Hibru 13:16 - Yesus Aqa Anjam Bole

¹⁶ Ariya niŋgi na tamo uŋgasari naŋgi kumbra bole bole enjroqniye. Naŋgi iŋgi qudei qa truquoqnibqa niŋgi na aqaryainjroqniye. Niŋgi kumbra di urataib. Niŋgi kumbra degyoqnqab di niŋgi Qotei atraiyobuloqnqab. Yim Qotei a nuŋgo kumbra deqa tulaŋ areboleboleiyoqnqas.

Hibru 13:16 ပူးပေါင်းရင်းမြစ်များ

Luk 18:22

Degsi minjnaqa qusiqa kamba minjej, “Ni dal anjam kalil dauryosim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Aposel 10:38

Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 9:36

Jopa qureq dia uŋa bei soqnej aqa ñam Tabita. A Yesus dauryoqnej qaji. Grik anjam na aqa ñam Dorkas. A uŋa bolequja. A gaigai kumbra tulaŋ boledamu yoqnsiqa tamo uŋgasari iŋgi iŋgi saiqoji soqneb qaji naŋgi lueinjroqnsiq iŋgi anainjroqnej.

Rom 12:13

Qotei aqa segi tamo uŋgasari qudei naŋgi iŋgi qa truquoqnibqa niŋgi na naŋgi aqaryainjroqniye. Tamo laŋaj naŋgi dego nuŋgo meq boqnibqa naŋgi oqnsib geregereinjroqniye.

Galesia 6:10

Deqa bati soqnimqa iga na tamo kalil naŋgi kumbra bole bole enjroqnqom. Ariya iga na olo Kristus aqa tamo uŋgasari naŋgi kumbra tulaŋ boledamu enjrqajqa siŋgilaoqnqom.

Galesia 6:6

Kristen gate naŋgi wauoqnsib Qotei aqa anjam palontosib merŋgeqnub. Deqa niŋgi na kamba naŋgi iŋgi iŋgi qa aqaryainjroqniye.

Efesus 4:28

Bajiŋ tamo naŋgi olo bajiŋaib. Naŋgi naŋgo segi baŋ na wauoqnsib dena iŋgi iŋgi oqnsib tamo iŋgi qa truqueqnub qaji naŋgi aqaryainjroqnebe.

Filipai 4:14

Niŋgi e silali qa aqaryaibeqnub deqa e nuŋgo kumbra deqa tulaŋ areboleboleibeqnu. Di kiyaqa? E nami gulube ti sonamqa bati deqa niŋgi e beterbosib kumbra bole di e ebqajqa are qaloqneb.

Filipai 4:18

E silali iŋgi iŋgi kere unu. E iŋgi bei qa truquosaieqnum. Di kiyaqa? Niŋgi na silali di Epafroditus yonabqa a na osi bosiq ebej. Niŋgi silali qa e aqaryaibeb deqa niŋgi Qotei atraiyobuleb. Atraiyo iŋgi di quleq bole ti. Qotei a atraiyo iŋgi deqa tulaŋ areboleboleiyqo.

1 Tesalonaika 5:15

Ariya tamo qudei naŋgi na niŋgi kumbra uge eŋgibqa niŋgi na kamba olo naŋgi kumbra uge enjraib. Niŋgi gaigai siŋgilaoqnsib Qotei aqa tamo uŋgasari naŋgi ti tamo uŋgasari kalil naŋgi ti kumbra bole bole enjroqniye.

2 Tesalonaika 3:13

O was qu, niŋgi kumbra bole yoqnqajqa asgiŋgaiq.

1 Timoti 6:18

Deqa niŋgi kumbra bole bole yoqnsib tamo uŋgasari naŋgi aqaryainjroqniye. Osib gaigai nuŋgo iŋgi iŋgi jeioqnsib tamo uŋgasari iŋgi iŋgi qa truqueqnub qaji naŋgi olo enjroqniye. Niŋgi marqab, silali di iŋgi bole. Degaib. Iŋgi bole agi was naŋgi geregereinjrqajqa kumbra. O Timoti, ni na tamo naŋgi mandam qa silali ti ñoro ti ejunub qaji naŋgi degsim minjroqne.

Filemon 1:6

Ni iga ti beterosim iga koba na Kristus qa gago areqalo siŋgilateqnum deqa e endegsi Qotei pailyeqnum, “O Abu, ni na iga aqaryaigimqa iga powo bole osim iŋgi bole bole Kristus na iga egeqnu qaji di geregere poigwas.”

Hibru 6:10

Niŋgi wau bolequja yoqnsib Qotei tulaŋ qalaqalaiyoqnsib aqa segi tamo uŋgasari naŋgi geregereinjroqneb. Niŋgi nami degyoqneb agi bini niŋgi degyeqnub. Qotei a tamo uge sai. A tamo bole deqa a nuŋgo kumbra di unoqnsiq olo are walyosaieqnu.

3 Jon 1:11

O ijo was bole Gaius, ni kumbra uge dauryaim. Ni kumbra bole segi daurye. Tamo a kumbra bole yqas di a Qotei aqa tamo sqas. Ariya tamo naŋgi kumbra uge uge yeqnub qaji naŋgi Qotei unqa keresai.