Hibru 10:32 - Yesus Aqa Anjam Bole

³² Ariya niŋgi are qaliye. Nami Qotei na nuŋgo areqalo suwaŋtetŋgonaqa bati deqa jeu tamo naŋgi na gulube ti jaqatiŋ ti gargekoba niŋgi eŋgoqneb. Ariya bati deqa niŋgi siŋgila na tigeloqnsibqa gulube di gotraŋyoqneb. Di niŋgi keretoqneb.

Hibru 10:32 ပူးပေါင်းရင်းမြစ်များ

Aposel 26:18

Ni naŋgoq gilsim ijo anjam minjroqnimqa naŋgi e qa poinjroqnim ambru uratosib suwaŋoq bqab. Satan a na naŋgi joqej unu. Deqa ni na naŋgi are bulyetnjroqnimqa naŋgi Satan aqa siŋgila uratosib Qotei aqaq giloqnqab. Amqa e na naŋgo une kalil kobotetnjritqa naŋgi tamo uŋgasari nami e qa naŋgo areqalo siŋgilateb qaji naŋgi ti koba na ijo segi tamo uŋgasari boledamu sqab.’

Rom 12:12

Mondoŋ Tamo Koba Qotei na niŋgi laŋ qureq osi oqwas. Niŋgi deq oqwajqa tariŋoqnsib areboleboleiŋgoqneme. Osib gulube niŋgi qa boqnimqa siŋgila na tigeloqnsib qoboiyoqniye. Osib gaigai Qotei pailyoqniye.

2 Korin 4:6

Tulaŋ nami Qotei a iŋgi iŋgi kalil gereiyqa osiqa a endegsi marej, “Ambruq dena suwaŋ brantqas.” Ariya bunuqna Qotei aqa suwaŋ di iga qa bosiqa gago are miligi suwantetgej deqa iga Kristus aqa ulatamu uneqnum. Dena iga suwaŋ bole unsimqa Qotei aqa riaŋ ti aqa siŋgila ti geregere poigeqnu.

Filipai 3:16

Ariya kumbra bole iga ojsim dauryeqnum qaji di iga siŋgila na ojesqom.

Kolosi 2:1

O was qu, niŋgi endegsib qalieoiye. E niŋgi qa ti Kristen tamo uŋgasari Laodisia qureq di unub qaji naŋgi qa ti tamo uŋgasari kalil ijo ulatamu unosaieqnub qaji naŋgi qa ti wau koba yeqnum.

Hibru 12:4

Bole, niŋgi siŋgila na qotoqnsib une gotraŋyeqnub. Ariya nuŋgo kumbra dena jeu tamo naŋgi na niŋgi moiotŋgosaieqnub.

Hibru 5:12

Niŋgi nami are bulyeb bati olekoba gilqo. Deqa niŋgi Qotei aqa anjam plaltosib Kristen tamo uŋgasari naŋgi minjrqa kere. Ariya nuŋgo powo kobaosaiunu deqa niŋgi Qotei aqa anjam plaltsib marqa keresai. Tamo qudei naŋgi na olo niŋgi Qotei aqa anjam utruq na merŋgwab di niŋgi poiŋgwas. Niŋgi aŋgro mom muŋgum uyeqnub dego bul. Niŋgi iŋgi siŋgila uyqa kereosaiunu.

Hibru 6:10

Niŋgi wau bolequja yoqnsib Qotei tulaŋ qalaqalaiyoqnsib aqa segi tamo uŋgasari naŋgi geregereinjroqneb. Niŋgi nami degyoqneb agi bini niŋgi degyeqnub. Qotei a tamo uge sai. A tamo bole deqa a nuŋgo kumbra di unoqnsiq olo are walyosaieqnu.

Hibru 6:4

Tamo qudei naŋgi Qotei aqa suwaŋ uneb. Naŋgi laŋ qureq oqwajqa gam geregere qalieeb. Naŋgi Qotei aqa Mondor esoqneb. Naŋgi Qotei aqa anjam pegiyosib deqa naŋgi qalieeb, aqa anjam bolequja. Naŋgi Qotei aqa siŋgila mondoŋ brantqas qaji di dego qalieosib ojesoqneb.

2 Jon 1:8

Deqa niŋgi geregere ŋam atoqniye. Gago wau iga nami nuŋgo ambleq di yoqnem qaji di niŋgi olo urato uge. Niŋgi siŋgila na tigeloqniye. Osib di niŋgi awai bole oqab.

Uli Anjam 2:5

Nami ni kumbra bole yoqnem. Ariya bini ni kumbra di uratonum deqa ni uloŋonum. Deqa ni que. Kumbra ni nami yoqnem qaji deqa olo are qalsimqa are bulyosim kumbra di olo daurye. Ni dauryqasai di e ni qa bosiy ino lam olo taqal atetmqai.

Uli Anjam 3:3

Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni ŋam sirosim tigelqasai di e bajiŋ tamo bul ni qa boqujatqai. Bati gembu e inoq bqai di ni qalieqa keresai.