Hibru 10:36 - Yesus Aqa Anjam Bole

³⁶ Niŋgi siŋgila na tigelesoqniye. Niŋgi degyqab di niŋgi Qotei aqa areqalo dauryqab. Osib mondoŋ iŋgi bole bole Qotei a nami niŋgi eŋgwa marej qaji di niŋgi oqab.

Hibru 10:36 ပူးပေါင်းရင်းမြစ်များ

Matyu 10:22

Niŋgi ijo ñam ejunub deqa tamo uŋgasari kalil naŋgi niŋgi qa are tulaŋ ugeinjroqnqas. Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei na naŋgi oqas.

Matyu 12:50

Tamo a ijo Abu laŋ qureq di unu qaji aqa areqalo dauryosim sqas di ijo was bole. Di ijo jaja. Di ijo ai.”

Matyu 21:31

Deqa niŋgi na merbiye. Aŋgro yai na aqa siqali aqa anjam dauryej?” Onaqa naŋgi na kamba Yesus minjeb, “Ŋiri matu a na aqa siqali aqa anjam dauryej.” Naŋgi degsib Yesus minjnabqa a na olo minjrej, “Niŋgi quiye. E bole merŋgwai. Takis o qaji tamo ti gam qaji uŋa ti naŋgi na niŋgi buŋgosib namoosib Qotei aqa baŋq oqibqa a naŋgo Mandor Koba sosim naŋgi taqatnjrqas.

Matyu 24:13

Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei a naŋgi oqas.

Matyu 7:21

“Niŋgi endegsib are qalaib, tamo kalil e Tamo Koba qa merbeqnub qaji naŋgi Qotei na taqatnjrsim naŋgo Mandor Koba sqas. Di sai. Tamo qudei naŋgi ijo Abu laŋ qureq di unu qaji aqa areqalo dauryeqnub. Tamo naŋgi di segi Qotei na taqatnjrsim naŋgo Mandor Koba sqas.

Mak 3:35

Niŋgi quiye. Tamo a Qotei aqa areqalo daurysim sqas di a ijo was bole. A ijo jaja bole. A ijo ai bole.”

Luk 21:19

Deqa niŋgi ijo ñam siŋgila na ojsib soqnib soqnib Qotei na niŋgi eleŋqas. Amqa niŋgi ŋambile gaigai sqab.

Luk 8:15

Ariya saga yago qudei mol mandam boledamuq di aieb qaji di aqa utru endegsi unu. Tamo qudei naŋgi Qotei aqa anjam qusib ojsib dauryoqnqab. Naŋgo are miligi bolequja deqa naŋgi siŋgila na tigelesosib gei bole ateleŋqab.”

Jon 7:17

Tamo bei a Qotei aqa areqalo dauryqajqa are soqnimqa anjam e mareqnum qaji endi aqa utru a geregere poiyqas. Osim qalieqas, ijo anjam endi Qotei aqaq dena bej. E ijo segi areqalo na marosaieqnum. A degsim qalieqas.

Aposel 13:22

Onaqa bunuqna Qotei na Sol kobotosiqa olo Devit giltonaqa a kamba Israel naŋgo mandor koba soqnej. Qotei a Devit qa endegsi marej, ‘E Jesi aqa ŋiri Devit unonum, aqa kumbra tulaŋ boledamu. E Devit aqa kumbra qa tulaŋ arearetbqo. E qalieonum, a ijo areqalo kalil dauryoqnqas.’

Aposel 13:36

Niŋgi qalie, Devit a mandor koba sosiqa Qotei aqa areqalo dauryoqnsiqa Israel tamo uŋgasari naŋgi geregere taqatnjroqnej. Bunuqna a moinaqa aqa jejamu osib subq ateb. Aqa moma naŋgi nami subq ateleŋeb a degsib subq ateb. Onaqa aqa jejamu subq di qusaej.

Rom 12:12

Mondoŋ Tamo Koba Qotei na niŋgi laŋ qureq osi oqwas. Niŋgi deq oqwajqa tariŋoqnsib areboleboleiŋgoqneme. Osib gulube niŋgi qa boqnimqa siŋgila na tigeloqnsib qoboiyoqniye. Osib gaigai Qotei pailyoqniye.

