Hibru 10:25 - Yesus Aqa Anjam Bole

²⁵ Iga Qotei aqa tamo uŋgasari unum deqa iga aqa ñam qa korooqnqajqa uratqasai. Agi Kristen tamo qudei naŋgi korooqnqajqa asginjreqnu. Niŋgi qalie, Kristus olo bqajqa bati jojomqo. Deqa iga segi segi korooqnsimqa gago Kristen was naŋgo are siŋgilatetnjroqnqom.

Hibru 10:25 ပူးပေါင်းရင်းမြစ်များ

Matyu 10:15

Niŋgi quiye. E bole merŋgwai. Mondoŋ Qotei na tamo uŋgasari naŋgo une qa peginjrqa batiamqa qure deqaji tamo uŋgasari naŋgi ijo anjam uratonub deqa Qotei na naŋgi tulaŋ padaltnjrougetqas. Ariya Sodom qure ti Gomora qure ti naŋgi Qotei na mondoŋ degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Matyu 18:20

Tamo aiyel kio tamo qalub kio ijo ñam qa are qalsib koroqab di e naŋgo ambleq di sqai.”

Jon 12:48

Ariya tamo bei na e qoreibosim ijo anjam quqwa uratqas di aqa une qa pegiyqajqa tamo unu. Diŋo batiamqa anjam e mareqnum qaji dena tamo di aqa une qa pegiyqas.

Aposel 16:16

Ariya bati bei iga olo pailyo sawaq aieqnamqa kaŋgal uŋa bei bosiqa gamq di iga itgej. Uŋa di a mondor uge ti soqnej. Mondor uge dena kumbra bunuqna branteleŋqas qaji di ubtsiq minjeqnaqa a quoqnsiqa tamo qudei naŋgi kamba minjreqnaqa naŋgi quoqnsib a silali koba yeqnab osi giloqnsiqa aqa tamo kokba naŋgo baŋq di atoqnej.

Aposel 2:1

Onaqa Juda naŋgo yori bati koba ñam Pentikos di brantej. Juda naŋgo moma naŋgi nami iŋgi meli bunuj otoreleŋeb deqa are qalqajqa yori bati brantonaqa Yesus aqa tamo uŋgasari kalil naŋgi tal qujaiq di koroosib sonabqa laŋ goge dena jagwa koba anjam ato bulosiq tal naŋgi awesoqneb qaji deq aiej. Aisiq tal keretej.

Aposel 2:42

Tamo uŋgasari Yesus qa naŋgo areqalo siŋgilateb qaji naŋgi bati gaigai Yesus aqa aŋgro 12-pela naŋgo anjam quoqnsib dauryoqneb. Naŋgi bati gaigai are qujaitoqnsib bem gentosib uyoqnsibqa Qotei pailyosib soqneb.

Aposel 20:7

Onaqa Juda naŋgo yori bati koboonaqa qolo iga na Kristen naŋgi koroinjrsimqa naŋgi koba na bem gentosim uyem. Bem uyeqnamqa Pol na Qotei aqa anjam minjroqnej. A anjam olekoba mareqnaq qolo jigeej. Di kiyaqa? Nebeamqa a naŋgi uratnjrsim aiqajqa deqa.

Rom 12:8

A na tamo qudei naŋgi aqa segi tamo uŋgasari naŋgo areqalo siŋgilatetnjrqajqa powo enjrej deqa naŋgi naŋgo areqalo geregere siŋgilatetnjroqnebe. A na tamo qudei naŋgi silali iŋgi iŋgi jeisib tamo uŋgasari iŋgi qa truqueqnub qaji naŋgi enjrqajqa powo enjrej deqa naŋgi silali iŋgi iŋgi koba koroiyosib jeisib enjroqnebe. A na tamo qudei naŋgi aqa wau taqatqajqa powo enjrej deqa naŋgi na wau di geregere taqatoqnebe. A na tamo qudei naŋgi aqa segi tamo uŋgasari naŋgi qa dulosib geregereinjrqajqa powo enjrej deqa naŋgi arebolebole na naŋgi geregereinjroqnebe.

1 Korin 11:20

Deqa e qalieonum, niŋgi Qotei louqa koroeqnub di niŋgi Tamo Koba Yesus aqa iŋgi uyqajqa deqa sai.

1 Korin 14:23

Deqa niŋgi kalil Qotei tal miligiq di koroesosibqa niŋgi kalil meŋ bulyosib qure utru segi segi naŋgo anjam maroqnqab di bolesai. Niŋgi degyqab di tamo qudei Qotei qaliesai qaji naŋgi nuŋgo koro miligiq gilsib nuŋgo anjam di qusib niŋgi qa marqab, “Naŋgi nanarionub deqa anjam di mareqnub.”

