Hibru 10:4 - Yesus Aqa Anjam Bole

⁴ Anjam di aqa utru agiende. Bulmakau ti kaja du du ti naŋgo leŋ na tamo uŋgasari naŋgo une kobotqa keresai.

Hibru 10:4 ပူးပေါင်းရင်းမြစ်များ

Mak 12:33

Iga a tulaŋ qalaqalaiyosim gago are miligi ti gago powo ti gago siŋgila ti kalil a yekritqom di kumbra bolequja. Iga gago segi jejamu gereiyeqnum dego kere gago was naŋgi geregereinjroqnqom di dego kumbra bolequja. Dal anjam aiyel di tulaŋ boledamu. Iga Qotei atraiyqom di laŋa kiñala. Iga iŋgi bei ŋamyuo na koitsim Qotei atraiyqom di dego laŋa kiñala. Ariya iga dal anjam aiyel di dauryqom di tulaŋ bolequja.”

Jon 1:29

Nebeonaqa Yesus a walwelosiq Jon aqa areq beqnaqa unsiqa marej, “Niŋgi uniye. Tamo di a Qotei aqa Kaja Du. A na qujai tamo uŋgasari mandamq endi unub qaji naŋgo une kobotetnjrqajqa bej.

Rom 11:27

Yimqa bati deqa e na ijo anjam bunuj siŋgilatosiy naŋgi enjrsiy dena naŋgo une kalil kobotetnjrqai.” Qotei aqa anjam nami degsib neŋgreŋyeb.

Hibru 10:1

Moses aqa dal anjam a na iŋgi bole bole Qotei a mondoŋ iga egwas qaji di iga laŋa suwi osorgeqnu. Damu osorgosaieqnu. Dal anjam a marej, niŋgi wagme naŋgo leŋ oqnsib wausau gaigai atraiyoqniye. Dal anjam a degsi marej deqa iga qalieonum, dal anjam a na tamo uŋgasari Qotei aqa areq gileqnub qaji naŋgo une kobotqa keresai.

Hibru 10:11

Atra tamo kalil naŋgi bati gaigai atra tal miligiq giloqnsibqa naŋgo wau yeqnub. Naŋgi bati gargekoba wagme iŋgi iŋgi deqaji Qotei atraiyeqnub. Ariya iŋgi iŋgi dena tamo uŋgasari naŋgo une kobotetnjrqa keresai.

Hibru 10:8

Dal anjam a marej, niŋgi iŋgi iŋgi deqaji oqnsib Qotei atraiyoqniye. Namoqna Kristus a deqa are qalsiq endegsi marej, “O Abu, ni atraimqajqa wagme iŋgi iŋgi deqa arearetmosaieqnu. Atra tamo naŋgi tamo uŋgasari naŋgo une qa maroqnsib deqa wagme iŋgi iŋgi oqnsib ŋamyuo na koitoqnsib ni atraimeqnub. Ariya ni iŋgi iŋgi deqa arearetmosaieqnu.”

Hibru 9:9

Atra tal di laŋa mandam qaji tal. Tal di laŋ qure qaji atra tal laŋa sigitejunu. Tal dena kumbra bini bati endeqa brantqas qaji di iga laŋa suwi osorgeqnu. Atra tal dia atra tamo naŋgi iŋgi iŋgi oqnsib Qotei atraiyeqnub. Ariya iŋgi iŋgi dena tamo naŋgi Qotei qa loueqnub qaji naŋgo are miligi gereiyetnjrqa keresai. Yim naŋgi qalieqab, “Bole, Qotei na gago une yansetgekritqo.” Degyqa keresai.

1 Jon 3:5

Niŋgi qalie, Kristus a gago une kobotqa bej. A segi une saiqoji.