naŋgoq di dego branteqnu. Ariya Qotei a tamo bole deqa a niŋgi uratŋgwasai. A na marimqa gulube di aqa siŋgila na nuŋgo siŋgila buŋyqasai. Qotei na gam waqtetŋgoqnimqa niŋgi gulube di britoqnsib siŋgila na tigeloqnqab.

Filipai 3:21

Yesus aqa segi siŋgila na a na iŋgi iŋgi kalil eleŋosim aqa segi sorgomq di atim sqas. Aqa siŋgila dena a na gago jejamu bulyetgimqa gago jejamu di Yesus aqa jejamu bulosim so bole gaigai sqas. Gago jejamu di agi bini gulube ti jaqatiŋ ti unu.

2 Timoti 1:12

Deqa uŋgum, e gulube oqnsiy sqai. E deqa jemaibqasai. E Yesus qa ijo areqalo siŋgilateqnum deqa e a qa bole qalieonum. A segi na wau endi ijo baŋq di atej deqa e qalieonum, a na wau di geregere taqatoqnqas. Taqatsim gilsim a olo bqajqa bati brantqas.

Hibru 5:2

Atra tamo kokba naŋgi iga bul mandam tamo. Naŋgi dego siŋgila saiqoji unub deqa naŋgi une yoqnqa kere. Deqa naŋgi na tamo uŋgasari Qotei aqa kumbra geregere qaliesai qaji naŋgi ti tamo uŋgasari Qotei aqa gam groteqnub qaji naŋgi ti naŋgo une qa jiŋga na gereinjreqnub.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.

Jut 1:24

O was qu, Qotei a na niŋgi taqatŋgoqneme. Yim niŋgi uloŋqasai. Mondoŋ a na niŋgi joqsim laŋ qureq osi oqimqa niŋgi aqa riaŋ unsib une saiqoji sosib tulaŋ areboleboleiŋgim sqab.

Uli Anjam 3:10

Ni ijo anjam geregere dauryoqnsimqa gulube kalil qoboiyoqnsim siŋgila na tigelejunum deqa e ni taqatmesoqnitqa Satan a bosim tamo uŋgasari kalil sawa sawa kalilq di unub qaji naŋgi gulube enjrqa batiamqa gulube di ni qa bqasai.