Hibru 12:1 - Yesus Aqa Anjam Bole

¹ Tamo nami soqneb qaji naŋgi di Qotei qa naŋgo areqalo siŋgilatoqneb. Naŋgi laŋbi bul iga agutgesonab iga naŋgo kumbra di uneqnum. Qotei na iga giltgej deqa iga siŋgila na gurguroqnqom. Gurguroqnimqa iŋgi iŋgi qudei na iga Qotei aqa kumbra dauryqa gam getentetgwa laqnimqa iga iŋgi iŋgi di olo gotraŋyoqnqom. Une kalil gagoq di beterqajqa laqnu qaji di dego iga gotraŋyoqnsim Qotei aqa kumbra dauryqajqa siŋgilaoqnqom.

Hibru 12:1 ပူးပေါင်းရင်းမြစ်များ

Matyu 10:22

Niŋgi ijo ñam ejunub deqa tamo uŋgasari kalil naŋgi niŋgi qa are tulaŋ ugeinjroqnqas. Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei na naŋgi oqas.

Matyu 24:13

Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei a naŋgi oqas.

Mak 10:50

Degsi minjnab qusiqa aqa gara taqal atsiqa urur tigelosiqa Yesus aqa areq bej.

Luk 12:15

Degsi minjsiqa tamo uŋgasari kalil naŋgi endegsi minjrej, “Niŋgi ñoro koba ti sqajqa deqa are koba qaloqnaib. Niŋgi ñoro koba ti sqab dena niŋgi ŋambile bole oqa keresai. Niŋgi ijo anjam deqa geregere are qaliye.”

Luk 21:34

Osiqa Yesus a olo anjam endegsi minjrej, “Niŋgi geregere ŋam atsib soqniye. Niŋgi ya uge uyoqnsib nanarioqnqajqa are prugŋgoqnaiq. Nuŋgo segi jejamu qa iŋgi iŋgi qa areqalo kobaiyoqnaib. Niŋgi kumbra uge kalil deqaji yoqnibqa e urur mandamq aisiy niŋgi pruqtŋgo uge.

Jon 3:32

Kumbra a uneqnu qaji a deqa saeqnu. Anjam a queqnu qaji di a babteqnu. Ariya tamo bei na aqa anjam di ojosaieqnu.

Jon 4:39

Bati deqa uŋa na Samaria tamo uŋgasari gargekoba qure dia soqneb qaji naŋgi Yesus qa sainjrnaq qusibqa Yesus qa naŋgo areqalo siŋgilateb. Di kiyaqa? Uŋa na endegsi minjrej, “Tamo dena e kumbra nami yoqnem qaji di ubtekritqo.”

Jon 4:44

A segi nami endegsi marej, “Qotei aqa medabu o qaji tamo bei aqa segi qure utruq gilsim anjam minjroqnqas di naŋgi aqa anjam quetqa asginjrqas. Deqa a ñam saiqoji sqas.”

Rom 12:12

Mondoŋ Tamo Koba Qotei na niŋgi laŋ qureq osi oqwas. Niŋgi deq oqwajqa tariŋoqnsib areboleboleiŋgoqneme. Osib gulube niŋgi qa boqnimqa siŋgila na tigeloqnsib qoboiyoqniye. Osib gaigai Qotei pailyoqniye.

Rom 2:7

Tamo uŋgasari qudei naŋgo kumbra tulaŋ boledamu. Naŋgi siŋgila na kumbra bole bole dauryoqnsib laŋ qure qa gam itqajqa waukobaeqnub. Naŋgi laŋ qureq dia ñam koba oqajqa ti ŋambile gaigai sqajqa ti waukobaeqnub. Deqa Qotei na tamo uŋgasari naŋgi di ŋambile enjrim naŋgi so bole gaigai sqab.

2 Korin 7:1

O ijo was bole, iŋgi bole kalil di Qotei a nami iga egwa marej. Agi a na bini iga egeqnu. Deqa iga kumbra jigat kalil gago jejamu ti gago are miligi ti di unub qaji di torei uratekritqom. Osim dena iga Qotei aqa ŋamgalaq di une saiqoji sosim a qa ulaoqnsim gago jejamu ti gago are miligi ti torei Qotei yekritosim aqa segi kumbra boleq di sosim dauryoqnqom.

Galesia 2:2

Qotei a segi na merbej deqa e Jerusalem aiem. Ariya e Jerusalem di sosimqa e Kristen naŋgo gate naŋgi segi koba na anjam maroqnem. E sawa bei beiq dia laqnsimqa Kristus aqa anjam bole palontoqnem ijo wau di ubtsim minjrem. E tamo laŋa laŋaj naŋgi minjrosai. Di kiyaqa? Wau e nami yoqnsim agi bini yeqnum qaji di laŋa uloŋo uge.

Galesia 5:7

Nami niŋgi Kristus aqa gam geregere dauryosib walweloqneb. Ariya tamo yai na gam getentetŋgonaqa niŋgi olo anjam bole dauryqa urateqnub?

Efesus 4:25

Deqa niŋgi gisaŋ kumbra kalil uratekritosib anjam bole segi Kristen tamo uŋgasari naŋgi minjroqniye. Niŋgi kalil Kristus aqa jejamu qujai deqa niŋgi kumbra degyoqniye.

