Hibru 11:1 - Yesus Aqa Anjam Bole

¹ Iga Qotei qa gago areqalo siŋgilateqnum. Kumbra di aqa utru agiende. Iŋgi iŋgi kalil Qotei a nami iga egwa marej qaji di agi iga egwas. Iga iŋgi iŋgi di oqajqa tariŋesonamqa ariya mondoŋ Qotei na iga egwas. Iga Qotei qa gago areqalo siŋgilateqnum deqa iga bole qalieonum, Qotei na iŋgi iŋgi di egwas. Iga gago ŋamdamu na iŋgi iŋgi di unqa keresai di uŋgum. Iŋgi iŋgi di unu.

Hibru 11:1 ပူးပေါင်းရင်းမြစ်များ

Aposel 20:21

E bati gaigai Juda tamo ti Grik tamo ti naŋgi are bulyosib Qotei aqaq bosib gago Tamo Koba Yesus qa naŋgo areqalo siŋgilatqajqa deqa e siŋgila na anjam minjroqnem.

1 Korin 13:13

Iga Qotei qa gago areqalo siŋgilateqnum kumbra di a gaigai sqas. Qotei na iga oqajqa deqa iga tariŋoqnsim unum kumbra di dego gaigai sqas. Qalaqalaiyo kumbra di dego gaigai sqas. Ariya qalaqalaiyo kumbra di tulaŋ bolequja. Qalaqalaiyo kumbra dena kumbra kalil tulaŋ buŋnjrejunu.

2 Korin 11:17

E Tamo Koba Yesus aqa areqalo dauryosim anjam endi marosai. E nanari tamo bulosim deqa e anjam endi maroqnsim ijo segi ñam soqteqnum.

2 Korin 4:18

Iŋgi iŋgi iga gago ŋamdamu na uneqnum qaji di sokiñalayosim koboqas. Deqa iga iŋgi iŋgi di kokoqyosaieqnum. Ariya iŋgi iŋgi iga gago ŋamdamu na unqa keresai qaji di bati gaigai sqas. Deqa iga iŋgi iŋgi di kokoqyoqnsim sqom.

2 Korin 5:17

Deqa tamo bei a Kristus beteryesqas di Qotei na aqa are bulyetimqa a tamo bunuj brantqas. Niŋgi quiye. Aqa kumbra namij torei koboqo. Kumbra bunuj olo brantqo.

2 Korin 5:7

Bini iga a qa gago areqalo siŋgilatosim walweleqnum. Iga a unosaiunum.

2 Korin 9:4

E qalieonum, niŋgi silali di koroiyosib atib sqas. Ariya e are qalem, Masedonia Kristen tamo qudei naŋgi e ombla na niŋgi qa bosim niŋgi nami silali di atosai di unsim iga ti niŋgi ti jemaigo uge.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Taitus 1:1

E Pol. E Qotei aqa wau tamo. Yesus Kristus na e qariŋbej deqa e aqa anjam marsim laqnum. Tamo uŋgasari Qotei na aqa segi qa giltnjrej qaji naŋgi aqa anjam minjroqnitqa naŋgi Yesus qa naŋgo areqalo siŋgilatqajqa deqa qariŋbej. E na naŋgi aqaryainjritqa naŋgi Qotei aqa anjam qalie boleosib aqa kumbra dauryosib sqajqa deqa ti qariŋbej. Qotei aqa anjam di gisaŋ sai. Di anjam bole.

Hibru 10:22

A na aqa segi leŋ bilentonaqa gago are miligiq aiej. A gago kumbra uge kalil qa are qalsiqa gago une kobotetgej. Deqa iga qalieonum, iga Qotei aqa ŋamgalaq di une saiqoji unum. A gago jejamu ya na yansetgej deqa kumbra gisaŋ kalil gago are miligiq di unu qaji di iga taqal waiyqom. Osim Qotei qa gago areqalo siŋgilatosim aqa areq giloqnqom. Utru deqa Yesus a na aqa segi leŋ bilentonaqa gago are miligiq aiej.

Hibru 10:39

Ariya was qu, iga Qotei qoreiyosim padalqasai. Iga tamo deqaji sai. Iga Qotei qa gago areqalo siŋgilato qaji tamo. Deqa iga ŋambile gaigai sqom.

