Hibru 11:32 - Yesus Aqa Anjam Bole

³² O was qu, Gideon na Barak na Samson na Jepta na Devit na Samuel na Qotei aqa medabu o qaji tamo kalil naŋgi dego Qotei qa naŋgo areqalo siŋgilatoqneb. Ariya e naŋgi qa olo niŋgi saiŋgwajqa bati keresaiibqo.

Hibru 11:32 ပူးပေါင်းရင်းမြစ်များ

Matyu 5:12

Od, nuŋgo are tulaŋ boleboleiŋgim soqniye. Di kiyaqa? Nuŋgo awai bole laŋ goge di unu deqa. Nami jeu tamo naŋgi na Qotei aqa medabu o qaji tamo naŋgi dego degsib ugeugeinjroqneb.”

Luk 13:28

A na niŋgi degsim merŋgsim niŋgi qalaq di breiŋgwas. Yimqa Abraham na Aisak na Jekop na Qotei aqa medabu o qaji tamo kalil naŋgi ti Qotei na taqatnjrsim naŋgo Mandor Koba soqnimqa niŋgi naŋgi unjrsibqa akamkobayoqnsib pailoqnsib nuŋgo jaqatiŋ qa qalagei anjam atoqnqas.

Luk 16:31

“Onaqa Abraham na minjej, ‘Tamo naŋgi Moses aqa dal anjam ti Qotei aqa medabu o qaji tamo naŋgo anjam ti qusib are bulyqasai di tamo bei a subq na tigelosim naŋgi anjam minjrqas di dego naŋgi qusib are bulyqasai.’”

Jon 21:25

Yesus a mandamq endia sosiqa a kumbra tulaŋ gargekoba yoqnej. Deqa e are qalonum, Yesus aqa kumbra kalil deqa saosim neŋgreŋyqom di buk tulaŋ tumbol kobaosim sawa sawa kalilq dia maqosim sawa atqa keresaiqas.

Aposel 10:43

O was qu, Qotei aqa medabu o qaji tamo kalil naŋgi nami Yesus qa endegsib maroqneb, ‘Qotei na tamo kalil Kristus qa naŋgo areqalo siŋgilateqnub qaji aqa ñam na naŋgo une kobotetnjrqas.’”

Aposel 13:20

Di koboonaqa Qotei na Israel tamo qudei naŋgi gate atsiqa siŋgila enjreqnaqa siŋgila dena naŋgi na Israel tamo uŋgasari naŋgi taqatnjroqneb. Jeu tamo naŋgi bosib Israel naŋgi ugeugeinjreqnab siŋgila dena naŋgi na olo jeu tamo naŋgi di gotraŋnjroqneb. Degsib ysib ysib Qotei aqa medabu o qaji tamo Samuel aqa bati brantej.

Aposel 3:24

Qotei aqa medabu o qaji tamo kalil naŋgi dego nami Yesus qa anjam degsib maroqneb. Samuel a nami Yesus bqajqa bati qalieosiqa deqa Yesus qa maroqnej. Samuel a moinaqa Qotei aqa medabu o tamo kalil bunuqna ŋambabeleŋeb qaji naŋgi dego Yesus bqajqa bati qalieosib deqa maroqneb.

Rom 3:5

Deqa was qu, niŋgi na kamba olo e endegsib merbqab kio, “Iga kumbra uge yoqnqom dena Qotei aqa kumbra tiŋtiŋ olo brantoqnqas di iga kiersi marqom? Qotei a gago une qa minjiŋ oqim awai uge egwas di a kumbra uge yqo. Degsi marqom e?” O was qu, iga degsi marqasai. Qotei a gaigai kumbra tiŋtiŋ segi yeqnu. A kumbra tiŋtiŋ yqasai di a kiersim tamo uŋgasari naŋgo kumbra qa peginjrqas? Nuŋgo areqalo di mandam tamo naŋgo areqalo.

Rom 4:1

Abraham a iga bul mandam tamo. A gago moma utru. Deqa iga a qa kiersi marqom?

Rom 6:1

Ariya bini iga kiersi marqom? Iga endegsi marqom kio, “Uŋgum, iga une gargekoba yoqnqom. Yim dena Qotei a iga qa are tulaŋ boleiyoqnqas.” Iga degsi marqom kio?

Rom 7:7

E maronum, nami dal anjam a na gago miligiq dia areqalo uge uge tigelteqnaqa iga une yoqnem. Deqa iga kiersi marqom? Dal anjam a une tamo bulej e? Sai. Dal anjam a une tamo bulosai. Dal anjam a na ijo une e osorbeqnu. Osorbosai qamu e une poibosai qamu. Agi dal anjam a marej, “Ni ino was aqa iŋgi iŋgi qa mamaulmaiq.” Degsi marosai qamu mamaul kumbra di kumbra uge e degsi poibosai qamu.

Jems 5:10

O was qu, niŋgi Qotei aqa medabu o qaji tamo naŋgi qa are qaliye. Naŋgi Tamo Koba Qotei aqa ñam na anjam palontoqneb deqa jeu tamo naŋgi na naŋgi kumbra uge enjroqneb. Ariya naŋgi Qotei aqa anjam marqa ulaosaioqneb. Naŋgi naŋgo are miligi siŋgilatoqnsib gulube di qoboiyoqneb.

2 Pita 1:21

Di kiyaqa? Naŋgo anjam maroqneb qaji di mandam tamo naŋgo areqalo na marosaioqneb. Mondor Bole a na naŋgo areqalo tigeltetnjreqnaqa naŋgi Qotei aqa medabu oqnsib anjam maroqneb.