Filipai 1:30

Nami e aqa anjam qa qoteqnam niŋgi e nuboqneb. Agi bini e qoteqnam niŋgi deqa queqnub. Ariya bini niŋgi jaqatiŋ oqnsib unub. Di kiyaqa? Niŋgi e ti beterosib qoteqnum deqa.

2 Timoti 2:4

Qoto tamo naŋgo kumbra di ni qalie. Naŋgi qotqajqa wau ojsibqa olo wau bei qa are qalosaieqnub. Naŋgi qotqajqa wau segi ojeqnub. Deqa naŋgo gate a naŋgi unjroqnsiq naŋgi qa tulaŋ areboleboleiyeqnu.

2 Timoti 4:7

Tamo naŋgi gurguroqnsib bubuŋeqnub dego kere e nami siŋgila na ururosim Kristus dauryoqnem agi e degsi unum. Ariya bini e ijo wau kobotonum. E Qotei qa ijo areqalo siŋgilatoqnem di e uratosai-oqnem. Agi bini e siŋgila na ojejunum.

Hibru 6:15

Onaqa Abraham a Qotei aqa anjam di qusiqa aqa areqaloq di siŋgilatosiq tariŋosiq soqnej. A tariŋqa asgiyosai. A tariŋesosiq sosiq bunuqna iŋgi bole Qotei na a yqa minjej qaji di a na ej.

Jems 1:3

Gulube deqaji niŋgi qa boqnimqa niŋgi Yesus qa nuŋgo areqalo bole siŋgilatqab kio sai kio di Qotei a unqas. Niŋgi qalie, gulube dena niŋgi siŋgila eŋgoqnimqa niŋgi siŋgila na tigeloqnsib gulube qoboiyoqnqab.

1 Pita 2:1

Niŋgi ŋambile bunuj eb deqa niŋgi kumbra uge kalil uratiye. Gisaŋ anjam ti maqu kumbra ti are uge ti yomu anjam ti kalil di niŋgi torei uratekritiye.

1 Pita 4:2

Deqa a mandamq endia jejamu korbi sosimqa a aqa areqalo namij olo dauryqasai. A Qotei aqa areqalo segi dauryoqnqas.

1 Pita 5:1

O Kristen gate, e niŋgi anjam endegsi merŋgwai. E dego Kristen gate deqa Kristus a ijo ŋamgalaq dia jaqatiŋ osiq moinaq e unem. Mondoŋ Kristus a olo siŋgila ti ñam koba ti brantimqa bati deqa Qotei na laŋ qure qa iŋgi bole bole e ti niŋgi ti egwas. Deqa Kristen gate, niŋgi wau endegyoqniye.

1 Pita 5:12

Anjam truquyala endi Sailas na e aqaryaibosiqa neŋgreŋyosiq niŋgi qa qariŋyqo. E qalieonum, Sailas a gago Kristen was bole. O was qu, Qotei a niŋgi qa are tulaŋ boleiyeqnu. E segi qalieo-num, Qotei a bati gaigai aqa kumbra di niŋgi osorŋgeqnu. E aqa kumbra deqa osim anjam endi neŋgreŋyonum. Deqa ijo anjam endena e na nuŋgo are tigeltetŋgitqa niŋgi siŋgila na tigelesoqniye.

2 Pita 1:6

Osib dena niŋgi nuŋgo jejamu aqa kumbra geregere taqatesoqniye. Osib dena niŋgi gulube qoboiyoqnsib siŋgila na tigelesoqniye. Osib dena niŋgi Qotei aqa segi kumbra boleq di sosib walweloqniye.

Uli Anjam 1:9

E nuŋgo was Jon. E ti niŋgi ti Yesus aqa tamo unum deqa iga kalil gulube koba qoboiyoqnsim jaqatiŋ eleŋeqnum. Qotei a gago Mandor Koba sosiq iga taqatgeqnu. Deqa iga kalil koba na siŋgila na tigeloqnsimqa gulube qoboiyejunum. E Qotei aqa anjam ti Yesus aqa anjam ti palontsim laqnem deqa jeu tamo naŋgi na e taqal waibosib nui ñam Patmos endia e ateb unum.

Uli Anjam 13:10

Qotei a tamo bei tonto talq di waiyqa marimqa tamo di osib tonto talq di waiyebe. Tamo bei na tamo bei sebru na qalqas di a kamba sebru na qalib moiqas. Kumbra di brantimqa Qotei aqa segi tamo uŋgasari naŋgi unsibqa siŋgila na tigelosib naŋgo areqalo Yesus qa siŋgilatosib soqnebe.

Uli Anjam 22:16

E Yesus. E na ijo laŋ aŋgro qariŋyo-numqa niŋgi e qa loueqnub qaji niŋgi qa aisiq anjam endi palontosiq merŋgwo. E Mandor Koba Devit aqa leŋq dena ŋambabem qaji. E Devit aqa Aŋgro. Nebeqa laqnaqa burbas bunuj oqeqnu dego kere e minjaleqnum.”

Uli Anjam 3:10

Ni ijo anjam geregere dauryoqnsimqa gulube kalil qoboiyoqnsim siŋgila na tigelejunum deqa e ni taqatmesoqnitqa Satan a bosim tamo uŋgasari kalil sawa sawa kalilq di unub qaji naŋgi gulube enjrqa batiamqa gulube di ni qa bqasai.