Hibru 11:5 - Yesus Aqa Anjam Bole

⁵ Enok a dego Qotei qa aqa areqalo siŋgilatej. Deqa a moiosai. A ŋambile sonaqa Qotei na a osiq laŋ qureq oqej. Oqnaqa tamo uŋgasari naŋgi a qa ŋamosib a olo unosai. Agi Qotei aqa anjam bei nami endegsib neŋgreŋyeb unu, “Qotei na Enok laŋ qureq osi oqosaisosiqa a Enok aqa kumbra qa tulaŋ arearetoqnej.”

Hibru 11:5 ပူးပေါင်းရင်းမြစ်များ

Luk 2:26

Qotei aqa Mondor na nami Simion minjej, “Ni mati moiqasai. Ni moiosaisoqnimqa Tamo Koba Qotei a na aqa Kristus qariŋyim bamqa ni unsim moiqam.”

Luk 3:37

Lamek a Metusela aqa ŋiri. Metusela a Enok aqa ŋiri. Enok a Jaret aqa ŋiri. Jaret a Mahalalel aqa ŋiri. Mahalalel a Kenan aqa ŋiri.

1 Tesalonaika 2:4

Qotei a segi gago are miligi peleiyoqnsiq une bei unosai deqa a na iga wau egsiqa mergej. “Niŋgi ijo anjam bole mare mare laqniye.” Deqa iga endegsi are qalosaioqnem, “Iga Qotei aqa anjam maroqnimqa tamo naŋgi na iga nugoqnsib gago ñam soqtetgoqnqab.” Iga degsi are qalosaioqnem. Gago areqalo agiende. Qotei a segi na gago are miligi peleiyoqnsim gago wau qa areboleboleiyoqnqajqa deqa are qalem.

Hibru 11:6

Ariya was qu, tamo naŋgi Qotei qa naŋgo areqalo siŋgilatqasai di naŋgi Qotei aqa areqalo dauryqa keresai. Di kiyaqa? Tamo naŋgi Qotei aqa areq gilqa osibqa naŋgi mati a qa naŋgo areqalo siŋgilatosib marqab, “Qotei a unu. Deqa iga a qa ŋamosim gilsim itqom di a na awai boledamu iga egwas.” Tamo naŋgi degsib marqab di naŋgi Qotei aqa areqalo dauryqab.

Hibru 2:9

Ariya bini iga Yesus uneqnum. A ñam kobaquja ejunu. Nami a laŋ aŋgro naŋgo sorgomq di sokiñala soqnej. Bati deqa a na tamo uŋgasari kalil naŋgo sawa osiq moinaqa Qotei a naŋgi qa are boleiyosiq aqaryainjrej. Yesus a jaqatiŋ koba osiq moiej deqa Qotei na aqa ñam olo soqtetosiqa ñam kobaquja yej.

1 Jon 3:22

Osim iga iŋgi bei qa Qotei pailyimqa a gago pail qusim iŋgi di egwas. Di kiyaqa? Iga aqa dal anjam dauryoqnsim kumbra a tulaŋ areareteqnu qaji di yeqnum deqa.

Jut 1:14

Nami Enok a soqnej. A Adam aqa silei 7q dena ŋambabej. A Qotei aqa medabu osiqa tamo uge deqaji naŋgi qa endegsi marej, “Niŋgi uniye. Mondoŋ Tamo Koba Qotei a na aqa segi laŋ aŋgro tulaŋ gargekoba naŋgi joqsim bqas.