Hibru 12:11 - Yesus Aqa Anjam Bole

¹¹ Bole, Qotei na iga tingitgwa maroqnsiq gulube egeqnaqa dena iga areboleboleigosaieqnu. Iga dena are gulubeigeqnu. Ariya bunuqna gulube dena iga tingitgimqa iga kumbra bole dauryqajqa geregere qalieosim siŋgilaqom. Osim deqa iga are lawo na sqom.

Hibru 12:11 ပူးပေါင်းရင်းမြစ်များ

Rom 14:17

Iga iŋgi ti ya ti uyoqnqom kumbra dena Qotei a gago Mandor Koba sosim iga taqatgwasai. Ariya iga kumbra tiŋtiŋ yoqnsim lawo kumbra dauryoqnsim Qotei aqa Mondor aqa wau na areboleboleigim sqom kumbra dena Qotei a gago Mandor Koba sosim iga taqatgwas.

2 Korin 4:17

Di kiyaqa? Iga qalieonum, gulube ti jaqatiŋ ti iga bini eqnum qaji di tulaŋ kokba sai. Naŋgi sokiñalayosib koboqab. Iga gulube di eqnum deqa mondoŋ iga laŋ qureq dia so bole gaigai sqom. Iga qalieonum, iŋgi bole bole iga mondoŋ oqom qaji di tulaŋ boledamu. Iŋgi iŋgi dena mandam qa iŋgi iŋgi kalil tulaŋ buŋnjresqas.

2 Timoti 4:8

Tamo naŋgi gurgu-roqnsib bubuŋeqnub di naŋgi awai oqajqa. Ariya ijo awai bole agi Qotei a laŋ goge dia atej unu. E awai di oqajqa deqa tariŋoqnsim unum. Ijo awai agiende. Mondoŋ Tamo Koba Qotei na e tamo bole une saiqoji qa merbqas. Di ijo awai bole. Tamo Koba Qotei a kumbra tiŋtiŋ na tamo uŋgasari naŋgo kumbra qa naŋgi peginjreqnu. Ariya Qotei na naŋgi peginjrqajqa batiamqa a na awai bole di e ebqas. A e segi awai ebqasai. Tamo kalil Yesus a laŋ goge dena brantim unqajqa deqa areboleboleinjreqnaqa tariŋeqnub qaji naŋgi ti awai bole egwas.

Hibru 12:10

Gago mandam qaji abu naŋgi sokiñala sosib naŋgo segi areqalo dauryosib iga tingitgoqneb. Ariya Qotei a na iga tulaŋ aqaryaigwajqa deqa marsiq iga tingitgeqnu. Yim iga aqa segi kumbra boleq di sqajqa deqa.

Hibru 5:14

Ariya tamo naŋgi kokbaonub qaji naŋgi iŋgi siŋgila uyeqnub. Naŋgi bati gargekoba Qotei aqa anjam dauryoqneb deqa naŋgi kumbra bole ti kumbra uge ti geregere peginjreqnub.

1 Pita 1:6

Qotei na niŋgi oqas aqa kumbra deqa niŋgi are qaloqnsib tulaŋ areboleboleiŋgeqnu. Ariya bini gulube utru segi segi na niŋgi jaqatiŋ eŋgeqnu. Di uŋgum. Sokiñala gulube di olo koboqas.

2 Pita 2:14

Naŋgi gaigai uŋa qa mamaulnjreqnu deqa naŋgi sambala kumbra yqajqa are qaleqnub. Naŋgi une yoqnqajqa tulaŋ arearetnjreqnaqa olo uratosaieqnub. Naŋgi na tamo qudei areqalo aiye aiyelteqnub qaji naŋgi walawalainjreqnabqa naŋgi daurnjroqnsib une yeqnub. Tamo naŋgi di tamo qudei naŋgo iŋgi iŋgi qa mamaulnjreqnu. Kumbra di naŋgi qalie bole. Deqa Qotei na naŋgi torei padaltnjrqas.