Galesia 6:17 - Yesus Aqa Anjam Bole

¹⁷ Tamo bei na e olo gulube bei ebaiq. Nami jeu tamo naŋgi na e luboqneb. E luboqneb qaji pirigi agi ijo jejamuq di unu. Niŋgi di unsib endegsi poiŋgwas, “Bole, Pol a Yesus aqa wau tamo bole.”

Galesia 6:17 ပူးပေါင်းရင်းမြစ်များ

Aposel 15:24

Iga nami anjam endegsi quem. Tamo qudei naŋgi gago ambleq na tigelosib nuŋgoq gilsib naŋgo segi areqalo na anjam bei merŋgsib dena nuŋgo areqalo niñaqyetŋgeb. Tamo naŋgi di iga na qariŋnjrosai.

2 Korin 1:5

Kristus a jaqatiŋ koba ej deqa iga dego jaqatiŋ koba eqnum. Kristus aqa kumbra dena Qotei na gago are olo latetgeqnu.

2 Korin 4:10

Gago jejamuq dia tamo uŋgasari naŋgi gaigai Yesus aqa moio uneqnub. Deqa Yesus aqa ŋambile dego gago jejamuq di branteqnaq naŋgi uneqnub.

Galesia 1:7

Ariya anjam bole bei saiqoji. Sai bolesai. Tamo qudei naŋgi nuŋgo areqalo niñaqyetŋgwa wauoqnsib deqa naŋgi Kristus aqa anjam bole di olo bulbulyeqnub.

Filipai 3:10

Deqa e Kristus qa bole qalieqajqa are koba unu. A subq na tigelej deqa a siŋgila ti unu. E siŋgila deqa qalieqajqa are koba unu. A jaqatiŋ osiq moiej deqa e a beteryosiy a ombla jaqatiŋ osiy moiobulqai. E a ombla areqalo qujaitosiy moiobulqajqa are qaleqnum.

Kolosi 1:24

E niŋgi aqaryaiŋgwa osim deqa e jaqatiŋ koba eqnum. E ijo jaqatiŋ deqa tulaŋ areboleboleibeqnu. E na Kristus aqa segi tamo uŋgasari naŋgi aqaryainjreqnum. Naŋgi aqa segi jejamu bul. A naŋgo gate. A na naŋgi aqaryainjrqa marsiq jaqatiŋ koba ej. Aqa jaqatiŋ di koboosaiunu. Deqa e dego tamo uŋgasari naŋgi qa osimqa ijo segi jejamuq di jaqatiŋ koba eqnum. Ijo kumbra dena e na Kristus aqa jaqatiŋ dauryosim kereteqnum.

Hibru 12:15

Niŋgi geregere ŋam atsib soqniye. Qotei a niŋgi qa are tulaŋ boleiyeqnu aqa kumbra di niŋgi qudei olo uloŋosib urato uge. Ŋamtaŋ oqsiq gei uge ateleŋeqnu dego kere nuŋgo ambleq di tamo bei a kumbra uge uge babtoqnimqa niŋgi na saidyiye. Tamo dena niŋgi gulube eŋgimqa niŋgi Qotei aqa ŋamgalaq di jiga ti so uge.

Uli Anjam 13:16

Onaqa wagme juwaŋ bunu brantej qaji a na aqa wau tamo naŋgi endegsi minjrej, “Niŋgi na tamo uŋgasari kalil naŋgo baŋ woqsi lanjaqsi ijo toqor atetnjriye.” Degsi minjrnaqa naŋgi gilsib toqor atetnjreb. Tamo ñam saiqoji naŋgi ti tamo ñam ti tamo ñoro ti tamo iŋgi iŋgi saiqoji unub qaji naŋgi ti tamo laŋaj naŋgi ti kaŋgal tamo naŋgi ti kalil naŋgo baŋ woqsi lanjaqsi toqor ateleŋeb.

Uli Anjam 13:17

Tamo bei aqaq di toqor atqa minjib saidqas di a olo bunuqna iŋgi awaiyqa marqas getentqab. A iŋgi bei qariŋyosim silali oqa marqas dego getentqab. Toqor di agi wagme juwaŋ aqa segi ñam. Iga aqa ñam di sisiyqom di aqa utru brantqas.