Hibru 12:3 - Yesus Aqa Anjam Bole

³ Niŋgi geregere are qaliye. Une tamo naŋgi Yesus qa tulaŋ ugeoqnsib a jeutoqneb. Ariya a deqa ulaosai. A siŋgila na tigelesoqnej. Niŋgi deqa are qaloqnsib gulube nuŋgoq boqnimqa siŋgila na tigelesoqniye. Niŋgi ulaosib asgiŋgaiq.

Hibru 12:3 ပူးပေါင်းရင်းမြစ်များ

Matyu 11:19

Ariya e Tamo Aŋgro bosimqa iŋgi ti wain ti uyeqnamqa tamo naŋgi e nuboqnsib mareqnub, ‘Niŋgi uniye. Yesus a qunjaŋ ani. A wain uyo ani. A takis o qaji tamo ti une tamo ti naŋgi koba na walweleqnub.’ Tamo naŋgi e qa misiliŋ anjam degsib mareqnub. Ariya niŋgi Qotei aqa wau unqab di niŋgi poiŋgwas, Qotei a qalie bole.”

Matyu 12:24

Naŋgi degsib mareqnabqa Farisi naŋgi qusibqa saidnjrsib minjreb, “Sai. Mondor uge naŋgo gate koba Belsebul a Yesus aqa jejamuq di unu. Deqa siŋgila dena Yesus na mondor uge naŋgi winjreqnu.”

Matyu 15:2

“Ino aŋgro naŋgi kiyaqa gago moma naŋgo dal anjam gotraŋyeqnub? Agi naŋgi iŋgi uyqa oqnsib mati baŋ yansosaisosib laŋa uyeqnub.”

Matyu 21:23

Yesus a na aqa aŋgro naŋgi anjam degsi minjrsiq koboonaqa a olo atra tal miligiq gilsiq dia Qotei aqa anjam palontosiq tamo uŋgasari naŋgi minjroqnej. Onaqa atra tamo kokba ti Israel naŋgo tamo bole bole ti naŋgi na aqa areq bosib nenemyeb, “Ni iga merge. Ni siŋgila qabe na osimqa kumbra endi yeqnum? Yai na ni qariŋmej deqa ni bosim wau endi yeqnum?”

Matyu 21:46

Naŋgi degsib qalieosib deqa naŋgi Yesus ojqa mareb. Ariya tamo uŋgasari kalil naŋgi maroqneb, “Yesus a Qotei aqa medabu o qaji tamo bole.” Deqa naŋgi tamo uŋgasari naŋgi ulainjrsib Yesus ojqa urateb.

Matyu 22:15

Onaqa Farisi naŋgi jaraiosib naŋgi anjam kie Yesus nenemyibqa a anjam grotimqa qusib naŋgi a ojqajqa deqa qairoqneb.

Luk 14:1

Yori bati bei qa Yesus a Farisi gate bei aqa talq gilsiqa a ombla iŋgi uyeb. Naŋgi iŋgi uyeqnabqa tamo qudei tal dia soqneb qaji naŋgi Yesus koqyoqneb. A anjam bei grotimqa minjqajqa deqa koqyoqneb.

Luk 15:2

Koroonabqa Farisi naŋgi ti dal anjam qalie tamo naŋgi ti di unsibqa Yesus yomuiyosib mareb, “Niŋgi uniye. Yesus a une tamo naŋgi joqsiqa koba na walweloqnsib iŋgi uyeqnub.”

Luk 16:14

Yesus a na aqa aŋgro naŋgi anjam degsi minjrnaqa Farisi naŋgi qusib deqa Yesus yomuiyeb. Farisi naŋgi bati gaigai silali koba oqnqajqa are qaloqneb. Utru deqa naŋgi Yesus yomuiyeb.

Luk 2:34

Onaqa Simion a naŋgi aiyel qa Qotei pailyosiqa Yesus aqa ani Maria minjej, “Ni que. Qotei na aŋgro endi giltqo deqa Israel tamo gargekoba naŋgi uloŋqab. Gargekoba dego olo tigelqab. A toqor bul sqas deqa tamo gargekoba naŋgi a jeutoqnqab.

Luk 5:21

Onaqa dal anjam qalie tamo naŋgi ti Farisi naŋgi ti tal dia awesoqneb qaji naŋgi Yesus aqa anjam di qusibqa naŋgo areqalo na mareb, “Yesus a Qotei misiliŋyqo. Yai na tamo naŋgo une kobotqa kere? Qotei a segi qujai.”

Jon 10:20

Osib tamo gargekoba naŋgi endegsib mareb, “Yesus a mondor uge ti unu. Deqa a tulaŋ nanariqo. Niŋgi kiyaqa aqa anjam queqnub?”

Jon 18:22

Yesus a na atra tamo gate degsi minjej. Onaqa qaja tamo bei Yesus aqa areq di tigelesoqnej qaji a na baŋ lubtosiqa Yesus aqa ulatamuq di qalej. Osiqa minjej, “Ni kiyaqa atra tamo gate aqa medabu ojonum?”

Jon 5:16

Onaqa Juda tamo kokba naŋgi Yesus ugeugeiyqajqa maroqneb. Di kiyaqa? A maŋwa di yori bati qa yoqnej deqa.

Jon 7:12

Onaqa tamo uŋgasari naŋgi segi segi anjam gargekoba laŋa laŋa Yesus qa maroqneb. Qudei naŋgi mareb, “Yesus a tamo bolequja.” Qudei naŋgi mareb, “Sai. A na tamo uŋgasari naŋgi gisa gisaŋnjreqnu.”

