Hibru 12:13 - Yesus Aqa Anjam Bole

¹³ Tigelesosib gam bole dauryosib walweloqniye. Niŋgi degyqab di nuŋgo siŋga ugeqasai. Nuŋgo siŋga olo boleqas.

Hibru 12:13 ပူးပေါင်းရင်းမြစ်များ

Luk 3:5

Botau kalil mororyiye. Mana kokba ti mana kiñilala ti kalil giŋgeŋnjrsib taqal atiye. Gam kaneŋo kalil tingitiye. Gam niñaqejunub qaji di dego gereiyiye.

Galesia 2:14

Naŋgi Kristus aqa anjam bole degsib ugetonabqa e unsimqa naŋgo ŋamgalaq dia Pita endegsi minjem, “Ni Juda tamo. Ariya ni sawa bei bei qaji tamo naŋgi bulosim naŋgo kumbra dauryeqnum. Ni Juda naŋgo kumbra dauryosaieqnum. Di ni kere degyeqnum. Ariya kiyaqa ni olo sawa bei bei qaji tamo naŋgi Juda naŋgo kumbra dauryqajqa minjreqnum?”

Galesia 6:1

O was qu, nuŋgo ambleq di tamo bei a une bei atim unsibqa niŋgi Qotei aqa Mondor dauryeqnub qaji niŋgi na tamo di lawo na osib aqa kumbra gereiyetiye. Ariya niŋgi geregere ŋam atsib soqniye. Satan a na niŋgi dego uneq waiŋgimqa niŋgi uloŋo uge.

Jems 5:16

Deqa was qu, niŋgi nuŋgo segi segi une palontosib Kristen was qu naŋgi minjroqniye. Osib niŋgi segi segi qa pailyoqniye. Yim Qotei a na niŋgi boletŋgwas. Tamo naŋgi kumbra tiŋtiŋ yeqnub qaji naŋgo pail siŋgila koba. Deqa naŋgi pailyeqnab Qotei a quoqnsiqa naŋgi aqaryainjreqnu.

1 Pita 2:24

Kristus a gago une kalil qoboiyosiqa aqa segi jejamuq di atsiqa a ŋamburbasq di iga qa gaiŋej. Iga gago une kalil torei uratosim ŋambile sosim kumbra tiŋtiŋ yoqnqajqa deqa osiqa ŋamburbasq di iga qa gaiŋej. Jeu tamo naŋgi na Yesus qalougetosib jaqatiŋ koba yeb. Onaqa aqa jaqatiŋ dena a na iga olo boletgej.