Hibru 10:38 - Yesus Aqa Anjam Bole

³⁸ Ariya ijo segi tamo uŋgasari tiŋtiŋo naŋgi e qa naŋgo areqalo siŋgilatqab di naŋgi ŋambile sqab. Ariya naŋgi olo bunuqna e qoreibqab di e naŋgi qa areboleboleibqasai.”

Hibru 10:38 ပူးပေါင်းရင်းမြစ်များ

Matyu 12:18

“Endi ijo wau tamo qujai e segi na giltem qaji. E a tulaŋ qalaqalaiyeqnum. E a qa tulaŋ areboleboleibqo. E na ijo Mondor aqaq di atitqa a na tamo uŋgasari kalil mandamq endi unub qaji naŋgi kumbra tiŋtiŋ qa minjroqnqas.

Matyu 13:21

Ariya anjam di naŋgo are miligiq tulaŋ guma aiosai. Deqa naŋgi sokiñalayibqa bunuqna Qotei aqa anjam gotraŋyo qaji tamo qudei naŋgi bosib naŋgi gulube enjrsib ugeugeinjrqab. Yimqa naŋgo areqalo Yesus qa siŋgilateqnub qaji di naŋgi olo ulontqab.

Rom 1:17

Anjam bole dena Qotei na aqa kumbra iga osorgej. Aqa kumbra agiende. A na iga tamo bole une saiqoji qa mergej. Iga Yesus qa gago areqalo siŋgilatem dena a na iga tamo bole une saiqoji qa mergej. Di kiyaqa? Iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Agi Qotei aqa anjam bei nami endegsib neŋgreŋyeb unu, “Qotei na tamo uŋgasari a qa naŋgo areqalo siŋgilateqnub qaji naŋgi tamo bole une saiqoji qa minjrqas. Yim deqa naŋgi ŋambile gaigai sqab.”

Galesia 3:11

Olo Qotei aqa anjam bei dego endegsib neŋgreŋyeb unu, “Tamo naŋgi Qotei qa naŋgo areqalo siŋgilatqab gam dena qujai a na naŋgi tamo bole une saiqoji qa minjrqas. Yim naŋgi ŋambile gaigai sqab.” Anjam dena iga qalieonum, tamo naŋgi dal anjam dauryqab gam dena Qotei na naŋgi tamo bole une saiqoji qa minjrqasai.

1 Tesalonaika 2:15

Nami Juda naŋgi na Tamo Koba Yesus qalsib moioteb. Qotei aqa medabu o qaji tamo naŋgi dego ñumoqnsib moiotnjroqneb. Osib naŋgi na iga dego wigonab iga nuŋgo qure uratosim jaraiem. Tamo naŋgi di kumbra Qotei a areareteqnu qaji di olo gotraŋyoqnsib tamo kalil naŋgi jeutnjreqnub.

Hibru 10:39

Ariya was qu, iga Qotei qoreiyosim padalqasai. Iga tamo deqaji sai. Iga Qotei qa gago areqalo siŋgilato qaji tamo. Deqa iga ŋambile gaigai sqom.

Jems 5:6

Nuŋgo kumbra uge bei agiende. Tamo naŋgi kumbra bole bole yeqnab niŋgi na kamba naŋgi une ti qa minjroqnsib ñumeqnub. Yeqnab naŋgi na kamba olo niŋgi lawo kumbra eŋgeqnub. Naŋgi na niŋgi kumbra uge bei eŋgosaieqnub.

1 Jon 2:19

Jeu tamo naŋgi di nami gago ambleq di soqneb. Sosib olo bunuqna iga uratgosib jaraieb. Di kiyaqa? Naŋgi Kristen tamo bolesai deqa. Naŋgi Kristen tamo bole qamu naŋgi iga ti unum qamu. Ariya naŋgi iga uratgosib jaraieb deqa iga qalieonum, naŋgi Kristen tamo bolesai.