Hibru 11:16 - Yesus Aqa Anjam Bole

¹⁶ Ariya naŋgi naŋgo segi mandam utruq olo aiqajqa uratosib sawa tulaŋ boledamu agi laŋ qureq di unu qaji deq oqwajqa are qaleqnub. Tamo naŋgi dena Qotei endegsib minjeqnub, “Ni gago Qotei.” Yeqnaqa Qotei a naŋgo anjam deqa jemaiyosaieqnu. Naŋgi a qa naŋgo areqalo siŋgilateqnub deqa a naŋgo sqajqa qure agi laŋ goge dia gereiyetnjrej unu.

Hibru 11:16 ပူးပေါင်းရင်းမြစ်များ

Matyu 25:34

Osiyqa tamo bole ijo baŋ woq di unub qaji naŋgi endegsi minjrqai, ‘Ijo Abu a niŋgi qa tulaŋ areboleboleiyqo. Nami a mandam atej bati deqa a nuŋgo Mandor Koba sosim niŋgi taqatŋgwajqa marej. Deqa niŋgi ijoq boiye. Babqa ijo Abu a nuŋgo Mandor Koba sosim niŋgi taqatŋgwas.

Mak 12:26

“Ariya tamo naŋgi moisib olo subq na tigelqab deqa e niŋgi endegsi nenemŋgwai. Moses a nami Qotei aqa anjam bei neŋgreŋyej di niŋgi sisiyosai kio? Agi Moses a anjam endegsi neŋgreŋyej, ‘Ŋam mariŋ miligiq dia puloŋeqnaqa Qotei a ŋam puloŋq di sosiqa Moses metosiq minjej, “E Abraham aqa Qotei. E Aisak aqa Qotei. E Jekop aqa Qotei.” ’

Mak 8:38

Tamo uŋgasari bini bati endeqa unub qaji naŋgi Qotei torei qoreiyoqnsib une atsib laqnub. Deqa tamo bei a ijo ñam qa ti ijo anjam qa ti jemaiyqas di mondoŋ e Tamo Aŋgro e ijo Abu aqa riaŋ na ti ijo Abu aqa laŋ aŋgro naŋgo riaŋ na ti bosiyqa e kamba tamo di aqa ñam metqajqa jemaibqas.”

Luk 12:32

Osiqa Yesus a olo anjam endegsi minjrej, “O ijo kaja du du niŋgi ulaaib. Nuŋgo Abu a nami niŋgi qa osiqa endegsi merŋgej, ‘E nuŋgo Mandor Koba sosiy niŋgi taqatŋgwai.’ Qotei a nami degsi merŋgej.

Luk 20:37

Ariya tamo naŋgi olo subq na tigelqab deqa e niŋgi endegsi merŋgwai. Moses a nami Qotei aqa anjam bei endegsi neŋgreŋyej unu, ‘Ŋam mariŋ miligiq dia puloŋeqnaqa Qotei a ŋam puloŋq di sosiqa Moses metosiq minjej, “E Abraham aqa Qotei. E Aisak aqa Qotei. E Jekop aqa Qotei.” ’

Jon 14:2

Laŋ qureq dia ijo Abu aqa talq di warum gargekoba unub. E oqsiy nuŋgo segi segi warum gereiyetŋgwai. Degsi sosai qamu e anjam endi niŋgi merŋgosai qamu.

Filipai 3:20

Ariya iga laŋ goge qaji tamo unum deqa mondoŋ Tamo Koba Yesus Kristus a laŋ qureq dena mandamq aisim iga oqas. Deqa bini iga a qa tariŋoqnsim unum.

2 Timoti 4:18

Deqa e qalieonum. Jeu tamo naŋgi boqnsib kumbra uge uge ebqa maroqnib Qotei na e aqaryaiboqnsim naŋgo baŋq dena e oqnsim taqal waiboqnqas. Osim bunuqna a na e laŋ qureq osi oqsim dia e taqatboqnsim ijo Mandor Koba sqas. Deqa iga bati gaigai aqa ñam soqtoqnqom. Bole.

Hibru 10:34

Jeu tamo naŋgi dena nuŋgo ambleq na tamo qudei ojsibqa tonto talq di breiŋgonab sonabqa niŋgi na tonto tamo naŋgi deqa are qaloqnsib naŋgi geregereinjroqneb. Bati di jeu tamo naŋgi dena niŋgi qudei nuŋgo iŋgi iŋgi yaiŋgoqneb. Ariya niŋgi deqa are ugeiŋgosai. Niŋgi areboleboleiŋgej. Di kiyaqa? Niŋgi qalie, iŋgi di laŋa mandam qaji iŋgi. Ariya laŋ qure qaji iŋgi a bati gaigai sqas. Iŋgi di niŋgi oqsib oqab.

Hibru 11:10

Abraham a laŋ qureq oqsim dia sqajqa deqa are qaloqnsiq tariŋoqnej. Laŋ qure di bati gaigai sqas. Laŋ qure agi Qotei a segi na atej unu.

Hibru 11:14

Iga qalieonum, tamo naŋgi anjam degsib mareqnub qaji naŋgi naŋgo segi sqajqa sawaq oqwajqa are qaleqnub.

Hibru 11:40

Di kiyaqa? Qotei na iŋgi tulaŋ boledamu iga kalil egwa marsiqa atej unu. Ariya Qotei na tamo nami soqneb qaji naŋgi torei boletnjrimqa naŋgi namoosib iga buŋgosib iŋgi tulaŋ boledamu di oqa saidnjrej. Osiqa a iga qa tariŋeqnu. Mondoŋ a na iga ti tamo nami soqneb qaji naŋgi ti turtgosim iga kalil torei boletgwajqa deqa marsiqa iga qa tariŋeqnu.

Hibru 12:22

Ariya niŋgi iŋgi iŋgi deq bosai. Niŋgi Saion manaq beleŋeb. Osib Qotei ŋambile unu qaji aqa segi qureq dego beleŋeb. Qure di agi Jerusalem bunuj laŋ goge di unu qaji. Niŋgi laŋ aŋgro tulaŋ gargekoba sisiyqa keresai naŋgi qa dego beleŋeb.

Hibru 13:14

Iga qalie, mandam endia qure unub di kalil koboqab. Deqa iga yauŋ tamo bul qure utru saiqoji laŋa unum. Ariya mondoŋ iga laŋ qureq oqsim dia gaigai sqom. Deqa iga qure deq oqwajqa tariŋeqnum.

Hibru 2:11

Iga qalie, Yesus aqa segi tamo uŋgasari a na giltnjrej qaji naŋgi a ombla Abu qujai. Deqa a na naŋgi minjreqnu, “Niŋgi ijo was tiŋtiŋ.” A naŋgi was qa minjrqajqa jemaiyosaieqnu.

Uli Anjam 21:2

Onaqa e Qotei aqa segi qure koba Jerusalem bunuj di dego unem. Qure di Qotei aqaq di sosiqa laŋ goge dena mandamq aieqnaq unem. Qure di aqa wala tulaŋ boledamu. Duŋgeŋge tamo baŋ ojqa osim walaeqnu dego kere.