Hibru 13:23 - Yesus Aqa Anjam Bole

²³ E niŋgi endegsi merŋgwai. Gago was Timoti a tonto talq dena uratonab oqedej. Deqa a e qa urur bqas di aqo aiyel ombla na niŋgi qa bosim nuŋgwom.

Hibru 13:23 ပူးပေါင်းရင်းမြစ်များ

Rom 15:25

Ariya e mati Jerusalem gilsiy dia Qotei aqa tamo uŋgasari naŋgi unjrsiy aqaryainjrqai.

Rom 15:28

Deqa e mati wau di kobotosiy silali di Jerusalem osiy gilsiy bunuqna e Spen sawaq aiqa osiy e niŋgi qa bosiy nuŋgwai.

Kolosi 1:1

E Pol. Kristus Yesus na e qariŋbej deqa e aqa anjam marsim laqnum. Qotei aqa segi areqalo na e merbej, “Ni Yesus aqa wau oje.” Onaqa e Qotei aqa areqalo di dauryosim agi e Yesus aqa wau ojeqnum.

1 Tesalonaika 3:2

Marsimqa Timoti qariŋyonam niŋgi qa bej. Timoti a gago Kristen was bole. A Qotei aqa wau tamo. A Kristus aqa anjam bole maro qaji tamo. Iga na a qariŋyonam niŋgi qa bej. A na niŋgi aqaryaiŋgosim nuŋgo areqalo Yesus qa siŋgilateqnub qaji di olo siŋgilatetŋgwajqa deqa marsim a qariŋyonam niŋgi qa bej.

1 Timoti 6:12

Tamo naŋgi Kristus qa naŋgo areqalo siŋgilateqnub qaji naŋgi tamo naŋgi siŋgila na gurguroqnsib bubuŋeqnub dego kere. Deqa ni dego siŋgila na ururoqne. Osim dena ni ŋambile bole gaigai sqam. Bole, ni nami siŋgila na tigeloqnsim tamo gargekoba naŋgo ŋamgalaq dia Kristus aqa ñam ubtsim maroqnem. Bati deqa Qotei na ni ŋambile di oqajqa marsiq metmej.

2 Timoti 1:8

Deqa ni gago Tamo Koba Yesus aqa anjam marsim laqajqa jemaimaiq. E segi Yesus aqa anjam marsim laqnem deqa jeu tamo naŋgi na e ojsib tonto talq endia e waibeb unum. Deqa ni e qa dego jemaimaiq. Ni Qotei aqa siŋgila osim Yesus aqa anjam bole marsim laqne. Osim dena ni e ombla gulube oqnsim sqom.

Filemon 1:1

O Filemon, e Pol. E Kristus Yesus aqa wau tamo deqa jeu tamo naŋgi na e ojsib tonto talq endia waibeb unum. Aqo gago was Timoti wo anjam endi neŋgreŋyosim ni qa qariŋyonum. Ni gago Kristen was bole. Ni iga koba na wau qujai.

Filemon 1:22

Ijo anjam qujai bei agiende. E are qalonum, Qotei a nuŋgo pail qusim gam waqtetbimqa e niŋgi qa olo bqai. Deqa Filemon, ni ino talq di e ŋeiqajqa warum gereiyetbime.

Uli Anjam 7:14

Onaqa e na kamba minjem, “O tamo koba, ni segi qalie.” Onaqa merbej, “Tamo uŋgasari naŋgi di jeu tamo naŋgi na tulaŋ ugeugeinjrsib gulube ti jaqatiŋ ti enjreb. Enjreb deqa naŋgi na Kaja Du aqa leŋ na naŋgo gara yanseleŋonab tulaŋ qatej.