Hibru 12:5 - Yesus Aqa Anjam Bole

^5-6 Nami Qotei a nuŋgo are siŋgilatetŋgwa osiqa niŋgi anjam endegsi merŋgej, “O ijo aŋgro, e nuŋgo Tamo Koba. Deqa e na nuŋgo kumbra tingitetŋgwa marsiyqa gulube eŋgoqnit niŋgi gulube di qoboiyqa asgiŋgaiq. Osib are gulubeiŋgaiq. Niŋgi quiye. Tamo naŋgi e na qalaqalainjreqnum qaji naŋgi di e na olo tingitnjreqnum. Tamo naŋgi ijo segi aŋgro qa mareqnum qaji naŋgi e na gulube enjreqnum.” Qotei a na niŋgi aqa segi aŋgro sqa marsiqa anjam degsi merŋgej. Niŋgi anjam deqa olo are walŋgwo kio?

Hibru 12:5 ပူးပေါင်းရင်းမြစ်များ

Luk 24:6

Yesus a endi sosai. A olo subq na tigelqo. A nami niŋgi koba na Galili sawaq di sosibqa bati deqa a niŋgi endegsi merŋgej, ‘E subq na olo tigelqai.’ Niŋgi aqa anjam deqa olo are qaliye.

Luk 24:8

Onaqa uŋgasari naŋgi di Yesus aqa anjam deqa olo are qalsibqa subq dena olo puluosib aisib anjam kalil laŋ aŋgro na minjreb qaji di Yesus aqa aŋgro 11-pela naŋgi ti tamo qudei ti olo sainjreb.

1 Korin 11:32

Ariya Tamo Koba Qotei a gago kumbra uge qudei unoqnsiq deqa iga gulube egeqnu di a gago kumbra tingitetgwajqa deqa. Yim mondoŋ iga tamo kalil mandamq endi unub qaji naŋgi ti une osim padalo uge.

Galesia 6:9

Deqa iga kumbra bole yoqnqajqa asgigwasai. Iga asgigwasai di bunuqna iga awai bole oqom.

1 Timoti 1:20

Agi Himeneus wo Aleksander wo naŋgi aiyel kumbra uge degsib yeqnub. Deqa e na naŋgi aiyel Satan aqa baŋq di atem. Yim dena naŋgi endegsib qalieqab, “Bole, iga olo Qotei misiliŋyqasai.”

Hibru 12:7

O was qu, Qotei na niŋgi tingitŋgoqnimqa niŋgi siŋgila na tigeloqnsib gulube di qoboiyoqniye. Abu naŋgi na naŋgo aŋgro naŋgi gaigai tingitnjreqnub dego kere Qotei na niŋgi dego tingitŋgeqnu.

Hibru 13:22

O was qu, e na nuŋgo are siŋgilatetŋgwajqa deqa marsim anjam endi neŋgreŋyonum. Deqa niŋgi ijo anjam endi geregere qusib dauryoqniye. Di kiyaqa? E anjam truquyala neŋgreŋyonum deqa.

Jems 1:12

Tamo naŋgi siŋgila na tigeloqnsib gulube qoboiyeqnub qaji naŋgi areboleboleinjreme. Di kiyaqa? Naŋgi gulube kalil di gotraŋyoqnsib siŋgila na tigelesqab di Qotei na awai boledamu enjrqas. Yim naŋgi ŋambile gaigai sqab. Agi Qotei a marej, a na tamo kalil a qalaqalaiyeqnub qaji naŋgi awai bole enjrqas.

Uli Anjam 3:19

Tamo naŋgi e qalaqalainjreqnum qaji di e na olo ŋiriŋtnjroqnsim gereinjreqnum. Deqa ni are siŋgilatosim ino segi kumbra gereiyosim are bulye.