Hibru 12:9 - Yesus Aqa Anjam Bole

⁹ Niŋgi are qaliye. Gago mandam qaji abu naŋgi na iga tingitgoqneb. Deqa iga naŋgo ñam soqtoqnem. Ariya gago laŋ qaji Abu a gago qunuŋ taqateqnu. Deqa iga aqa sorgomq di sosim aqa ñam soqtoqnqom. Osim deqa iga ŋambile gaigai sqom.

Hibru 12:9 ပူးပေါင်းရင်းမြစ်များ

Luk 18:4

A degsi minjeqnaqa a aqaryaiyqa uratoqnej. Ariya bunuqna a are qalej. ‘Bole, e Qotei ulaiyosaieqnum. E tamo uŋgasari naŋgi qa are qalosaieqnum.

Jon 3:6

Aqa ai wo abu wo naŋgi aiyel jejamu ti sosib dena a ŋambabteb. Deqa a dego jejamu ti unu. Ariya Qotei aqa Mondor na a ŋambabtqas di a mondor ti sqas.

Aposel 2:30

Nami Qotei na Devit minjej, ‘Mondoŋ ino leŋ naŋgi paraosibqa dena tamo bei ŋambabqas. Amqa e na tamo di giltitqa ni mandor koba unum dego kere a kamba ino sawa osim Mandor Koba sqas.’ Qotei na nami Devit anjam degsi minjej. Osiqa aqa anjam di siŋgilatosiqa olo minjej, ‘E ijo anjam di uratqasai. E dauryqai.’ Devit a Qotei aqa medabu o qaji tamo bole. Deqa kumbra Qotei na mondoŋ yqas qaji di Devit a nami qalieej. Osiqa Kristus qa endegsi marej, ‘Bunuqna a subq na tigelqas.’ Osiqa marej, ‘Qotei na Kristus moio qureq di uratqasai. Aqa jejamu dego subq di uratim qusaqasai.’

Rom 1:3

Qotei aqa anjam bole di aqa segi Ŋiri aqa anjam. Aqa Ŋiri a tamo bulyosiqa Devit aqa leŋ dena ŋambabej.

Rom 9:3

Ijo areqalo koba agiende. Qotei na e taqal waibim Kristus na e qoreibosim ijo was qu agi Jekop aqa leŋ naŋgi olo kamba eleŋqajqa deqa e are koba qaleqnum. Osim deqa e gaigai Qotei pailyeqnum.

Rom 9:5

Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.

Jems 4:10

Osib niŋgi Tamo Koba Qotei aqa ŋamgalaq dia nuŋgo segi ñam aguq atoqniye. Niŋgi degyqab di Qotei na olo nuŋgo ñam soqtetŋgwas.

Jems 4:7

Deqa was qu, niŋgi nuŋgo segi ñam aguq atoqnsib Qotei aqa sorgomq di geregere soqniye. Sosib Satan gotraŋyoqniye. Yimqa Satan a na niŋgi uratŋgosim ulaŋqas.

1 Pita 5:6

Deqa niŋgi nuŋgo segi ñam aguq atoqnsib Qotei agi siŋgila ti unu qaji aqa sorgomq di soqniye. Yimqa bati a nami giltej qaji di brantimqa a na nuŋgo ñam olo soqtetŋgwas.

Uli Anjam 22:6

Onaqa laŋ aŋgro dena olo merbej, “Anjam endi bole kalil. Tamo kalil naŋgi qusib marqab, ‘Bole.’ Tamo Koba Qotei a na aqa medabu o qaji tamo naŋgi are tigeltetnjreqnaqa naŋgi aqa anjam marsib laqnub. Ariya bini Qotei na aqa laŋ aŋgro qariŋy-qoqa bosiq aqa wau tamo kalil naŋgi kumbra urur brantqas qaji endi osornjrqo.