1 Korin 14:3

Ariya tamo naŋgi Qotei aqa medabu oqnsib anjam palonteqnub qaji naŋgi anjam aqa damu geregere babteqnab tamo naŋgi quoqnsib poinjreqnu. Deqa anjam dena naŋgo areqalo siŋgilatetnjroqnsiq naŋgi kumbra bole yqajqa are tigeltetnjroqnsiq naŋgo are miligi boletetnjreqnu.

1 Korin 3:13

Ariya mondoŋ tamo naŋgi peginjro batiamqa Qotei na tamo kalil naŋgo wau segi segi boleq atsim ŋamyuo na pegiyosim naŋgo wau bole kio uge kio di unqas.

1 Korin 5:4

Deqa e niŋgi endegsi merŋgwai. Niŋgi gago Tamo Koba Yesus aqa ñam na korooiye. Yim koroq dia e niŋgi ti sobulitqa Tamo Koba Yesus aqa siŋgila dego nuŋgoq di sqas.

Filipai 4:5

Niŋgi lawo kumbra dauryoqnibqa tamo kalil naŋgi nuŋgo kumbra bole di unoqnqab. Niŋgi are qaliye. Sokiñala Tamo Koba Yesus a olo bqas.

1 Tesalonaika 4:18

Deqa niŋgi na anjam di Qotei aqa tamo uŋgasari naŋgi minjroqnsibqa dena naŋgo are siŋgilatetnjroqniye.

1 Tesalonaika 5:11

Deqa niŋgi segi segi Qotei aqa tamo uŋgasari naŋgi anjam bole minjroqnsib dena naŋgo are siŋgilatetnjroqniye. Agi bini niŋgi degyeqnub.

Hibru 10:24

Iga segi segi Qotei aqa tamo uŋgasari naŋgi qa dego are qaloqnqom. Osim naŋgo areqalo tigeltetnjroqnimqa naŋgi na Kristen tamo kalil naŋgi qalaqalainjroqnsib kumbra bole bole enjroqnqab.

Hibru 10:37

Agi Qotei aqa anjam bei nami endegsib neŋgreŋyeb unu, “Sokiñala tamo bunuqna bqas qaji di a bqas. Deqa a tariŋsokobaiyqasai. A urur boqujatqas.

Hibru 13:22

O was qu, e na nuŋgo are siŋgilatetŋgwajqa deqa marsim anjam endi neŋgreŋyonum. Deqa niŋgi ijo anjam endi geregere qusib dauryoqniye. Di kiyaqa? E anjam truquyala neŋgreŋyonum deqa.

Hibru 3:13

Bati gaigai iga mareqnum, “Bini bati endi”. Deqa niŋgi bati gaigai Qotei aqa tamo uŋgasari naŋgi anjam bole minjroqnsib naŋgo areqalo tigeltetnjroqniye. Nuŋgo ambleq di une aqa kumbra na tamo bei gisaŋyim aqa are miligi getento uge.

Jems 5:8

Dego kere niŋgi dego nuŋgo are miligi siŋgilatosib gulube qoboiyoqniye. Tamo Koba Yesus a bqajqa bati jojomqo deqa niŋgi nuŋgo are miligi siŋgilatosib tariŋoqnsib soqniye.

1 Pita 4:7

Iŋgi iŋgi kalil koboqajqa bati agi jojomqo. Deqa niŋgi areqalo bole ti sosib nuŋgo kumbra kalil geregere taqatoqniye. Niŋgi degyqab di niŋgi Qotei pailyqa oqnsib geregere pailyoqnqab.

2 Pita 3:11

Ariya niŋgi are qaliye. Iŋgi iŋgi kalil degsi koboqas deqa niŋgi kumbra kie dauryqajqa merŋgwai? Niŋgi kumbra endegyiye. Niŋgi nuŋgo segi jejamu Qotei yekritosib aqa segi kumbra boleq di sosib dauryoqniye.

2 Pita 3:14

O ijo was bole, niŋgi iŋgi iŋgi di brantqajqa tariŋeqnub deqa niŋgi Qotei aqa ŋamgalaq di tamo bole une saiqoji sqajqa siŋgila na wauoqniye. Osib niŋgi Qotei ombla na areqalo qujaitosib soqniye. Soqnibqa mondoŋ Tamo Koba Kristus a olo bqajqa batiamqa Qotei a nuŋgo kumbra bole kalil di unekritqas.

2 Pita 3:9

Tamo qudei naŋgi endegsib mareqnub, “Tamo Koba Qotei aqa anjam nami marej qaji di a olo dauryqajqa tariŋoqnsiq laŋa sokobaiyeqnu.” Di sai. A na tamo naŋgi padaltnjrqajqa arearetosaieqnu. A na tamo kalil naŋgi are bulyqajqa marsiq deqa a jiŋga na niŋgi qa tariŋoqnsiq unu.

Jut 1:19

Tamo naŋgi di Kristen tamo uŋgasari naŋgi potoaiyeltnjreqnub. Osib mandam qa iŋgi iŋgi qa are koba qaleqnub. Qotei aqa Mondor naŋgoq di sosai deqa naŋgi kumbra uge degyeqnub.