Hibru 11:28 - Yesus Aqa Anjam Bole

²⁸ Qotei a nami Israel naŋgi Isip sawaq dia padalqa laqnabqa eleŋosiq aqaryainjrej. Bati deqa Moses a Qotei qa aqa areqalo siŋgilatosiq deqa a na Israel tamo uŋgasari naŋgi minjrnaqa naŋgi kaja du du osib ñumoqnsib naŋgo damu uyoqnsib naŋgo leŋ aieqnaqa di oqnsib Qotei na aqa laŋ aŋgro bei qariŋyim bosim Israel naŋgo aŋgro matu naŋgi ñumaim deqa leŋ di naŋgo siraŋmeq di liyoqneb.

Hibru 11:28 ပူးပေါင်းရင်းမြစ်များ

1 Korin 10:10

Iga Qotei laŋa ŋiriŋtqasai dego. Agi gago moma qudei naŋgi Qotei laŋa ŋiriŋtoqneb. Deqa Qotei a na padalto qaji laŋ aŋgro bei qariŋyonaq aisiq naŋgi padaltnjrej.

Hibru 12:24

Ariya niŋgi Yesus qa dego beleŋeb. Yesus agi Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Yesus aqa leŋ agi bileŋej qaji a qa dego niŋgi beleŋeb. Deqa bini leŋ dena niŋgi Qotei aqa anjam merŋgobuleqnu. Yesus aqa leŋ di tulaŋ bolequja. Deqa leŋ dena Abel aqa leŋ tulaŋ buŋyejunu. Anjam Abel aqa leŋ na iga mergobuleqnu qaji Qotei aqa anjam de ti keresai.

Hibru 9:19

Agi nami Moses a dal anjam kalil osiqa tamo uŋgasari naŋgi palontosiq minjroqnej. Osiqa bunuqna a na bulmakau ti kaja du du ti naŋgo leŋ osiqa ya ti sil lent ti ŋamtaŋ aqa dani aqa ñam hisop de ti turtsiq tamo uŋgasari naŋgo gateq di bilentej. Osiqa Qotei aqa gara neŋgreŋ aqa qoreq di dego bilentej. Sil lent di agi kaja du du naŋgo juŋgum na gereiyo qaji.

1 Pita 1:2

Tulaŋ nami Qotei Abu a niŋgi qa qalieosiq deqa niŋgi aqa segi tamo uŋgasari sqa marsiqa niŋgi giltŋgej. Qotei aqa Mondor Bole a na niŋgi Qotei aqa segi kumbra boleq di atimqa niŋgi nuŋgo jejamu Qotei yekritosib Yesus Kristus aqa anjam geregere dauryosib sqajqa deqa osiqa niŋgi aqaryaiŋgej. Yim Yesus aqa leŋ na niŋgi yansŋgimqa niŋgi Qotei aqa ŋamgalaq di une saiqoji sqajqa deqa. Qotei a niŋgi qa are tulaŋ boleiyimqa niŋgi geregere lawo na soqniye.