Hibru 11:4 - Yesus Aqa Anjam Bole

⁴ Abel a nami Qotei qa aqa areqalo siŋgilatej deqa a iŋgi iŋgi osiq Qotei atraiyej. Onaqa Qotei a Abel aqa iŋgi deqa tulaŋ arearetej. Abel aqa aube Kein a dego iŋgi iŋgi osiq Qotei atraiyej. Ariya Qotei a Kein aqa atraiyo iŋgi qa arearetosai. Abel a Qotei qa aqa areqalo siŋgilatej utru deqa Qotei a Abel aqa atraiyo iŋgi iŋgi qa arearetej. Kumbra dena iga osorgwo, Qotei na Abel a tamo bole une saiqoji qa minjej. Abel a nami moiej ariya a Qotei qa aqa areqalo siŋgilatej deqa bini a Qotei aqa anjam palontosiq iga mergobuleqnu.

Hibru 11:4 ပူးပေါင်းရင်းမြစ်များ

Matyu 23:35

Niŋgi na naŋgi kumbra degnjroqnqab. Deqa tamo kalil nami Qotei aqa tamo bole bole naŋgi ñumoqneb qaji naŋgo une di Qotei na osim nuŋgo jejamuq di ateleŋqas. Naŋgo une di agi naŋgi nami utru atsib Kein na Abel qalnaq moiej. Dena bosi bosib Berekia aqa ŋiri Sekaraia atra bijal ti atra tal ti ambleq di qalnab moiej. Une kalil di Qotei na osim nuŋgo jejamuq di ateleŋqas.

Taitus 1:16

Naŋgi segi mareqnub, “Iga Qotei qa qalie bole.” Di gisaŋ. Naŋgi kumbra uge uge yeqnub dena iga poigeqnu, naŋgi Qotei qoreiyeqnub. Deqa Qotei a na naŋgi uratnjreqnu. Naŋgi Qotei aqa anjam gotraŋyeqnub qaji tamo. Naŋgi kumbra bole bei dauryqa keresai.

Hibru 11:2

Agi tamo uŋgasari nami soqneb qaji naŋgi Qotei qa naŋgo areqalo siŋgilatoqneb deqa Qotei a naŋgi qa tulaŋ areboleboleiyeqnaqa maroqnej, “Naŋgi tamo bole.”

Hibru 12:1

Tamo nami soqneb qaji naŋgi di Qotei qa naŋgo areqalo siŋgilatoqneb. Naŋgi laŋbi bul iga agutgesonab iga naŋgo kumbra di uneqnum. Qotei na iga giltgej deqa iga siŋgila na gurguroqnqom. Gurguroqnimqa iŋgi iŋgi qudei na iga Qotei aqa kumbra dauryqa gam getentetgwa laqnimqa iga iŋgi iŋgi di olo gotraŋyoqnqom. Une kalil gagoq di beterqajqa laqnu qaji di dego iga gotraŋyoqnsim Qotei aqa kumbra dauryqajqa siŋgilaoqnqom.

Hibru 12:24

Ariya niŋgi Yesus qa dego beleŋeb. Yesus agi Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Yesus aqa leŋ agi bileŋej qaji a qa dego niŋgi beleŋeb. Deqa bini leŋ dena niŋgi Qotei aqa anjam merŋgobuleqnu. Yesus aqa leŋ di tulaŋ bolequja. Deqa leŋ dena Abel aqa leŋ tulaŋ buŋyejunu. Anjam Abel aqa leŋ na iga mergobuleqnu qaji Qotei aqa anjam de ti keresai.

Hibru 5:1

Atra tamo kokba naŋgo utru agiende. Qotei a Israel naŋgoq dena mandam tamo naŋgi giltnjroqnsiqa naŋgi atra tamo kokba ateqnu. Atra tamo kokba naŋgo wau agiende. Naŋgi na tamo uŋgasari naŋgo une qa maroqnsib atraiyqajqa iŋgi iŋgi oqnsib Qotei atraiyeqnub.

Hibru 9:22

Deqa iga qalieqom, leŋ na segi iŋgi iŋgi kalil yansqas. Leŋ aiqasai di Qotei na tamo uŋgasari naŋgo une kobotqasai. Dal anjam a degsi marqo.

2 Pita 2:8

Od, Lot a tamo tiŋtiŋo. Ariya a Sodom qureq di sosiqa a tamo uŋgasari naŋgo kumbra uge uge unoqnsiq naŋgo anjam uge uge bati gaigai quoqnej. Aqa are miligi tulaŋ boledamu deqa tamo uŋgasari naŋgi Qotei aqa dal anjam gotraŋyeqnabqa di unoqnsiq a prugugetoqnsiqa aqa are tulaŋ jaqatiŋkobaiyoqnej.

Jut 1:11

Tamo naŋgi di tulaŋ padalougetqab. Kein a nami kumbra uge yoqnej dego kere tamo naŋgi di Kein dauryosib kumbra uge yeqnub. Naŋgi silali koba oqajqa deqa maroqnsib gam grotosib Balam aqa kumbra uge dauryosib laqnub. Kora agi nami Qotei aqa anjam gotraŋyoqnej qaji aqa kumbra uge di dego naŋgi dauryeqnub. Deqa naŋgi padalougetqab.