Hibru 12:12 - Yesus Aqa Anjam Bole

¹² Deqa nuŋgo baŋ a siŋgila saiqoji sosim laesqas di niŋgi na olo siŋgilatosib wauoqniye. Nuŋgo siŋga dego laesqas di niŋgi olo siŋgila na tigelesoqniye.

Hibru 12:12 ပူးပေါင်းရင်းမြစ်များ

1 Tesalonaika 5:14

O was qu, iga na nuŋgo are tigeltetŋgimqa niŋgi na tamo naŋgi wauqajqa asginjreqnu qaji naŋgo kumbra olo tingi-tetnjroqniye. Osib tamo naŋgi ulaeqnub qaji naŋgo are siŋgila-tetnjroqniye. Osib tamo siŋgila saiqoji unub qaji naŋgi olo aqaryainjroqniye. Osib tamo kalil naŋgi lawo na geregereinjroq-niye.

Hibru 12:3

Niŋgi geregere are qaliye. Une tamo naŋgi Yesus qa tulaŋ ugeoqnsib a jeutoqneb. Ariya a deqa ulaosai. A siŋgila na tigelesoqnej. Niŋgi deqa are qaloqnsib gulube nuŋgoq boqnimqa siŋgila na tigelesoqniye. Niŋgi ulaosib asgiŋgaiq.

Hibru 12:5

Nami Qotei a nuŋgo are siŋgilatetŋgwa osiqa niŋgi anjam endegsi merŋgej, “O ijo aŋgro, e nuŋgo Tamo Koba. Deqa e na nuŋgo kumbra tingitetŋgwa marsiyqa gulube eŋgoqnit niŋgi gulube di qoboiyqa asgiŋgaiq. Osib are gulubeiŋgaiq. Niŋgi quiye. Tamo naŋgi e na qalaqalainjreqnum qaji naŋgi di e na olo tingitnjreqnum. Tamo naŋgi ijo segi aŋgro qa mareqnum qaji naŋgi e na gulube enjreqnum.” Qotei a na niŋgi aqa segi aŋgro sqa marsiqa anjam degsi merŋgej. Niŋgi anjam deqa olo are walŋgwo kio?