Hibru 11:13

O was qu, Abel na Enok na Noa na Abraham na Sara na naŋgi kalil Qotei qa naŋgo areqalo siŋgilatesosib gilsib moreŋeb. Naŋgi mandam endia sosibqa iŋgi bole bole Qotei na nami naŋgi enjrqa minjrej qaji di naŋgi eleŋosai. Ariya naŋgi iŋgi di oqajqa tariŋesosibqa tarosib laŋ qure koqyosib isaq na iŋgi di unsib deqa areboleboleinjrej. Deqa naŋgi maroqneb, “Iga mandam endi so boleiyqasai. Iga mandamq endia yauŋ tamo bulosim sokiñala sosim bunuqna iga mandam endi uratqom.” O was qu, naŋgi anjam di marqajqa jemainjrosai.

Hibru 11:27

Ariya a Qotei qa aqa areqalo siŋgilatosiq deqa a tigelosiq Isip sawa uratosiq gilej. Isip naŋgo mandor koba a Moses qa minjiŋ oqetej deqa a ulaosai. Qotei agi mandam tamo naŋgi na unosaieqnub qaji di Moses a na unobulosiq deqa a siŋgila na tigelosiq Isip sawa uratosiq gilej.

Hibru 11:7

Noa a dego Qotei qa aqa areqalo siŋgilatej. Deqa Qotei na minjej, “E bunuqna awa qariŋyit bosim mandam kalil keretqas. Deqa ni qobuŋ qujai gereiyime.” Ariya Noa a Qotei aqa anjam di aqa damu unosaisosiqa a Qotei aqa anjam di dauryosiqa aqa uŋa ti aqa aŋgro ti naŋgi padalaib deqa qobuŋ qujai gereiyej. A Qotei qa aqa areqalo siŋgilatej deqa a na tamo uŋgasari kalil mandamq di soqneb qaji naŋgo kumbra uge ubtsiq minjroqnej. A Qotei qa aqa areqalo siŋgilatosiq qobuŋ gereiyej deqa Qotei na a tamo bole une saiqoji qa minjej. Agi Qotei na tamo kalil a qa naŋgo areqalo siŋgilateqnub qaji naŋgi tamo bole une saiqoji qa minjreqnu.

Hibru 2:3

Ariya bini Qotei na iga oqajqa marsiq wau kobaquja yej. Deqa iga Qotei aqa wau di qoreiyqom di iga awai uge turqom. Awai di iga britosim jaraiqa keresai. Namoqna Tamo Koba Yesus a segi na iga oqajqa anjam di maroqnej. Onaqa tamo naŋgi aqa anjam di quoqneb qaji naŋgi na kamba olo iga endegsib mergoqneb, “Anjam di bole.”

Hibru 3:14

Iga nami siŋgila na Qotei qa gago areqalo siŋgilatem. Ariya gago areqalo di iga olo tulaŋ siŋgila na ojsimqa gilsim gilsim moiqom. Iga degyqom di iga Kristus aqa segi tamo uŋgasari tiŋtiŋ sqom.

Hibru 3:6

Ariya Kristus a Qotei aqa Ŋiri. Deqa Qotei na a wau yonaqa a na Qotei aqa tamo uŋgasari naŋgi taqatnjroqnej. Tamo uŋgasari naŋgi di Qotei aqa tal bul. Kristus a Qotei aqa anjam geregere dauryoqnsiq wau di yoqnej. Deqa iga gaigai Kristus qa gago areqalo siŋgilatoqnsim a olo bqajqa deqa tariŋoqnsim sqom. Iga degyqom di iga dego Qotei aqa tal bul sqom.

Hibru 6:12

Niŋgi asgiŋgaiq. Tamo qudei naŋgi Qotei qa naŋgo areqalo siŋgilatoqnsib asginjrosaieqnu. Naŋgo kumbra di niŋgi dego degsib dauryoqniye. Tamo naŋgi di agi iŋgi bole bole Qotei na nami aqa aŋgro naŋgi enjrqa marej qaji di oqab.

2 Pita 1:1

E Saimon Pita. E Yesus Kristus aqa wau tamo. A na e qariŋbej deqa e aqa anjam marsim laqnum. Kristus a gago Qotei. A na iga padalo sawaq dena eleŋej. Niŋgi ti iga ti gago areqalo qujai. Agi iga kalil Yesus qa gago areqalo siŋgilateqnum. Yesus Kristus a kumbra tiŋtiŋ yeqnu qaji tamo. Aqa kumbra dena niŋgi a qa nuŋgo areqalo siŋgilateqnub. Agi iga a qa gago areqalo siŋgilateqnum dego kere.