Galesia 6:6 - Yesus Aqa Anjam Bole

⁶ Kristen gate naŋgi wauoqnsib Qotei aqa anjam palontosib merŋgeqnub. Deqa niŋgi na kamba naŋgi iŋgi iŋgi qa aqaryainjroqniye.

Galesia 6:6 ပူးပေါင်းရင်းမြစ်များ

Matyu 10:10

Niŋgi walwelosib nuŋgo qaquŋ aib. Gara jugo aiye aiyel aib. Siŋga tatal aiye aiyel aib. Walwelqajqa toqoŋ ojaib. Niŋgi Qotei aqa wau tamo deqa niŋgi qure qureq giloqnibqa naŋgi na iŋgi iŋgi deqaji niŋgi eŋgeleŋoqnqab.

Luk 1:4

Deqa ni sisiyosim poimim endegsi marqam, “Bole, anjam iga nami mergoqneb qaji di bole kalil.”

Rom 15:27

Naŋgi naŋgo segi areqalo na silali di koroiyeb. Naŋgo kumbra di bole. Di kiyaqa? Naŋgi na kamba iŋgi deqaji olo Juda naŋgi enjrqajqa wau ti deqa. Juda naŋgi na naŋgi Qotei aqa anjam qa aqaryainjreqnub deqa naŋgi na kamba olo Juda naŋgi jejamu qa iŋgi iŋgi qa aqaryainjrqajqa wau ti.

2 Timoti 4:2

Deqa ni Kristus aqa anjam palontqajqa siŋgilaoqne. Yimqa tamo qudei naŋgi ino anjam quqwa arearetnjroqnqas. Ariya tamo qudei naŋgi ino anjam quqwa asginjroqnqas. Di uŋgum. Ni gaigai Kristus aqa anjam naŋgi siŋgila na minjroqne. Osim anjam dena naŋgo are qametnjroqnsim naŋgo areqalo tigeltetnjroqne. Yim naŋgi are bulyoqnsib Qotei aqa kumbra dauryoqnqab. Deqa ni gaigai kumbra lawo na naŋgi gereinjroqnsim Qotei aqa kumbra naŋgi osornjroqne.