Hibru 10:31 - Yesus Aqa Anjam Bole

³¹ O was qu, Qotei ŋambile gaigai unu qaji a na tamo bei ojsim ŋolawotqa laqnim tamo di a Qotei qa ulaugetqas.

Hibru 10:31 ပူးပေါင်းရင်းမြစ်များ

Matyu 10:28

Niŋgi jeu tamo naŋgi ulainjraib. Naŋgi nuŋgo jejamu segi qalsib moiotqa kere. Naŋgi nuŋgo qunuŋ moiotqa keresai. Deqa niŋgi naŋgi ulainjraib. Qotei a segi ulaiyiye. A na tamo naŋgo qunuŋ ti jejamu ti padaltnjrsim naŋgi ŋamyuoq breinjrqa kere.

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Luk 12:5

Tamo niŋgi ulaiyqab qaji agi deqa merŋgwai. Qotei a segi nuŋgo jejamu moiotosim bunuqna nuŋgo qunuŋ dego ŋamyuoq waiyqa kere. Deqa niŋgi a segi ulaiyiye.

Luk 21:11

Sawa bei beiq dia mimiŋ kokba ti ma uge ti mam ti iŋgi saio bati dego branteleŋqas. Laŋ goge dia maŋwa bei bei brantoqnibqa tamo uŋgasari naŋgi unoqnsib ulaugetoqnqab.

Aposel 13:11

Deqa ni que. Endego Tamo Koba Qotei aqa siŋgila inoq aiimqa ni ŋamdamu geteŋmimqa bati gargekoba yala seŋ unqasai.” Degsi minjnaqa aqa ŋamdamu ambruiyonaqa a sawa unqa keresai. Deqa a na tamo qudei naŋgi metnjroqnsiqa endegsi minjroqnej, “Niŋgi na ijo baŋ ojsib e gam osorbiye.”

2 Korin 5:11

Ariya iga Tamo Koba Yesus qa ulaoqnsim aqa sorgomq di unum deqa iga tamo uŋgasari naŋgo are bulyetnjroqnim naŋgi Yesus qa naŋgo areqalo siŋgilatqajqa deqa waueqnum. Iga wau di ugetosaieqnum. Qotei a segi gago areqalo ti gago kumbra ti qalie. Ariya e niŋgi qa qalieonum, nuŋgo are miligiq di niŋgi dego qalieonub, iga wau bole yeqnum.

Hibru 10:27

Iga degyqom di iga Qotei qa ulaugetosim a gago une qa pegigwa bati qa tariŋoqnqom. Pegigwa bati deqa Qotei na aqa jeu tamo kalil naŋgi ojeleŋosim ŋamyuo kaŋkaŋ kobaq di breinjrqas. Ŋamyuo di agi Qotei na atej unu.

Hibru 12:29

Iga degyqom. Di kiyaqa? Ŋamyuo na iŋgi iŋgi kalil koiteleŋeqnu dego kere gago Qotei a na tamo uŋgasari naŋgo une qa peginjrsim naŋgi tulaŋ padaltnjrougetqas.

Hibru 3:12

O was qu, niŋgi geregere ŋam atoqniye. Niŋgi ŋam atqasai di nuŋgo ambleq di was bei aqa areqalo ugeosim a Yesus qa aqa areqalo siŋgilatqa uratosim Qotei ŋambile gaigai unu qaji a qoreiyo uge.