Hibru 12:18 - Yesus Aqa Anjam Bole

¹⁸ Nami Israel naŋgi Sainai mana utru jojomyosib dia ŋamyuo ti ambru ti jagwa ti unoqneb. Naŋgo baŋ na mana di ojoqneb. Ariya was qu, niŋgi iŋgi iŋgi deq bosai.

Hibru 12:18 ပူးပေါင်းရင်းမြစ်များ

Rom 6:14

Deqa une na niŋgi olo taqatŋgwasai. Di kiyaqa? Bini niŋgi dal anjam aqa sorgomq di sosai. Qotei a niŋgi qa are tulaŋ boleiyej kumbra di aqa sorgomq di niŋgi unub.

Rom 8:15

Qotei na niŋgi laŋa wau tamo sqajqa deqa aqa Mondor niŋgi eŋgosai. Niŋgi laŋa wau tamo sqab di niŋgi ulaqab. Qotei na niŋgi aqa segi aŋgro tiŋtiŋ sqajqa deqa aqa Mondor niŋgi eŋgej. Deqa aqa siŋgila na niŋgi endegsib Qotei meteqnub, “O ni gago Abu.”

2 Korin 3:7

Niŋgi are qaliye. Dal anjam aqa wau agiende. A na tamo uŋgasari naŋgi moiotnjreqnu. Dal anjam di Qotei a meniŋq di neŋgreŋyonaqa a Qotei aqa riaŋ ti bej. Deqa Moses aqa ulatamu riaŋonaqa Israel tamo uŋgasari naŋgi aqa ulatamu koqyqa keresai. Ŋam qamotnjrej. Ariya bunuqna riaŋ di olo koboej.

2 Korin 3:9

Dal anjam aqa wau agiende. Dal anjam na iga gago une qa mergoqnsiq iga padaltgeqnu. Wau di Qotei aqa riaŋ ti bej. Ariya iga qalieonum, iga na tamo uŋgasari naŋgi Qotei aqa ŋamgalaq di tamo bole une saiqoji sqajqa gam osornjreqnum wau di olo tulaŋ riaŋ koba ti bqas. A na dal anjam aqa riaŋ tulaŋ buŋyqas.

2 Timoti 1:7

Ni qalie, Qotei a na iga ulaqajqa deqa aqa Mondor iga egosai. A na iga siŋgilatgwajqa deqa aqa Mondor egej. Mondor dena gago areqalo tigeltetgeqnaqa iga tamo naŋgi qalaqalainjroqnsimqa gago so ti gago walwel ti geregere taqateqnum.