Rom 12:2

Niŋgi mandam tamo naŋgo kumbra dauryosib walwelaib. Qotei na areqalo bunuj eŋgoqnimqa niŋgi kumbra bunuj dauryoqniye. Osib kumbra dena niŋgi Qotei aqa areqalo geregere qalieqab. Agi niŋgi kumbra bole ti kumbra Qotei a tulaŋ areareteqnu qaji de ti kumbra tulaŋ tiŋtiŋo de ti geregere qalieqab.

Rom 2:7

Tamo uŋgasari qudei naŋgo kumbra tulaŋ boledamu. Naŋgi siŋgila na kumbra bole bole dauryoqnsib laŋ qure qa gam itqajqa waukobaeqnub. Naŋgi laŋ qureq dia ñam koba oqajqa ti ŋambile gaigai sqajqa ti waukobaeqnub. Deqa Qotei na tamo uŋgasari naŋgi di ŋambile enjrim naŋgi so bole gaigai sqab.

Rom 8:25

Ariya iga qalie, iga iŋgi di osaiunum deqa iga mondoŋ oqom. Deqa iga are siŋgilatoqnsim tariŋoqnsim unum.

1 Korin 13:7

Tamo naŋgi qalaqalaiyo kumbra dauryqab di naŋgi gulube kalil qoboiyoqnqab. Osib naŋgi gaigai Qotei qa naŋgo areqalo siŋgilatoqnsib a mondoŋ olo bqas deqa tariŋoqnqab. Osib naŋgi gulube kalil qa siŋgila na tigelesqab.

Galesia 6:9

Deqa iga kumbra bole yoqnqajqa asgigwasai. Iga asgigwasai di bunuqna iga awai bole oqom.

Efesus 6:6

Niŋgi gisaŋ kumbra na nuŋgo wau qa gate naŋgo ŋamgalaq dia laŋa wau bole yobulaib. Niŋgi Kristus aqa kaŋgal tamo unub deqa nuŋgo are miligiq na Qotei aqa areqalo dauryosib naŋgi qa wau bole yoqniye.

Kolosi 1:11

O was qu, iga niŋgi qa degsim Qotei pailyeqnum. Osim olo endegsi pailyeqnum, “O Abu, ni na ino segi siŋgila kobaquja osim Kolosi Kristen naŋgi enjroqnim naŋgi siŋgila na tigeloqnsib gulube kalil qoboiyoqnqab. Osib lawo na sosib gulube di koboqajqa bati qa tariŋoqnsib tulaŋ areboleboleinjroqnim sqab.”

Kolosi 3:24

Niŋgi qalie, mondoŋ Tamo Koba Yesus a na niŋgi awai boledamu eŋgwas. Awai di a na nami aqa segi tamo uŋgasari naŋgi enjrqa marej. Niŋgi are qaliye. Niŋgi Tamo Koba Yesus aqa wau tamo. A segi nuŋgo wau qa Gate.

Kolosi 4:12

Epafras a na dego niŋgi kaiyeiŋgwo. A nuŋgo leŋ. A Kristus Yesus aqa wau tamo. A gaigai siŋgila na niŋgi qa endegsi Qotei pailyeqnu, “O Abu, ni na Kolosi Kristen naŋgi aqaryainjrimqa naŋgi siŋgila na tigeloqnsib naŋgi Kristen tamo tulaŋ boledamu sosib ino kumbra bole keretosib ino areqalo kalil geregere qalieqab.”

1 Tesalonaika 1:3

Niŋgi Kristus qa nuŋgo areqalo siŋgilateqnub deqa niŋgi kumbra bole bole yeqnub. Agi niŋgi na tamo kalil naŋgi tulaŋ qalaqalainjroqnsib naŋgi qa wau bole yeqnub. Mondoŋ gago Tamo Koba Yesus Kristus a olo bqas anjam di niŋgi nuŋgo are miligiq di siŋgilatoqnsib a qa tariŋeqnub. Iga nuŋgo kumbra deqa are qaloqnsim deqa iga nuŋgo ñam maroqnsim gago Abu Qotei biŋiyeqnum.

