Hibru 11:35 - Yesus Aqa Anjam Bole

³⁵ Uŋgasari qudei naŋgo aŋgro naŋgi moreŋeqnab Qotei na naŋgi olo subq na tigeltnjroqnej. Jeu tamo naŋgi na tamo qudei naŋgi tonto talq di breinjroqnsib jaqatiŋ koba enjroqneb. Osib minjroqneb, “Niŋgi Qotei qoreiyib iga niŋgi uratŋgim niŋgi tonto talq dena oqedqab.” Onaqa naŋgi saidosib minjroqneb, “Sai. Mondoŋ iga olo subq na tigelosim ŋambile gaigai sqom. Deqa uŋgum, bini iga jaqatiŋ oqnsim unum di kere.”

Hibru 11:35 ပူးပေါင်းရင်းမြစ်များ

Matyu 22:30

Mondoŋ tamo naŋgi subq na tigelosibqa naŋgi uŋatqasai. Naŋgi tamotqasai. Naŋgi laŋ aŋgro bul laŋa sqab.

Mak 12:25

Mondoŋ tamo naŋgi subq na tigelosibqa naŋgi uŋatqasai. Naŋgi tamotqasai. Naŋgi laŋ aŋgro bul laŋa sqab.

Luk 14:14

Amqa ni tulaŋ areboleboleimqas. Di kiyaqa? Naŋgi na kamba ni iŋgi anaimqa keresai. Deqa mondoŋ tamo uŋgasari kumbra bole bole yeqnub qaji naŋgi subq na tigelo batiamqa Qotei na kamba awai tulaŋ boledamu ni emqas.”

Luk 20:36

Naŋgi laŋ aŋgro bul laŋa sqab. Deqa Qotei na naŋgi subq na tigeltnjrimqa naŋgi aqa segi aŋgro bole sqab. Deqa naŋgi olo moreŋqa keresai.

Jon 5:29

Qusib olo sub uratosib tigelqab. Tamo uŋgasari kumbra bole bole yoqneb qaji naŋgi tigelosibqa ŋambile sqab. Tamo uŋgasari kumbra uge uge yoqneb qaji naŋgi tigelabqa e na naŋgo kumbra uge deqa naŋgi peginjrsiy naŋgi padaltnjrqai.”

Aposel 22:29

Onaqa qaja tamo naŋgi Pol aqa anjam di qusib a kumbaiŋyqa urateb. Pol a marej, “E Rom qaji tamo.” A degsi marej deqa qaja tamo naŋgo gate koba a ulaej. Di kiyaqa? A na aqa qaja tamo naŋgi minjrnaqa Pol sil na tonteb deqa.

Aposel 23:6

Ariya Juda tamo kokba awoeleŋesoqneb qaji naŋgo ambleq dia Sadyusi tamo ti Farisi tamo ti soqneb. Onaqa Pol a degsi qalieosiqa leleŋosiq minjrej, “O ijo was niŋgi quiye. E Farisi tamo. Ijo abu a dego Farisi tamo. Deqa e endegsi are qalonum. Tamo kalil moreŋo qaji naŋgi mondoŋ olo subq na tigelqab. Anjam deqa e ijo areqalo tulaŋ siŋgilatejunum. Anjam deqa qujai naŋgi na e ojsib agi nuŋgo ŋamdamuq di tigeltbonub.”

Aposel 24:15

Mondoŋ Qotei na tamo bole ti tamo uge ti naŋgi olo subq na tigeltnjrqas. Qotei qujai deqa e ijo areqalo siŋgilatoqnsim subq na tigelo bati qa tariŋoqnsim unum. Juda tamo kokba naŋgi dego Qotei qa naŋgo areqalo siŋgilatoqnsib subq na tigelo bati qa tariŋoqnsib unub.

Aposel 4:19

Onaqa Pita wo Jon wo naŋgi na kamba minjreb, “Aqo aiyel Qotei aqa anjam dauryqa uratosim nuŋgo anjam dauryqom di Qotei aqa ŋamgalaq di kumbra bole kio uge kio di niŋgi segi mariye.

Aposel 9:41

Onaqa Pita na aqa baŋ ojsiq tigeltej. Tigeltosiqa Qotei aqa segi tamo uŋgasari naŋgi ti uŋa qobul naŋgi ti metnjrnaqa naŋgi warum miligiq bosib Tabita uneb a ŋambile soqnej.

1 Korin 15:54

Bole, gago jejamu ugeqas qaji endi iga uratosim olo jejamu bei ugeqasai qaji di oqom. Gago jejamu moiqas qaji endi iga uratosim olo jejamu bei moiqasai qaji di oqom. Yim bati deqa Qotei aqa anjam bei nami neŋgreŋyeb qaji di aqa damu brantqas. Qotei aqa anjam agiende, “Qotei a tulaŋ siŋgilaosiq deqa a qoto buŋyosiq moio kobotej.

Filipai 3:11

Yim deqa mondoŋ e olo subq na tigelqai.