Jon 8:13

Onaqa Farisi naŋgi Yesus aqa anjam di qusibqa endegsib minjeb, “Ni ino segi wau qa ti kumbra qa ti anjam mareqnum. Deqa tamo naŋgi ino anjam quetmaib.”

Jon 8:52

Onaqa Juda naŋgi na minjeb, “Endego iga qalieonum, mondor uge inoq di unu. Abraham a moiej. Qotei aqa medabu o qaji tamo kalil naŋgi dego moreŋekriteb. Ariya ni maronum, ‘Tamo bei na ijo anjam qusim dauryqas di a olo moiqa keresai.’

Jon 8:59

Onaqa naŋgi Yesus aqa anjam di qusibqa naŋgi a qa minjiŋ oqetnjrnaqa meniŋ eleŋosib Yesus meniŋ na qalsib moiotqa yonab a loumosiq atra tal uratosiq ulaŋej.

Jon 9:40

Onaqa Farisi qudei Yesus aqa areq di soqneb qaji naŋgi aqa anjam di qusib nenemyeb, “Iga dego ŋam qandimgejunu kio?”

1 Korin 15:58

Deqa ijo was bole, niŋgi siŋgila na soqniye. Sosib niŋgi Tamo Koba Yesus qa waukobaoqniye. Niŋgi wau di urataib. Niŋgi qalie, niŋgi Tamo Koba Yesus aqa wau ojeqnub di uloŋqa keresai. Deqa niŋgi gaigai Tamo Koba Yesus aqa wau siŋgila na yoqniye.

2 Korin 4:1

Qotei a iga qa tulaŋ dulosiq deqa wau di iga egej. Deqa iga wau di ojqajqa asgigosaieqnu.

2 Korin 4:16

Iga Qotei aqa kumbra deqa are qaloqnsim deqa iga aqa wau ojqajqa asgigosaieqnu. Bole, gago jejamu a uge qa laqnu. Ariya gago are miligi a bati gaigai olo boleoqnsiq siŋgilaeqnu.

Galesia 6:9

Deqa iga kumbra bole yoqnqajqa asgigwasai. Iga asgigwasai di bunuqna iga awai bole oqom.

2 Tesalonaika 3:13

O was qu, niŋgi kumbra bole yoqnqajqa asgiŋgaiq.

Hibru 12:2

Osim iga Yesus koqyoqnqom. Iga Qotei qa gago areqalo siŋgilateqnum kumbra di agi Yesus a segi utru. Bunuqna a na gago kumbra di torei keretqas. Yesus a qalie, a Qotei aqa anjam geregere dauryosim ŋamburbasq di moiqas di bunuqna a olo ŋambile bole osim tulaŋ areboleboleiyqas. A deqa are qalsiq siŋgilaosiq ŋamburbasq di moiej. A nami qalieej, a ŋamburbasq di moiqas di tamo uŋgasari naŋgi a qa maroqnqab, “A tamo tulaŋ uge deqa a moiqo.” Yim a jemakobaiyqas. Ariya Yesus a jemai deqa are qalosai. A Qotei aqa anjam dauryosiq moiej. Ariya bini a olo laŋ qureq dia Qotei aqa awo jaram baŋ woq di awejunu.

Hibru 12:5

Nami Qotei a nuŋgo are siŋgilatetŋgwa osiqa niŋgi anjam endegsi merŋgej, “O ijo aŋgro, e nuŋgo Tamo Koba. Deqa e na nuŋgo kumbra tingitetŋgwa marsiyqa gulube eŋgoqnit niŋgi gulube di qoboiyqa asgiŋgaiq. Osib are gulubeiŋgaiq. Niŋgi quiye. Tamo naŋgi e na qalaqalainjreqnum qaji naŋgi di e na olo tingitnjreqnum. Tamo naŋgi ijo segi aŋgro qa mareqnum qaji naŋgi e na gulube enjreqnum.” Qotei a na niŋgi aqa segi aŋgro sqa marsiqa anjam degsi merŋgej. Niŋgi anjam deqa olo are walŋgwo kio?

Hibru 3:1

O Kristen was qu, Qotei laŋ qureq di unu qaji a na niŋgi dego metŋgej deqa niŋgi Yesus qa are qaloqniye. Qotei na Yesus qariŋyonaq mandamq aiej. A gago atra tamo kobaquja unu. Deqa iga a qa gago areqalo siŋgilatoqnsim aqa ñam boleq na maroqnqom.

1 Pita 2:23

Agi jeu tamo naŋgi na Kristus misiliŋ-yoqnsib anjam uge uge minjoqneb. Ariya a deqa kamba anjam uge bei naŋgi minjrosaioqnej. Naŋgi na Kristus jaqatiŋ koba yeqnab a deqa kamba naŋgi olo jaqatiŋ enjrqajqa marosaioqnej. A aqa segi jejamu osiqa Qotei aqa baŋq di uratej. Qotei agi tamo kalil naŋgi kumbra bole tiŋtiŋ na peginjreqnu qaji.

Uli Anjam 2:3

Ni ijo ñam ojejunum deqa tamo qudei naŋgi na ni numoqnsib ugeugei-meqnub. Ariya e qalieonum, ni siŋgila na tigeloqnsimqa gulube di qoboiyeqnum. Ni asgimosaieqnu.