Hibru 1:13 - Yesus Aqa Anjam Bole

¹³ Qotei na aqa Ŋiri degsi minjsiqa olo minjej, “Ni ijo baŋ woq endi awesoqnimqa e na ino jeu tamo kalil naŋgi eleŋosiy ino siŋgaq di ateleŋqai.” Qotei na aqa Ŋiri degsi minjej. Ariya anjam deqaji Qotei na aqa laŋ aŋgro naŋgi minjrosaioqnej.

Hibru 1:13 ပူးပေါင်းရင်းမြစ်များ

Matyu 22:44

‘Tamo Koba Qotei a na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Mak 12:36

Ariya Devit a segi nami marej, ‘Kristus a ijo Tamo Koba dego.’ Agi Qotei aqa Mondor na Devit aqa medabu siŋgilatetonaqa endegsi marej, ‘Tamo Koba Qotei a na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Luk 19:27

Osiqa minjrej, ‘Tamo naŋgi e qa jeu ateb qaji naŋgi joqsib boiye. Naŋgi e qa mareb, “Tamo di mandor ataib.” Deqa tamo naŋgi di joqsib bosib ijo ulatamuq endia naŋgi ñumeleŋib moreŋqab.’”

Luk 20:42

Ariya Devit a segi nami marej, ‘Kristus a ijo Tamo Koba dego.’ Agi louqa buk miligiq dia Devit a anjam endegsi neŋgreŋyej, ‘Tamo Koba Qotei na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Aposel 7:55

Bati qujai deqa Qotei aqa Mondor na Stiven siŋgila yonaqa a laŋ goge tarosiqa Qotei aqa riaŋ koba unej. Yesus a Qotei aqa baŋ woq di tigelesonaq unej.

Hibru 1:3

Yesus a na Qotei aqa riaŋ koba iga osorgeqnu. Yesus aqa so ti Qotei aqa so ti ombla kerekere. Aqa anjam siŋgila ti unu deqa anjam dena a na iŋgi iŋgi kalil siŋgilatejunu. A na gago une kobotetgosiqa laŋ qureq oqsiq Qotei siŋgila koba ti unu qaji aqa baŋ woq di awejunu.

Uli Anjam 20:15

Tamo uŋgasari kalil naŋgo ñam ŋambile qa buk miligiq di sosai qaji naŋgi di Qotei na breinjrnaq ŋamyuoq aieleŋeb.