Hibru 11:39

Tamo kalil naŋgi di Qotei qa naŋgo areqalo siŋgilatoqneb deqa naŋgi aqa ŋamgalaq di tamo tulaŋ boledamu soqneb. Ariya naŋgi mandamq endi sosibqa iŋgi bole bole Qotei na nami naŋgi enjrqa minjrej qaji di naŋgi osaisoqneb. Osaisosib moreŋeb.

Hibru 12:1

Tamo nami soqneb qaji naŋgi di Qotei qa naŋgo areqalo siŋgilatoqneb. Naŋgi laŋbi bul iga agutgesonab iga naŋgo kumbra di uneqnum. Qotei na iga giltgej deqa iga siŋgila na gurguroqnqom. Gurguroqnimqa iŋgi iŋgi qudei na iga Qotei aqa kumbra dauryqa gam getentetgwa laqnimqa iga iŋgi iŋgi di olo gotraŋyoqnqom. Une kalil gagoq di beterqajqa laqnu qaji di dego iga gotraŋyoqnsim Qotei aqa kumbra dauryqajqa siŋgilaoqnqom.

Hibru 13:21

Qotei qujai di a na niŋgi siŋgilatŋgoqnimqa niŋgi aqa areqalo geregere dauryosib kumbra bole bole yoqniye. A gago are miligiq di wauoqnimqa iga Yesus Kristus aqa wau na kumbra kalil a tulaŋ areareteqnu qaji di yoqnsim sqom. Iga kalil bati gaigai aqa ñam soqtoqnqom. Bole.

Hibru 6:12

Niŋgi asgiŋgaiq. Tamo qudei naŋgi Qotei qa naŋgo areqalo siŋgilatoqnsib asginjrosaieqnu. Naŋgo kumbra di niŋgi dego degsib dauryoqniye. Tamo naŋgi di agi iŋgi bole bole Qotei na nami aqa aŋgro naŋgi enjrqa marej qaji di oqab.

Hibru 6:15

Onaqa Abraham a Qotei aqa anjam di qusiqa aqa areqaloq di siŋgilatosiq tariŋosiq soqnej. A tariŋqa asgiyosai. A tariŋesosiq sosiq bunuqna iŋgi bole Qotei na a yqa minjej qaji di a na ej.

Hibru 6:17

Nami Qotei a anjam endegsi marej, “E na Abraham aqa leŋ naŋgi gereinjrqai.” Qotei aqa areqalo di a na olo bulyqa keresai. A iga degsi osorgwajqa deqa aqa anjam di olo siŋgilatej.

Hibru 9:15

Yesus aqa leŋ na iga aqaryaigej deqa iga Qotei aqa ŋamgalaq di tamo bole unum. Aqa wau dena a Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Tamo uŋgasari naŋgi anjam namij aqa sorgomq di sosib bati deqa naŋgi une yoqnsib laqneb. Onaqa Yesus a naŋgi qa moisiq wau dena a naŋgi olo awainjrsiqa naŋgo une kobotetnjrej. Deqa tamo uŋgasari kalil Qotei na metnjreqnaq qusib dauryeqnub qaji naŋgi ŋambile gaigai sqab. Ŋambile di agi Qotei a nami aqa aŋgro naŋgi enjrqa marej.

1 Pita 1:9

Ariya niŋgi Kristus qa nuŋgo areqalo siŋgilateqnub deqa Qotei na niŋgi oqas.

1 Jon 2:17

Mandam endi koboqas. Mandam endeqa kumbra ti are prugyoqa ti maulyoqa ti kalil koboqab. Ariya tamo a Qotei aqa anjam dauryqas di a gaigai sqas.

Uli Anjam 13:10

Qotei a tamo bei tonto talq di waiyqa marimqa tamo di osib tonto talq di waiyebe. Tamo bei na tamo bei sebru na qalqas di a kamba sebru na qalib moiqas. Kumbra di brantimqa Qotei aqa segi tamo uŋgasari naŋgi unsibqa siŋgila na tigelosib naŋgo areqalo Yesus qa siŋgilatosib soqnebe.

Uli Anjam 14:12

Kumbra di brantimqa Qotei aqa segi tamo uŋgasari naŋgi unsibqa siŋgila na tigelesoqnebe. Tamo uŋgasari naŋgi di agi Qotei aqa dal anjam geregere dauryoqnsibqa naŋgo areqalo Yesus qa siŋgilateqnub.